سینے جھوکاں دیدیں دیرے(11)۔۔۔ نذیر لغاری

رات کوں دیرنال ستے ہاسے، سویرے شاہد نعیم نندروں جگاتے آکھیا جو میں دفتر پیا وینداں میں اتھاں پج تے رابط کریساں سامنے باورچی خانہ ء،جیڑھی شے لبھی تے ملی کھا گھنیں اوندے ونجن دے بعد وت سمھ تھیاں نندراکھڑے تاں اٹھی بہاں ، بیٹھیں بیٹھیں تھک پوواں تاں ول سمھ پوواں ہن آندراں کوس کوس پیاں کریندین نریان نمھی کیتا بکھ ودھدی ودھدی اوں بنے ونج لگی جتھاں بندہ چھتا تھی ویندے باورچی خانہ سامنے ن ظردا پئے آپے اٹھی تے کھاون نہ ماسکھالیا نہ زال ہن کیویں کراں بکھ اچ رنکا کیویں لگدے اج پتہ لگا ۔۔بے سری آواز ءچ فرید کوں گاون پئے گیوسے جے فرید تے ساڈے وچ ہک صدی دی وتھی نہ ہوندی تاں اساں کنوں برکت قوال دا حقہ بھروادے ہاسے ساری حیاتی رنکے تے پابندی لاڈیوے ہا یا ول اوحشر کرے ہا جیرھا چاچڑیں دے مومنیں نال کیتا ہس
شاہد نعیم ڈووجے ولیا پہلے بارچی خانے ونج تے اوندی سنبھال لدھس جڈاں ہر شے آپنی جاہ تےڈٹھس ول ترس کنوں سرلڈیندا میں
ڈ و آیا میاں تئیں کنوں اتلااہروی نہیں تھی سگدی جو اٹھی تے کوئی شے کھا گھنیں ، بکھا تاں اوئیں پیاہم پھکاوی نال تھی بیٹھاں آکھیومی ،یار شاہدنعیم ہک چلھ تے چڑھی تھوبی توں ڈھوڈھے دا چھلڑپٹیندئیں گسنی ساڑ بیٹھاہم اوڈینہہ تے اج وا ڈینہہ ولا میں چلھ دے کولھوں نمہی، گیا آپنے اندرتاں اے لکھن ہن ءی کائنا جو آپیں کوئی کم دی گالھ سکھ گھناں ہا ،بس ہن جیویں گزرے ۔۔شاہد نعیم کوں ساڈے حال تے کوئی ڈھیر ترس نہ آیا کھاون دی جاہ تے پیون دی شے چا آیا لسی ۔۔۔ڈے چالسی شالا جھگڑا وسی میڈا ماہی ۔۔۔۔۔۔ونج پسیوں لسڑی گاوڑی ھے ، گھن اپنے سوہنے سئیں کنوں ۔۔۔۔۔۔۔لسی آندریں کوں ونج ترسلا ڈتا جوا جھومارو ملیودل نہ ماندی تھی ۔۔۔۔۔۔نعیم آختر دا فون آیا ،،،مارکا کتھاں ودو دفتر کنوں چھٹی کرتے بیٹھاں تھیا تساں سویل آونا ہا ٹکر سکداویندے ۔۔۔۔۔تانگھ تنگھیندی دا گزر گیا ڈینہہ سارا اج ساکوں مکے شریف ونجناہا وچوں ڈڈھ دے مسائل آگئن لہزا سامان گاڈی ءچ رکھ تے اساں ڈوہیں نعیم آختر دے گھر ٹرپیوں، نعیم دے گھر ونکوونک دے کھانے پکے پئے ہن ساکوں شاہی مہمان نوازیاں یاد آگیاں ۔۔