ڈیرہ غازیخان کی خبریں

ڈیرہ غازیخان

کمشنر ڈیرہ غازیخان ڈویژن ڈاکٹر ارشاداحمد نے کہا ہے کہ وزیراعلی پنجاب سردار عثمان احمد خان بزدار کے ویژن کے مطابق ڈیرہ غازیخان شہر کے داخلی و خارجی مقامات کو خوبصورت بنایا جائے گا

لاہو راور ڈیرہ غازیخان کی پارکس اینڈ ہارٹیکلچر اتھارٹیزشہر کے داخلی و خارجی مقامات، پارکس، گرین بیلٹس او رروڈمیڈینز کوبہتر کرنے کے منصوبے مقررہ معیاد کے

اندر مکمل کریں خیابان سرور، ماڈل ٹاون اور شہر کے دیگر مقامات پر سرکاری رقبوں کی نشاندہی کے ساتھ پارکس میں تبدیل کرنے کیلئے فزیبلٹی سٹڈی تیار کریں

پہلے سے نشاندہی کیے گئے مقامات پر پارکس کی تیاری شروع کر دی جائے انہوں نے یہ بات افسران کے ہمراہ ترقیاتی منصوبوں کے معائنہ کے دوران کہی

سی ای او سالڈ ویسٹ منیجمنٹ کمپنی و ایڈیشنل ڈپٹی کمشنر ریونیو سمیع اللہ فاروق، اسسٹنٹ کمشنر صدر ملک راشد نعمت، ڈائریکٹر جنرل پی ایچ اے ڈیرہ غازیخان ڈاکٹر عابد محمود ملک، ڈائریکٹر ڈویلپمنٹ وفنانس عبیدالرشید،

ایکسیئن بلڈنگز ہمایوں مسرور اوردیگر افسران ہمراہ تھے کمشنر نے خیابان سرور، پاکستان چوک، موضع کوٹلہ سکھانی میں زیر تعمیر شہر خموشاں پراجیکٹ اور شہر کے مختلف مقامات کاد ورہ کیا

صفائی، سیوریج اوردیگر معاملات کے علاوہ ترقیاتی منصوبوں کی تکمیل کی رفتار کا بھی جائزہ لیا

کمشنر نے پاکستان چوک کا معائنہ کرتے ہوئے ایئر فورس کے نصب جہاز، چوک کی گرینری اور دیگرامور کا جائزہ لیتے ہوئے بہتری کی ہدایات جاری کیں

کمشنر نے کہاکہ شہر خموشاں پراجیکٹ کی تکمیل میں مزید تاخیر برداشت نہیں کی جائے گی رکاوٹیں دور کرنے کیلئے تمام سٹیک ہولڈرمل کر کام کریں

منصوبہ کی جلد تکمیل یقینی بنائی جائے کمشنر نے کہا کہ ڈیرہ غازیخان شہر میں صفائی اور سیوریج مسائل کے حل کیلئے سنجیدگی سے کام کیا جائے۔

ڈیرہ غازیخان

ڈپٹی کمشنر ڈیرہ غازیخان طاہر فاروق نے بی ایم پی سرائے، آفیسرز کلب اور دیگر زیر تعمیر ترقیاتی منصوبوں کا جائزہ لیا

انہوں نے لوکل گورنمنٹ، بلڈنگز اور دیگر محکمو ں کے افسران کو منصوبہ کی جلد تکمیل کیلئے ہدایات جاری کیں ڈپٹی ڈائریکٹر ڈویلپمنٹ وسیم اختر جتوئی،

ڈی جی پی ایچ اے ڈاکٹر عابد محمود، ایکسیئن بلڈنگز ہمایوں مسرور اوردیگر افسران ہمراہ تھے ڈپٹی کمشنر نے کہا کہ آفیسرزکلب کی بحالی جلد مکمل کر لی جائے گی

