سرائیکی ناول “وساخ”دے پنجویں در دیاں کجھ سطراں||نذیر لغاری

ہک ڈو گھنٹے بعد زیل تے لاڑا لگا، شرناہ دی چیک اُبھری، واجے بھیروی دا الاپ کیتا، چنگ دی ٹیوں تھئی، ہک تارے دی تار چیکی، گھوگھودی گھوتھئی، دِلے تے انگلیں تِھڑکیاں، ول پٹھانے خان دی آواز دا گھاگھرا ویہہ جلیا۔چینا ایں چھنیدا یار، چینا ایں چھنیدایار، خیمے خالی تھیون پئے گئے، پِڑ آباد تھیون پئے گیا،

پٹھانےخان بابا بلھے شاہ، شاہ حسین تے خواجہ فرید دیاں کافیاں سنایاں، ول ملکۂ ترنم آئی تاں اُوں پڑتے مچ مچاڈتا۔اے وطن کے سجیلے جوانو، اے پترہٹاں تے نئیں وکدے، میرا ماہی چھیل چھبیلا، اے راہِ حق کے شہیدو، کیا آوازہئی،کیاسازہن، کیافضاہئی، کیاماحول ہئی، کرم پیرےتسبیح دے منکےپھریندابیٹھاہا، چیف مارشل لاءایڈمنسٹریٹر شیروانی دے ول سدھے بیٹھا کرینداہا، حاجی اقبال سِربیٹھالُڈینداہا، سیٹھ عابد تاڑی بیٹھا مریندا ہا،

یوسف شنواری آپنی درگھی پٹکی کوں ٹیکی ڈتی بیٹھاہا، ول بیروت تے قاہرہ دیاں بیلے ڈانسرآ گیاں، ہن ونکوونک دی شراب دے جام پئے بھریندے ہن۔دیسی ساز مپ مارگئے ہن۔ ہن عربی ڈام تے دف پئے وجدے ہن، بلبل صحرادی آواز پئی اُبھردی ہئی، پنی داناچ، گوڈے دارقص، ستلھاں تے گھان،ڈڈھ اُتے ہاکڑے دی وہک، چھاتی تے سندھ دیاں چھولیا ہک ڈو گھنٹے بعد زیل تے لاڑا لگا، شرناہ دی چیک اُبھری، واجے بھیروی دا الاپ کیتا، چنگ دی ٹیوں تھئی، ہک تارے دی تار چیکی، گھوگھودی گھوتھئی، دِلے تے انگلیں تِھڑکیاں، ول پٹھانے خان دی آواز دا گھاگھرا ویہہ جلیا۔

چینا ایں چھنیدا یار، چینا ایں چھنیدایار، خیمے خالی تھیون پئے گئے، پِڑ آباد تھیون پئے گیا، پٹھانےخان بابا بلھے شاہ، شاہ حسین تے خواجہ فرید دیاں کافیاں سنایاں، ول ملکۂ ترنم آئی تاں اُوں پڑتے مچ مچاڈتا۔اے وطن کے سجیلے جوانو، اے پترہٹاں تے نئیں وکدے، میرا ماہی چھیل چھبیلا، اے راہِ حق کے شہیدو، کیا آوازہئی،کیاسازہن، کیافضاہئی، کیاماحول ہئی، کرم پیرےتسبیح دے منکےپھریندابیٹھاہا، چیف مارشل لاءایڈمنسٹریٹر شیروانی دے ول سدھے بیٹھا کرینداہا،

حاجی اقبال سِربیٹھالُڈینداہا، سیٹھ عابد تاڑی بیٹھا مریندا ہا، یوسف شنواری آپنی آپنی درگھی پٹکی کوں ٹیکی ڈتی بیٹھاہا، ول بیروت تے قاہرہ دیاں بیلے ڈانسرآ گیاں، ہن ونکوونک دی شراب دے جام پئے بھریندے ہن۔دیسی ساز مپ مارگئے ہن۔ ہن عربی ڈام تے دف پئے وجدے ہن، بلبل صحرادی آواز پئی اُبھردی ہئی، پنی داناچ، گوڈے دارقص، ستلھاں تے گھان،ڈڈھ اُتے ہاکڑے دی وہک، چھاتی تے سندھ دیاں چھولیاں، بیلے ڈانس دا وحشی پن آپنی وحشت دیاں منزلاں پیا مرینداہا تاں چیف مارشل لاء ایڈمنسٹریٹر دا ہک سنگتی اوندے کنیں وچ کجھ بُڑکیا۔۔۔۔۔۔۔