مارچ 28, 2024

ڈیلی سویل۔۔ زمیں زاد کی خبر

Daily Swail-Native News Narrative

سینے جھوکاں دیدیں دیرے سرائیکی وسوں دے جگ مشہور صحافی تے دانشور سئیں نذیر لغاری دی پندھ وہانی ہے قسط وار ڈیلی سویل دے قارئین دی نذر

میں اپنے پورتوں ہتھ پیا چینداں دبیعہ پتر میڈے چاچے دا
جیں لیث دے گھرداکھیر پیتانے
ہزیل قبیلے کٹھا ،میں اوندا پورنہ چیساں نووے کاکا
میڈے یارو!پچھلے سارے کوڑوہاج میں پریں ہیٹھ پیا ڈینداں
عباس سائیں میڈا چاچاھے اوکہیں توں وہاج نہ گھنسی
بیشک تہاڈا پیوہکوھے تساں سارے مٹی جائے
نہ عجمی عربی دا وڈا، نہ عجمی دا سردار
نہ کوئی اتھاں سوہنا ھے تے نہ کوئی کالا کوجھا
سوہنی کو جھی تیڈڑے ناں دی ناں کریار کریر
روضے دے اگوں ٹپ تے پوادھی پاسوں جنت البقیح دے گستان آ گیم در کھلئے پئے ۔ہن ، اتھاں ایں صدی دے منڈھ ء چ آل سعود ساریاں قبراں سٹوا ڈتیاں ہن ، قبریں دے نشان
ءن جتھاں ڈوڈو ترئے ترئے پتھرلاتھن ، سامنے بی بی فاطمہ امام حسن تے امام زین العابدین دئیں ۔قبریں تے کھڑتے سلام کیتم ، ذرا ابھے پاسوں سرکاردئیں گھر والئیں دیاں قبراں ءن قبرستان وچ ہک چارا بنیاپئے جیرھا حضرت عثمان دی قبرتے ونج مکدے ،اے قبر سٹویجن توں بچ گئی چارے دے کبھے پاسوں بی بی حلیمہ ، امام مالک تے تے وڈے وڈے صحابی ء ن سعودی پولیس آلے ساڈے پچھوں آگئے اکھیونے گستان وچوں نکلو چپ کرتے نکل آیوسے ۔
ہن مسیت دے وڈے
درتے ویندے پئے سے اتھاں ٹیکسیاں کھڑین ہک ٹیکسی ساکوں چاون تے تیارتھی گئی ، ترئے
بندے بے وی ایں ٹیکسی ءچ بیٹھے ،ہک پنجابی، ہک بنگالی تے ہک عربی ۔۔اساں انھیں دی سنگت ۔۔۔۔ءچ شہر دے پوادھی تے ابھے پاسوں حضرت امیر حمزہ دی قبر تے گیوسے اے بہوں وڈی قبرء
اتے ایندے چودھار کندھی بسنی کھڑی ءاتھاں ساکوں اندر نھیں ونجن ڈتا ۔۔ امیر حمزہ کوں سلام کرتے قبلتیںن مسیت دو گیوں اے مسیت میں پہلے وی ڈٹھی ہئی ۔۔۔اے ڈوقبلیاں والی مسیت سڈیندی ء ایں مسیت دے سلامی تھی تے سیع مساجد ( ست مستیاں ) آلے پاسے ویندوں اتھاں پنج مسیتاں بجیاں کھڑین ،باقی ڈوکوں آل سعود سٹواتے سڑک بنواکھڑائی ء،مسجد علی مسجد سلیمان فارسی مسجد فتح ، مسجد فاطمہ تے مسجد عمر باقی بچ گئین ،شئت آل سعود انھیں کوں وی سٹواتے سڑک بنواون چہندن ۔۔جیرھیاں پنج مستیاں بچ گئین انھیں وچ ساڈے پاکستانی بھرا اپناتے اپنے شہریں دا ناں لکھ آئن ۔اے ساڈی پرانی ریت ء۔۔اساں تاریخ وچوں آپناناں میس تے ونیں تے کندھئیں تے ناں لکھن دے شینہہءں