کلب میں تفریحی اور کھیلوں کی سرگرمیوں کا جلد آغاز ہو گا جوگنگ ٹریک، ٹینس کورٹ اوردیگر تعمیراتی کام تکمیل کے آخری مراحل میں ہے

ڈپٹی کمشنر نے بارڈر ملٹری پولیس سرائے کی بحالی کا جائزہ لیتے ہوئے جلد تکمیل کی ہدایات جاری کیں۔

ڈیرہ غازیخان

حکومت پنجاب کی ہدایت پر ٹریفک پولیس ڈیرہ غازیخان نے سموگ سے بچاؤبارے آگاہی مہم کا آغاز کر دیا ہے ڈی ایس پی ٹریفک کی ہدایت پر ٹریفک ایجوکیشن یونٹ نے ٹریفک چوک،

فریدی بازار، فیصل موورسٹینڈ اوردیگر مقامات پرلوگوں کو آگاہی دی اس موقع پر ریلی کا انعقاد کرنے کے ساتھ معلوماتی پمفلٹس بھی تقسیم کیے گئے

ٹریفک ایجوکیشن یونٹ کے انچارج ذیشان احمد نے کہاکہ دھند اور سموگ کی وجہ سے حادثات بڑھ جاتے ہیں

ٹرانسپورٹرز گاڑیوں کی دیکھ بھال یقینی بنائیں انہوں نے کہاکہ دھواں چھوڑنے والی گاڑیوں کے مالکان کے خلاف کارروائی کی جائے گی

ٹریفک قوانین کی پاسداری کرتے ہوئے ذمہ دارشہری کا ثبوت دیا جائے۔

ڈیرہ غازیخان

ڈیرہ غازی خان کے قبائلی علاقے میں بارڈر ملٹری پولیس کی کارروائی، بین الصوبائی منشیات کی سمگلنگ کی کوشش ناکام،

بلوچستان سے پنجاب آنے والی منشیات سے بھری کار پکڑ لی، بین الصوبائی منشیات فروش اسمگلر گرفتار، مقدمہ درج،

تفصیلات کے مطابق کمانڈنٹ بارڈر ملٹری پولیس حمزہ سالک کی ہدایت پر ایس ایچ او راکھی گاج اقبال خان لغاری نے منشیات فروشوں کے خلاف کاروائی کرتے ہوئے ٹیم کے ہمراہ مخبر کی اطلاع پر بلوچستان سے پنجاب آنے والی منشیات سے

بھری کار پکڑ لی ایس ایچ او اقبال خان لغاری نے بتایا کہ گاڑی کے خفیہ خانوں سے لاکھوں روپے مالیت کی چرس برآمد ہوئی ہے چرس کی مقدار تقریباًایک من ہے جس کے چالیس پیکٹ برآمد ہوئے ہیں بین الصوبائی منشیات فروش اسمگلر

حبیب موسیٰ خیل کو بھی گرفتارکر لیا ہے لاکھوں روپے مالیت کی چرس کوئٹہ سے پنجاب اور صوبہ سندھ کراچی سمگل کرنے کی کوشش کی جا رہی تھی ملزم سے مزید تفتیش جاری ہے۔

ڈیرہ غازیخان

اسلامی جمعیت طلبہ کے زیراہتمام خاتم النبیین حضرت محمد ﷺ کی شان میں گستاخانہ خاکوں کی اشاعت اور فرانسیسی صدر میکرون کی طرف سے

اسلام کے خلاف ہرزہ سرائی کے خلاف ریلی نکالی گئی ریلی کی قیادت ناظم اسلامی جمعیت طلبہ ڈیرہ غازی خان حذیفہ عثمان نے کی اس موقع پر فرانس کا پرچم بھی نذر آتش بھی کیا گیا

ریلی میں عزیر حسن، اسد علی شاہ،محمد رزاق اورسینکڑوں طلبہ نے بھی شرکت کی ریلی کے شرکاء سے خطاب کرتے ہوئے حذیفہ عثمان نے کہا کہ