جدے دے قصر موتمرات ءچ ڈڈھ بھرتے کھاندے ہاسے اتوں جوس دا گلاس پیندے ہاسے وت بکھ لک ویندی ہئی وت کھاون پئے ویندے ہاسے نعیم آختر وی ساڈے نال اوہوکجھ کیتا جیڑھا شاہی دسترخوان آلے کریندے ہن ۔ہک دے بعد بی شے بی دے بعد بی شے وت بی ۔۔۔۔۔۔۔پی کھاڈڈھ تے ہتھ وتاتے سامان اتھائیں سٹ نعیم آختر نال مکلاتے مکے روانہ تھی گیوں ۔۔۔۔شام چھی وجے جدے کنوں ٹریوں تاں اجاں سجھ دیگرتے کھڑاہا ،بی بی سی اردو سروس دیاں خبراں آون پئے گیاں وات پٹیج گیا جورات دیاں خبراں ڈینہہ کوں کیویں وت یادآیا جو اساں اپنے دیس کنوں ڈوگھنٹے اگوں تے ودوں ایران دے شاگردیں دیاں خبراں سنواون دے بعد بی بی سی ڈسایا جو کارگل دی ٹوس توں مجاہدین پچھلے پیریں ولئے آندن ۔۔سوہنا جے ولنا ہاوے تاں گئے کیوں ہاوے ،کئیں آکھیا ہا جو کھکھر ءچ وٹا مارو ست ڈینہہ پہلے ساڈے وزیراعظم کوں کلنٹن سڈواتے وہائٹ ہاؤس دے باہروں بلئیر ہاوس گالھیں کیتیاں پچھیس زال کتھ ءی وزیراعظم مذاکرات دی میزتوں اٹھی تے بھجدا باہر آیا تے سہکدئیں سہکدئیں پچھیس جو میڈی زال کتھ ۔۔ء اونکوں کلنٹن پیا سڈیندے اسٹاف ڈسایس جو اوتاں شاپنگ سانگے نکل گئی ء۔۔۔۔۔۔نوازشریف مذاکرات دی میزتے ولیاتاں کلنٹن کھیسے وچوں معاہدہ کڈھ تے اوندے اگوں رکھیاتے آکھیس ،،کاکا انوکھالا ،نوازشریف دستخط کیتے جیرھے ڈومہینے پہلے ٹوش تے چڑھ گئے ہن ہں ہولیں ہولیں لہندے آندن تریجھی واری مغرب ویلھے مکہ ءچ پناں تے بیت اللہ دے کولھوں مغرب دی تریجھی بانگ سنیم ۔۔شاہدنعیم باب فہددے سامنے فٹ پاتھ تے گاڈی چڑھاتے کھڑاڈتی بیاں گاڈیاں وی کھڑیاں ہن ۔۔بیت اللہ آتے وت پھیرے پاون پئے گیوں ۔۔کالے پتھر کوں ڈہدے رہ گیوں جینکوں ہک زمانے ءچ مصری اکھاڑتے چاگئے ہن اتے حخراسودکئی صدئیں تائیں بیت اللہ کنوں انج رہ گئے ۔بیت اللہ ءچ ہک لہوری یار وطن دا سکاتا نظریا ،ہک سنگتی کنیں پیا پچھے حال ڈے لہور کڈاں ویسیں سنگتی آکھیس جواگلے مہینے میں لہور پیا وینداں ،آکھیس یارا لہورونج تے سدھاداتا دربار تے ونجیں تے اتھاں میڈے سانگے دعا منگیں