ست مسیتیں وچوں پنج مسیتاں بچیاں کھڑین مارکاوت وی ایں جاہ کوں سبع مساجد (ست مستیاں ) اہدن ۔۔اتھوں ساکوں ٹیکسی والا مسجد قبا دوگھن آیا ۔۔بیت اللہ دے بعد اے دنیادی
پہلی مسیت ء۔۔مدینے ءچ اے مسیت مسجد نبوی کنوں وی پہلے ہئی پئی ۔۔اے مسیت اندروں کافی وڈی ۔۔۔مسجدقبا کنوں مسجد نبوی ول ایوں ،ٹیکسی آلے اساں کنوں 10۔10 ریال گھدے پاکستانی کرنسی اچ اوں اساں چار بندئیں کنوں ڈڈھ گھنٹے ءچ 600 روپے کماگھدے جے کمائی اینویں رہ گئی تاں رات تائیں پزاراں
نبی سائیں دی مسیت ءچ آتے پہلے اتھاں آبیٹھاں پرانی تے نویں مسیت دے ادھوان اچ کھلی جاہ ء۔۔۔اتھاں ساڈے سنگتی مشتاق فریدی سائیں بہہ تے روضے کوں ٹکی لاتے ڈہدے رہندے ہن ۔۔ایں ویلھے اتھاں خود کار چھت آئی کھڑی ہئی وت وی روضہ ڈسداپیا
ہا۔کجھ دیرتائیں بہہ تے اصحاب صفہ دے تھلے تے ونج بیٹھاں اتھوں اٹھی تے بی بی فاطمہ دے گھر دے اگوں دیرے لائم ۔۔۔۔وت کجھ دیر ریاض الجنتہءچ آبیٹھاں ،کجھ دیر بعد سرکار دا سلامی تھی تے وت جنت البقیع دے باہروں آن کھڑاں ۔۔پوادھوں گستان پچادھوں ساوا روضہ ادھ ءچ اساں ڈھیر سارئیں ایرانی تریمتیں اتے جوانیں دے نال کھڑوں ۔۔۔ایرانی بی بی سئین امام حسن تے امام زین العابدین دئیں قبریں کوں ڈیکھ ڈیکھ تے دھاڑیں مارتے روندے کھڑن ۔۔۔انھیں کوں کون چپ کراوے ، کون دلاسہ ڈیوے کون پرچاوے کون مکاناں ڈیوے چوڈاں سو سالیں کنوں روندے ودن ویلھے ہر پھٹ تے ملم لیندے کربلا دا پھٹ نجردا نہیں نمردا ویندے ۔۔ویندے ودھدا،ویندے ودھدا ۔۔14 سوسالیں کنوں بی بی سئین مکان پئی جھلیندی ءایں ڈکھ تے تاں وقت آن تے کھڑگئےجاری ہے

مسیت کنوں نکل تے ہوٹل روانہ تھیاں تے بھلی پئے گیاں ،سدھ نہیں پوندی کیڈوں آیا ہم کیڈے ویساں، ابھالماں ،پوادھ پچادھ ، ککھ سمجھ نہ آوے ،ہک نشا نی ہوٹل انٹر کانٹی ننٹل بنائی کھڑاہم ،ہک شاپنگ سنٹر راہ وچ آنداہا، ول وڈی جہیں سڑک تے اوندے پروں کتابیں دی دکان اوندے نال گلی تےگلی وچ ہوٹل پتہ نہیں لبھدے یا کائنا، ایڈے اوڈے ڈھیر گھتاں ماریم آخر تھک تے مسیت دے سولھویں درتے ونج انٹرکانٹی ننٹل دا پاسہ گھدم ول شاپنگ سنٹر گولیم ۔۔اگوں سڑک آگئی پروں کتابیں دی دوکان ڈسدی کھڑی ہئی ، آخر ہوٹل پج گیم ،ڈینہہ ،ڈاڈھا تتاہا اوئیں تاں اگے وی گھٹ گرمی نہ پوندی ہئی پر جڈاں دے ست ماراسرین ، رہندی ہواوی بندتھی ویندی ء ہاں ماندا تھیون پئے ویندے ، ہوٹل پچ تے کمرے ءچ ائرکنڈیشن چلاتے سمھ پیاں چنگی نندرپکاتے اٹھیاں تے سامان چاتے باہروں نکل آیاں ۔۔