حضور ﷺ کی شان اقدس میں کسی قسم کی گستاخی برداشت نہیں کریں گے طالبعلم بیدار ہوچکے ہیں اپنی جان تو قربان کرسکتے ہیں لیکن حضور ﷺ کی شان میں گستاخی کرنے والے کو کسی صورت برداشت نہیں کریں گے

اور اگر پاکستان کی حکومت نے فرانس کا بائیکاٹ نہیں کیا تو یہ طالب علم آرام سے نہیں بیٹھیں گے بلکہ اپنے سروں پر کفن باندھ کر نکلیں گے

اور اینٹ کا جواب پتھر سے دیں گے اور ہم حکومت وقت سے مطالبہ کرتے ہیں کہ فرانس کے سفیر کو ملک بدر کیا جائے۔ فرانس کی مصنوعات کا مکمل طور پر بائیکاٹ کیا جائے۔

ڈیرہ غازیخان

تحریک انصاف نے نوجوانوں کو روز گار کاجھانسہ دیکر ووٹ حاصل کیا اب انے منہ سے نوالہ تک چھینا جا رہا ہے

مہنگائی نے عوام کو چولہے ٹھنڈے کر دیئے ہیں حکومت ہے کہ جھوٹ پہ جھوٹ بول رہی ہے

یہ بات جماعت اسلامی کے ضلعی امیر چوہدری پروفیسر رشید احمد اختر نے نائب امیر ضلعی منیر احمد کلاچی اورجنرل سیکرٹری فیصل عبداللہ گورائیہ کے ہمراہ

صحافیوں سے گفتگو کرتے ہوئے کہی انہوں نے کہا کہ روزمرہ کی خوردو نوش کی اشیاء میں روز بروز کے اضافہ نے انسان کو ذہنی مریض بنا دیا ہے

آٹے کی قیمت 85روپے فی کلو ٹماٹر 200روپے چاول 140روپے اور دیگر اشیاء کاروباری حضرات سر عام مہنگی فروخت کرر ہے ہیں

پرائس کنٹرول کمیٹیاں دفتروں تک محدود ہوکر رہ گئی ہیں انہوں نے مزید کہا کہ حکومت اور اپوزیشن کی لڑائی سے عوام کو کوئی سروکار نہیں

امیر جماعت اسلامی پاکستان سنیٹر سراج الحق کی قیادت میں پورے ملک میں مہنگائی کے خلاف احتجاج جاری ہے

انشاء اللہ عوام سے دھوکہ کرنے والوں کو ان کے اپنے انجام تک پہنچائیں گے۔

ڈیرہ غازیخان

سینٹ انتھونی چرچ میں بین المذاہب ہم آہنگی کے تحت فرانسسی صدر کے خلاف احتجاجی مظاہرہ،مظاہر ین نے بینر اور پلے کارڈ اٹھا رکھے تھے۔

تفصیلات کے مطابق سینٹ انتھونی یونائٹڈ چرچ ڈیرہ غازیخان میں مسیحی برادری و بین المسالک علماء ا کرام نے بین المذاہب ہم آہنگی کے تحت فرانسسی صدر کے

اسلام دشمنی بیان کے خلاف احتجاجی مظاھرہ کیاگیااس موقع پرمذہبی ہنماؤں، سلیم الیاس مسیح،یونس پرویز مسیح،

مولانا قاری عبدالغفورسیفی، پی ٹی آئی رہنما سردار احمد نیازی، پاسٹر پیٹرجوزف گل، حافظ عمرفاروق مکی، مخدوم زاھد قریشی، حکیم عبدالمجید نقشبندی، بوٹا مسیح، عارف مسیح، ڈاکٹر فدا ملکانی،

ملک اللہ وسایا گمبھ، قاری اسلم لنڈ، عامر پرویز بھٹی، کامران پال، جنید اقبال، قاری محمد صادق,