کوئی دوروں آہک بھر ویندے
کوئی نیڑے تسڑے مرویندے
بیت اللہ باہرنکل آیوں ،ہک دکان تے شاہد نعیم ساڈے سانگے سوغاتاں گھدیاں ،اساں بہوں ہٹکیا جوکاکا ایں نہ کرتیڈے تاں اوئیں ءی لکھ تھورے وت وی اوں ہاں دی بھا ں مارتے کئی چیزاں گھن گھد یونس ۔۔ہن ساڈی واپس جدے شریف روانگی ہئی ۔جدے آتے وت ہک سٹور تے گھن آیا وت سٹوراچ لٹ گھت ڈتس گھڑی ،شوپیس پرفیوم پتہ نہیں کیا کیا گھندا رہ گیا۔۔تھیلے چاتے شاہد نعیم دے گھر آگیوسے اتھاں فیکس تے ظفر خاں جتوئی تے میڈے شاگرد تے کراچی ءچ میڈے یاردے بھرا حنیف دا سنیہا آیا لاتھا ہا ۔۔اوساکوں گولیندے ودن ڈونھائیں کوں ساندھوڑا ند کئی فون کیتم۔۔ظفرخاں دا فون واندا کائنا ہا اتھاں درگھی گالھ پئی تھیندی ہئی اتے حیف دا فون چیندا کوئی نہ ہا ۔۔آخر حنیف دا فون ہک بندے چاتا ،اوں ویلھے حنیف کائنا ہا اساں اونکوں شاہد نعیم دا موبائیل فون نمبر ڈتا تے کبابش آگیوسے جتھاں امیرمحمد خاں تے شاہین صاحب نال درائی ہئی ۔۔امیر محمد خان نال قصے چھڑپئے ،کراچی پریس کلب پی ایف یوجے اپنک ،منہاج برنا احفاظ الر حمن ،اتے انورسن رائے دیاں گالھیں تھیندیاں رہ گیاں ۔اجن بیٹھے ہاسے تے ظفر جتوئ ساڈے یار لیاقت خاں احمدانی کوں گھن تے آگیا لیاقت خاں سک نال ملیا اوں کلھوکی تقریر کائنا سنی ہئی ہن ظفر خاں کوں تائی وداہا جو میکوں نذیر لغاری دی تقریر سنوا اوں کیا کیا آکھیا ہا بھلا صوبے دی گالھ کیتی ہس یا کائنا ۔۔اچھا بھلا کارگل تے کشمیر تے کیڑھیاں گالھیں کیتونس ۔۔ظفر خاں کھلدئیں آکھیا جو لیاقت خاں ہن سامنے بیٹھے سن گھنس والا تقریر منڈھ کنوں ۔۔۔۔لیاقت خاں ڈسایا جو جلیل وی اتھائیں ودے جلیل دے نہ ملن داارمان تھیا ۔۔رسول پوردا سنگتی اساں وانگوں اسلم خاں دیاں بوٹیاں کتھاں کتھاں پھلیاں پئن ۔۔۔استاد احمد خاں فیض امتیاز فریدی تے ہاشم چمن یاد آئے ۔۔ساڈی سرکار محمد اسمعیل خاں احمدانی وی تاں 30 سال دے بن باس دے بعد ولا رسول پور ول آئے ۔۔گالھیں گالھیں ءچ ادھ رات وہاگئی ۔۔کبابش بندتھیون آلاہا تھکیڑے دا ناں ءی کائنا ہا ۔سنگت کنوں مکلا تے میں تے شاہد نعیم گاڈی ءچ نعیم آختر دے گھر آیوسے ،جوان جاگدا ہا ،اتھاں وت گالھیں چھڑگیاں ۔۔دیرتائیں کوڑکٹیندے رہ گیوں ۔۔سمن کنوں پہلے گھر فون کیتم ،عابدہ نال گالھ تھئی۔۔بال ستے پئے ہن ۔۔حنیف دا فون آگیا، اوں آکھیا جو سویلے اتھائیں آوسی ول مسرت خلیل کوں فون کیتم اوں وی آکھیا جو پوری کوشش کریساں جو سویلے آونجاں ۔۔رات دے پچھلے پہر کنوں ذرا پہلے نعیم آختر دے ڈرائنگ روم کنوں نکل تے بیڈ روم وچ آگیوسے ،اونکوں اللہ بیلی آکھ تے بے کمرے ءچ ونج ستاں اے سی چلدا پیاہا رات دھمدی پئی ہئی ۔۔اساں نندردے ویڑھے آگیوسے

اے وی پڑھو:سینے جھوکاں دیدیں دیرے(7)۔۔۔ نذیر لغاری

جاری ہے۔۔۔۔

ویب ڈیسک

See author's posts