اڈے تے پتہ لگا جو جدے دی گاڈی ساڈے اگوں ویندی پئی ء ہک پاکستانی صلاح کیتی جو ٹیکسی کرتے نکل جلوں، ول ڈسایا گیا جو سعودی عرب پلبک ٹرانسپورٹ کارپوریشن(saptco)دی بس جدے ونجن سانگے تیار کھڑی ءہک عرب نوجوان اڈے دی تانگھ تانگھن دی جاہ تے تاکی دے پروں کمپیوٹرتے ٹکٹاں بیٹھا بنیندا ہا اوندی شکل ساڈے بزرگ فداحسین خاں چانڈیئے نال نہ رلدی ہئی ول وی پتہ لگاجو کمپیوٹر آونجن دے بعد وی اتھاں اڈے دا کلچراوہوء جیرھا 30،35 سال پہلے جام پورء چ ہا ایویں لگا جو فداحسین خاں ابا ہلاتھی تے ٹکٹاں کٹیسی ،ول بس کوں روانہ کرتے سدھا چانڈئیں آلے امام باڑے ونج تے سجادحسین شاہ چک 38 والے دی مجلس کنوں پہلے رباعیاں پڑھسی سویرے گھروں اٹھی تے ول جو اڈے تے آوسی حیدری ملنگ اوئیں سنگھ تے زورڈے تے اہدا کھڑا ہوسی ۔۔۔۔۔۔داجل ء۔۔۔۔یا ول اجھوڈگر شاہ جی ٹی ایس دی بتھی پرانی بس گھلیندا چوٹی دے مسافریں کوں سودھ تے مٹی نال مٹی کرتے اڈے تے آن کھڑسی تے ھکل مارتے محمدعلی شاہ (بکنک کلرک ) کوں آکھسی شاہ جی اج وت موئی گڈھاتے چڑھ تے چوٹی کنوں جام پور دا پندھ مارآیاں ۔۔مدینے دے اڈے تے ونج تے ٹکٹ کٹوایم ، 45 ریال بھاڑا گھدونے ، ٹکٹ نمبر 19999587ہا ٹکٹ تے ساڈےپاسپورٹ دا نمبر تے ساڈی قومیت وی لکھی گئی ٹکٹ تے اے وی لکھیا گیا ہاجو میں ڈو ڈینہہ پہلے 10 جولائی کوں سعودی عرب ءچ پناں ،اتے جیں ڈینہہ میں سفر پیا کرینداں اوں ڈینہہ جولائی دی 12 تاریخ ءتے چندرو کے حساب نال 29 ر بیع الاول 1420 ھء ۔۔ٹکٹ تے جیرھا کجھ بیا لکھیاپئے جے اوندی تفصیل ءچ ونجوں تاں ویلھا ویندے
سعودی عرب ءچ ساڈا بس تے سفر کرن دا ڈوجھا تجربہ پہلے وانگوں رہ گئے جیرھے پیریں پندھ کرعرب آندے رہ گئے اوتاں دلوں نیتی ودے ہن جو پیریں ٹرنے جے ساکوں سدھ ہوندی جو ساڈے نال وی اینویں تھیونے تاں اپنے نال کجھ دم دلاسہ تاں کر گھنوں ہا ۔۔۔