ودیگر نے اپنے خیالات کا اظہار کرتے ہوئے کہا کہ مذاہب عالم ہمیں انسانیت،بھائی چارہ، امن اور برداشت کا درس دیتے ہیں

فرانسسی صدر کے گستاخانہ رویہ کی بدولت نہ صرف تمام مذاہب کے لوگ دلبرداشتہ ہوئے بلکہ دنیا میں امن کو بھی شدید خطرات لاحق ہوئے

اس موقع پر فرانسسی صدر کے خلاف نعرہ بازی کی گئی اور دنیا میں امن و امان کے حوالہ سے خصوصی دعاکروائی گئی۔

ڈیرہ غازیخان

آر پی او فیصل رانا نے ریجن کے چاروں اضلاع میں قانون شکن اور سماج دشمن عناصر”انٹیلی جینس بیسڈ آپریشن“ (آئی بی او) شروع کرنے کی ہدایات جاری کر دیں،قانون شکنوں کی کمیں گاہوں کو قانونی انداز میں ختم کرنے کے لئے

قانون نافذ کرنے والے دیگر اداروں کے ساتھ اطلاعات اور معلومات کا تبادلہ کیا جائے،آئی بی او کی مانیٹرنگ کے لئے آر پی او آفس میں کنٹرول روم قائم کر دیا گیا،

تفصیلات کے مطابق ریجنل پولیس آفیسر ڈی آئی جی محمد فیصل رانا نے ”محفوظ ڈی جی خان ریجن“ ماسٹر پلان کے تحت ریجن کے چاروں اضلاع میں ڈاکوؤں،کرائے کے قاتلوں،رہزنوں،قانون شکنوں اور سماج دشمن عناصر کے

خلاف بیک وقت ایک ایسا آپریشن شروع کروانے کی ہدایات جاری کی ہیں جس کو ”انٹیلی جینس بیسڈ آپریشن“ (آئی بی او)کا نام دیا گیا ہے،آر پی او فیصل رانا نے چاروں اضلاع کی پولیس افسران کو ہدایات دیتے ہوئے کہا کہ

قانون شکنوں کے خلاف بے نتیجہ آپریشن کے امکانات کو کم سے کم کرنے کے لئے ”انٹیلی جینس بیسڈ آپریشن“ (آئی بی او) شروع کرنے کا فیصلہ کیا گیا ہے،اس آپریشن کے تحت ریجن اور پھر ریجن کے چاروں اضلاع کے داخلی و خارجی راستوں پر

اس طرح کے اقدامات کئے جائیں کہ اولاً تو کسی قانون شکن کو یہاں سے گزرنے کی ہمت ہی نہ ہو اور اگر کوئی قانون شکن سماج دشمن ڈی جی خان ریجن یا اس کے کسی بھی ضلع میں داخل ہو تو پولیس کے پاس اس قدر مستحکم اور

مصدقہ اطلاعات ہوں کہ کوئی قانون شکن قانون کے شکنجے سے بچ نہ سکے،فیصل رانا نے کہا کہ’انٹیلی جینس بیسڈ آپریشن“ (آئی بی او) کی وجہ سے انٹر ڈسٹرکٹ پولیسنگ بھی مستحکم ہو گی،پولیس اپنے قانونی دائرہ میں رہتے ہوئے بارڈر ملٹری پولیس،

بلوچ لیویز سمیت دیگر قانون نافذ کرنے والے اداروں کے ساتھ معلومات اور اطلاعات کا تبادلہ قانونی انداز میں اس طرح کرنے کہ

’انٹیلی جینس بیسڈ آپریشن“ (آئی بی او)ہر حوالے سے نتیجہ خیز،ثمر آور اور کامیاب ہو،آر پی او نے کہا کہ اضلاع کے پولیس افسران قانون شکن اور سماج دشمن عناصر کی

