بلوچستان کے علاقے بلیدہ سے تین افراد کی گولیوں سے چھلنی لاشیں برآمد

کوئٹہ: بلوچستان کے علاقے بلیدہ سے تین افراد کی گولیوں سے چھلنی لاشیں برآمد ہوئی ہیں، ذرائع کا کہنا ہے کہ قتل ہونے والے تین افراد کو نامعلوم افراد اپنے ساتھ لے گئے تھے۔

ذرائع کے مطابق مذکورہ افراد کوگولیوں سے نشانہ بنا کر جان بحق کیا گیا ہے۔مذکورہ افراد کو ایک گاڑی سمیت نامعلوم افراد اپنے ساتھ لے گئے تھے اور یہ افراد اس وقت مسلح بھی تھے۔

جاں بحق ہونے والوں کی شناخت بلیدہ زعمران کے رہائشی نعمت ولد عبدالکریم جبکہ ایک کی شناخت صلاح الدین ولد عنایت اللہ سکنہ خدابادان پنجگور اور ایک کی شناخت زھیر ولد بدل خان سکنہ خاران کے ناموں سے ہوئی ہے۔

بتایا جارہا ہے کہ ان تینوں کا تعلق مذہبی شدت پسند تنظیموں سے ہیں جنہیں نامعلوم افراد نے اغواء کرنے کے بعد ہلاک کیا تھا۔

About The Author

نمائندہ

See author's posts