اتھاں وی اوہو کجھ تھیا جیرھا کجھ کل مکے ءچ تھیاہا کل بس وچ بہہ تے بس ٹرن دیاں تانگھاں تانگھیاں ہانسے اج اڈے تے بہہ تے ول ول گھڑی بیٹھے ڈہدوں ترئے کنوں گھن تے ساڈے چاروجے تائیں بس دی تانگھ تنگھیوسے بس آئی تاں اوں چلن تے ٹرن ءچ ادھا گھنٹہ گھن گھدا مدینے شہر کنوں باہروں ایویں لگدے جیویں کوہ سلیمان ،کھیر تھر جبل یا چلتن پہاڑدے آسوں پاسوں پئے لنگھدے ہووں نہ گھا نہ پانی پریں پریں تائیں نہ بندہ نہ بندے دی ذات راہءچ کتھاہیں کتھاہیں گاڈئیں دے پنچر پئن سندے ہاسے جو عربیں دیاں گاڈیاں جتھاں کھنیج پوندین انھیں کوں اتھائیں سٹ تے موبائیل فون تے شوروم کنوں نویاں منگوا گھندن ہن وی پتہ نہیں ایں تھیندے یا کائنا پر راہ ءچ کتھاہیں کتھاہیں کھنیاں گاڈیاں سڑک کنوں ذرا پریں ایویں پیاں ہوندین جیویں جھون پئی ہوندی ء اجھو گجھیں لہسن کاں آوسن لڑبھڑتے جھون دیاں بوٹیاں پٹ پٹ کھاوسن باقی کرنگھ ونج بچسی اچھا جتھاں گاڈئیں دے کرنگھ پئن اتھاں گاڈئیں کوں کاں گجھیں کھا گئے ہوسن ویلھاوی تاں گجھ ء ہر ہوند کوں ان ہونددی عین وچ سٹینداویندے کلھوٹی نہیں بھریندی کل کوئی مویا اج کوئی کل وت کہیں دی واری ہوسی۔۔۔۔۔۔،میڈے نال بیٹھا ادھ کھڑبزرگ ساوے رنگ دے عرب نیوز دیاں انگریزی خبراں پڑھدئیں پڑھدئیں گھنگھورا ماریاول اباسی ڈے تےمیں ڈودیدبھنوالیس جیویں کوئی کہیں دی دید کوں ڈٹھا ان ڈٹھا کر چھوڑیندے میں وی اوئیں اونکوں ڈٹھا ان ڈٹھا کر چھوڑیا اخبار پڑھدئیں اووی لا غرض تھیا بیٹھا ہا ۔۔انھیں ڈینہیں ایران دی شاگرد تحریک دیاں خبراں لون مرچیں نال چھپدیاں ہن میں وی اے ڈیکھن چاہندا ہم جو ہن کیا صورت حال ءجڈاں اوں سنگت ودھاون سانگے ساکوں اخبار دی لالش ڈتی تاں اساں لالاں کریندے اخبار ایویں ڈٹھوسے جیویں پہلی واری پئے ڈہدے ہووں اتھاں سعودی عرب دے بارے ءچ کوئی خبر سنسر تھئیں بناں نہیں چھپ سگدی ،کوئی حادثہ تھیوے ، کوئی مرے یا جیوے کوئی نکاوڈاواقعہ تھیووے شاہی خاندان کوئی دعوت کیتی ہووے ۔۔جے بادشاہ وی کتھاہیں تقریر کرے تاں اوندی خبر وی آپو جان کتھاہیں نہ چھپسی بلکہ سرکاری ایجنسی خبر ریلیز کریسی ول اوخبر سعودی اخباریں ءچ چھپسی
اخبار تے دید بھنویندیں سنگتی کنوں ناں نشان جاہ ٹکانہ پچھیم ،گجراٹ دا پروفیسر ریاست علی ہا کالج وچ پڑھیندا رہ گئے وت ریکرو ٹنگ دا کم شروع کیتس بہوں کجھ کمتا ،دھن دولت ڈھیر تھی گئی ٹکا پیسہ عام ساڈے لوکیں دی بیروزگاری اتھاں آتے ءشیخ ہر کہیں دے پورھیے وچوں بھانگا گھندن جیرھاوی باہروں آتے اتھاں کماوے اوآپنی کمائی شیخیں نال ضرور ونڈیندے وت وی اوساڈے لوکیں دے کفیل سڈیندن ۔۔۔پروفیسر ریاست علی پہلے کالج اچ پڑھینداہا وت اتھ آونج جو شروع تھیس تاں ول نوکری کہیں پروفیسر کوں بھاگ لگ گیا دھن دا مینہہ وٹھا پروفیسر رج دھانتا۔۔