گرفتاری کے حوالے سے قانون کے دائرے میں اپنے اہداف مقرر کریں،اس کے لئے بھر پور تیاری کے ساتھ کام کریں،ریاست نے پولیس کو جہاں پر عوام کے جان ومال کے تحفظ کے لئے اختیارات دئیے ہیں

وہاں پر وسائل بھی دئیے ہیں،جن کو استعمال میں لاکر ہم نے عوام کے جان ومال کے تحفظ کو ہر صورت میں یقینی بنانا ہے،

آر پی او نے کہا کہ ریجن کے ایسے اضلاع جن کے سرحدیں دیگر صوبوں سے ملتی ہیں انہیں داخلی اور خارجی راستوں پر اس طرح کے انتظامات کرنے چاہییں کہ

منشیات سمیت کسی قسم کی سمگلنگ نہ ہو سکے،انہوں نے کہا کہ ’انٹیلی جینس بیسڈ آپریشن“ (آئی بی او)کی مانیٹرنگ کے لئے میرے دفتر میں ایک کنٹرول روم قائم کر دیا گیا ہے

ڈیرہ غازیخان

قوانین کی خلاف ورزیوں پر پنجاب فوڈاتھارٹی کی کارروائیاں جاری ،ناقص خوراک کی فروخت، واجبات کی عدم ادائیگیوں پر9فوڈ یونٹس سیل،صفائی کے

ناقص انتظامات پر متعدد فوڈ پوائنٹس کو 1لاکھ63ہزارروپے کے جرمانے عائد،160فوڈ پوائنٹس کووارننگ نوٹسز جاری۔

ڈائریکٹر جنرل پنجاب فوڈاتھارٹی عرفان میمن کی ہدایت پر فوڈ سیفٹی ٹیموں کی ڈی جی خان اور بہاولپورڈویژن میں غیر معیاری خوراک فروخت کرنے

اورلائسنس فیس نادہندگان کے خلاف کارروائیاں جاری ہیں۔ فوڈ سیفٹی ٹیموں نے219فوڈ پوائنٹس کی چیکنگ کے دوران خوراک کی تیاری میں زائدالمعیاداجزاء کااستعمال

اور قواعد کی خلاف ورزی پر9فوڈپوائنٹس سربمہر جبکہ180کوبہتری نوٹسز جاری کیے۔ مظفرگڑھ میں آرائیں سویٹس پروڈکشن یونٹ کو دہی میں

سٹارچ کی ملاوٹ کرنے اورراجن پورمیں مشہوری ملک شاپ کو مضرصحت ملاوٹی دودھ فروخت کرنے پرسیل کیاگیا۔

اسی طرح رحیم یارخان میں کیفے بشیر سویٹس اینڈ بیکرز کو خوراک کو ڈھانپ کر نہ رکھنے اور کھلے مصالحہ جات کا استعمال کرنے پر سربمہر کیاگیا۔

اس کے علاوہ لیہ میں ڈان ہوٹل،بھیا ہوٹل، حماد سپرسٹور، بہاولنگر میں الامین چسکہ پوائنٹ، اکرام کریانہ اور بہاولپور میں اعوان کریانہ سٹورکو لائسنس فیس واجبات کی

عدم ادائیگی پر سیل کردیاگیا۔علاوہ ازیں مظفر گڑھ میں صفائی کے ناقص انتظامات اور حشرات کی بھرمار پر ذیشان بیکرز کو 20ہزار جبکہ ایم ستار بیکری کو 15ہزار

جرمانہ عائد کیاگیا۔مزید مظفرگڑھ میں حاجی عبدالرحمان کریانہ سٹور، مدینہ سپر سٹور، بہاولنگرمیں البلال فیصل بیکرز،

ڈی جی خان میں لکھ داتا ہوٹل اور جنید عارف کریانہ سٹورکو خوراک کا معیار بہتر نہ ہونے پر یکساں 10،10ہزارروپے کے جرمانے عائد کیے گئے۔

About The Author

نمائندہ

See author's posts