وزیراعلی سندھ کی کراچی میں جمع بارش کے پانی کی نکاسی کی ہدایت۔
کہا پمپس کے ذریعے گلیوں سے پانی نکالنے کا کام آج ہی شروع کیا جائے۔
سڑکوں کی فوری مرمت کے احکامات بھی جاری کردیئے۔
وزیراعلیٰ سندھ مراد علی شاہ کی زیر صدارت اجلاس میں چیف سیکریٹری نے بتایا ٹاور، میمن مسجد، کے ایم سی بلڈنگ کے اطراف، کھارادر، وزیر مینشن اور کچھ دیگر علاقوں میں پانی موجود ہے۔
وزیراعلیٰ نے واٹر بورڈ کو پانی کی نکاسی یقینی بنانے کی ہدایت کردی ۔ وزیر بلدیات ناصر شا ہ نے بتایا پمپنگ اسٹیشن پر کچھ مسائل تھے
جو ٹھیک کر دیئے ہیں۔وزیر اطلاعات شرجیل میمن کا کہناتھا کے پی ٹی انڈرپاس کلیئر ہوگیا ہے۔
وزیراعلیٰ ہاؤس، میٹروپول، سندھی مسلم سوسائٹی، کریم آباد کے علاقوں میں نکاسی آب کی لائن کو نقصان پہنچا ہے۔
وزیربلدیات ناصر شاہ نے کہا تین لائنز ٹھیک کی گئی ہیں اور تین پر کام ہورہا ہے۔ چیف سیکریٹری نے اجلاس کو آگاہ کیا کہ کورنگی کازوے بند ہونے کے باعث
ٹریفک کا مسئلہ بنا ہوا ہے۔وزیراعلیٰ سندھ نے چیف سیکریٹری کو کازوے پر کام شروع کرنے کی ہدایت کی۔ کہا کام مکمل ہونے تک ٹریفک مینجمنٹ کی جائے۔
دوسری جانب صوبائی وزیر اطلاعات شرجیل میمن اور وزیر بلدیات ناصر شاہ نے شہر کے مختلف علاقوں کا دورہ کر کے نکاسی کے کام کا جائزہ لیا۔
وزیر اطلاعات شرجیل میمن کا کہنا تھا دو دنوں میں چارسو ملی میٹر بارش کی وجہ سے چیلینجز بڑھے ۔
شہر کی تمام اہم سڑکیں صاف ہیں۔ کے پی ٹی انڈر پاس بھی کلیئر کردیا ہے ۔ نشیبی علاقوں سے پانی کی نکاسی پر توجہ دے رہے ہیں۔
About The Author
اے وی پڑھو
قومی اسمبلی دا تاریخی سیشن ،،26ویں آئینی ترمیم منظور
نیشنل پریس کلب کے انتخابات، جرنلسٹ پینل نے میدان مارلیا، اظہر جتوئی صدر منتخب
ملتان یونین آف جرنلسٹس کے سالانہ انتخابات میں "پروفیشنل جرنلسٹس گروپ” نے میدان مار لیا،