بس راہ اچ کھڑگئی اتھاں ہک ڈوہوٹل ڈو چار سٹور ترئے چارہٹیاں ہک ادھ مسیت بس کھڑی تاں رونق لگ گئی کوئی ٹکر پیاکھاندے کوئی پپسی ،کوک سیون اپ پیا پیندے کئی مسیت ءچ جماعت بنائی کھڑن ہک پاسوں ہک نکی جہیں جاہ ءچ پی سی اوکھلیا پئے اتھوں لوک فون پئے کریندن ۔۔۔اتھاں ایڈوں اوڈوں ٹیلیفون دیاں تاراں تاں کائنی وت اے پی سی اوکیویں کھلیا پیا ہوسی ،کولھوں گیوں تاں پتہ لگا جوموبائل تے گالھیں پیاں تھیندین نکی جہیں عرب وستی ء
چار چھی گھریں تے چار دوکانیں دی پی سی اودے اندر کوئی عرب نہیں بیٹھا، جیا اے سرائیکی ء اپنے ملتان شر یف دا
پیاں کتھ کتھ پیچ پلیندین سائیں دولت دیاں جھلاراں گن جلدا
موبائل فون تے شاہد نعیم دے موبائل دا نمبر ملایم اوتاں ااصلوں تانگھ ءچ ہا کاکا
کتھاں ودیں ،اساں تیڈی راہ بھلیندے بڈھڑے تھی گیوں میں ڈسیم جو جدے تے مدینے دے ۔۔۔ادھوان ءچ ہک جاہ کنوں گالھ پیا کرینداں ،10 ساڈے 10 وجے تائیں جدے پج ویساں اسٹاپ تے پج تے ول فون کریساں ۔۔ساڈے ڈاہ وجے جدے دے بس اسٹاپ تے لہہ تے شاہد نعیم کوں فون کیتم اوں ڈسیا، جواو کبالش دے نال شاہین ریسٹورنٹ ءچ انتظار پئے کریندن میں ٹیکسی کوں ہتھ ڈتا ۔۔اوں
پندرھاں ریال منگئے تے العزیزیہ آلے پاسے ٹرپیا ٹیکسی نویں شیور لیٹ ہئی ڈرائیور گجرات دا ہا۔۔راہ وچ حال حوال قصہ کہانی کریندے گیوسے العزیزیہ دے علاقے ءچ ڈھیر سارے پاکستانی رہندن اوئیں تاں ہر جاہ توں وسیپ دی خوشبوآندی ء۔پر کبابش تے پاکستانیں دا میلہ لگا رہندے کبابش کنوں ذرااگوں گیوں تاں شاہین ریسٹورنٹ دے بورڈ تے دید پئی ٹیکسی کنوں ہیٹھ لہہ 15 ریال ڈے بیگ سنبھال تے ٹرپیوں اندر گیوں تاں ہک مجمع لگا پیا ہا ظفراقبال مسرت خلیل نعیم آختر امیر محمد خان شاہین صاحب نعیم تے ظفرخان جتوئ (مجاہد جتوئی آف ایس کیوایم دا وڈا بھرا) اتے بے ڈھیرسارے سنگتی ہک بہوں درگھی میزدے آسوں پاسوں اٹھی تے گلگڑی پاون پئے گئے سمنرر یں پارعرب دے کہیں ریگستان تے پہاڑیں دی اوڈھرءچ بنیے کہیں شہرءچ 30،25 یارہکی جاہ تے مل ونجن تاں بندہ بیا کیا منگے پتہ لگا جو پاکستان جرنلسٹ ایسوسی ایشن میں حقیر فقیر پر تفصیر نذیر لغاری دا مان ودھائےتے استقبالئے دا بندوبست کیتے شاہد نعیم
