کراچی:سیوریج لائنوں میں پتھروں کے بعد موٹر سائیکل کا انجن برآمد

کراچی: پاکستان کے جنوبی صوبہ سندھ کے سب سے بڑے شہر کراچی میں صفائی اور کچرے کا مسئلہ میڈیا میں زیر بحث رہاہے ۔

وزیر اطلاعات سندھ نے آج سماجی رابطوں کی ویب سائٹ ٹوئٹر پر تصاویر کے ساتھ بیان جاری کیاہے کہ سیوریج لائنوں میں لوگ پتھروں کے ساتھ ساتھ موٹر سائیکل کے انجن بھی ڈال رہے ہیں ۔

ملت نگر میں سیوریج لائین سے پتھروں کے ساتھ موٹر سائیکل کا انجن برآمد ۔ #NoToGutterPolitics pic.twitter.com/QI9bFOM8hz

— Senator Saeed Ghani (@SaeedGhani1) October 10, 2019

منتظر مہدی نامی صارف نے تبصرہ کیا کہ ’’سندھ دشمن قوتیں سندھ حکومت کو کسی بھی طرحہ پریشان کرنے میں ہر وقت پیش پیش ہیں۔ سندھ حکومت کو چاہیئے جتنا ہوسکے کراچی میں cctv کیمرے لگوا دے۔ اور ایسے عناصر کو عوام میں بے نقاب کرنے کیلئے اقدامات کرے۔ کیونکہ ایسی حرکت کرنے والے سندھ دشمن ہی ہیں۔ انکو سزا دینے کیلئے قانون لایا جائے۔‘‘

ایک اور صارف نے لکھا ’’اگر فالودے والے کے اکاؤنٹ سے پیسے نکل سکتے ہیں تو گٹر سے موٹر سائیکل کا انجن نکلنا کوئی انہونی بات نہیں ہے!‘‘

سعید غنی کے ٹویٹ کے جواب میں ایک دل جلے صارف نے تو یہ تک لکھ دیا ’’یہ انجن سندھ حکومت میں ڈال دیں شاید چل پڑے۔‘‘

ایک اور صارف نے لکھا کہ آپ اس معاملے پر قانون سازی کریں کیونکہ یہ گندگی شہر کو تباہ کررہی ہے ۔ میں ہمیشہ سے پیپلزپارٹی کی قانون سازی کا معترف رہاہوں ۔

About The Author

dailyswail

See author's posts