کسان اپنی مزدوری مانگنے، اپناحق لینے کے لیے اسلام آباد آ رہے ہیں

رحیم یار خان: ڈسٹرکٹ آرگنائزرپاکستان کسان اتحاد رحیم یار خان.انفارمیشن سیکرٹری کسان بچاؤ تحریک پاکستان جام ایم ڈی گانگا نے کہاہے کہ ملک بھر کے عوام کو خوراک کھلانے، دودھ پلانے اور کپڑے پہنانے والے کسان اپنی مزدوری مانگنے  اپناحق لینے کے لیے اسلام آباد آ رہے ہیں۔

جام ایم ڈی گانگا کی طرف سے جاری بیان کے مطابق آج4بجے کسان بچاؤ تحریک کی ہنگامی میٹنگ بلا لی گئی ہے۔

انہوں نے کہا کہ کسان اپنے مطالبات کے لیے اسلام آباد میں پرامن دھرنا دیں گے،حکمرانوں کو شوگر مافیا اور ٹیکسٹائل مافیا نے ذہنی اور نفسیاتی طور پر یرغمال بنا رکھا ہے۔

جام ایم ڈی گانگا نے کہا کہ کپاس کی سپورٹ پرائس کے تعین نہ ہونے کے پیچھے رزاق داؤد کے بعد سب سے بڑی رکاوٹ شوگر مافیا ہی ہے۔

جنرل سیکرٹری کسان بچاؤ تحریک جام احمد یار ولانہ نے کہا کہ حکمران کسان اور زراعت مخالف مشیروں سے اپنی جان چھڑائیں۔

چیئرمین کسان بچاؤ تحریک چوہدری محمد یسین نے کہا کہ گزشتہ پانچ سال سے گنے کا ریٹ نہیں بڑھایا جا رہا کیوں؟

سرپرست کسان بچاؤ تحریک سید محمود الحق نے کہاہے کہ ملک کے عوام کو چینی بھی پانچ سال پرانے ریٹ پر دی جائے۔

کسان اتحاد کے ضلعی صدر اللہ نواز مانک نے گنے کا ریٹ تین سو روپے فی من مقرر کرنے کا مطالبہ کیاہے۔

About The Author

dailyswail

See author's posts