باہروں آن تے پچھیا جو میں تاں در تے کھڑاہم توں اندر کیویں آگئیں ۔۔۔۔ ایندا ولدا اساں کنوں کائنا ہا بس بانہاں بدھ کھڑاں ،سوہنا معافی
ظفراقبال اپنی تقریر ءچ ساکوں اسمان تے چاتی گیا پتہ نہیں کیا کیا آکھیس وات پٹی بیٹھاں جے اے سارے گن چنگایاں میں وچ ہوون ہا تاں وت پٹنا کیہاں ہا ۔۔ظفرتقریر کریندا گیا ،میں بڈدا گیم جے صحافت سیاست تے ادب دے تھنبے میں جہیں ہوندن تاں ول ایہو سمجھو ۔۔۔ ۔۔۔جو ۔۔۔۔۔۔۔۔ویا مورمری ھنج نہ رھیو ھیکڑو
مورسارے مرگئین ہما ہک نہیں بچیا ،،۔۔۔۔ظفراقبال دے بعد ایسوسی ایشن دے نائب صدر مظفر اعجاز تقریر کیتی تے ول ایسوسی ایشن دے صدر تے جنگ گروپ دے بیورچیف شاہد نعیم الایا اتے ظفر تے مظفر کنوں وی ڈو قدم اگوں تے چاودھائے ۔۔۔پانی پانی ویندا تھیندا ں ۔۔۔شاہددی تقریر مکن تے میکوں الاون دا حکم ملیا نال اےوی آکھیا جو بین الاقوامی علاقائی تے قومی صورتحال دی وی تفصیل ڈساواں میں اتھ ڈھیرالایم ،،ساڈی صدی کمدی پئی ءپر ساڈا پندھ اگونہاں نہیں تھیا 1913 ءچ پہلی وڈی بھڑاند 1917 ءدے بالشویک انقلاب تے 1939ءدی ڈوجھی بھڑاندویلھے جیرھیاں حالتاں ہن اج ولا اساں انھیں حالتیں وچوں گزردے پیوں،ہر جھیڑے دے پچھوں سرمایہ داریء کیثرالقومی تے ٹرانس نیشنل کمپنیاں جاہ جاہ تے پیردرگھریندیاں ویندین ،امریکہ ۔۔اقوام متحدہ کوں اپنا تابعدار تے فرمانبردارادارہ بناگھدے ۔۔۔۔اقوام متحدہ داہر ہر ملک سانگے انجوانج اصول ءامریکہ سلامتی کونسل کوں اٹھال کھڑاوے تاں اٹھی کھڑدی ءبلھا سٹے تاں بہہ تھیندی ء ۔۔سلامتی کونسل ہندوستان پاکستان تے لمے الیشیادے ڈڈھ ارب انسانیں کوں کشمیردی سولی تے ٹنگ کھڑائے دنیا کتھاوں کتھاں پچ گئی ءاساں پنجھا سالیں کنوں کشمیردی گپن ءچ گپئے کھڑوں ۔۔انگریز ادھ صدی پہلے ساکوں آزاد کرتے ٹرگئے پر ڈین ڈندسٹ گئی ءاساں تاں آزادی ہواوی نے جھپسی پنجھا سال کنوں اساں پاکستان وچ اتھاہیں کھڑوں جتھاں ساڈی پچھلی نسل کھڑی ہئی ۔۔۔۔ساکوں ہک پاسوں غلام محمد سکندر مرزا تے غلام اسحاق خان کھاگئے بئے پاسوں اساں جرنیلیں دے اقتدار ددی مار کھادھی ء۔۔۔۔ساکوں مارشل لاء کتھاوں دا نہیں رکھیا ساڈھے چھی سو ارب دے بجٹ وچوں ہک کھرب 35 ارب فوج دا حصہ ءہک کھرب 14 ارب روپے بجٹ دا گھاٹا ءجیڑھا سال پسالی قرضے چاتے پورا کریندوں ڈڈھ کنوں ڈو کھرب باہردئیں قرضئیں دا سود ڈیندں ساڈے حکمران لاہور کوں چمکا وائٹ واش کرسنگار پنگار تے خوش تھئے کھڑن جو ملک ءچ ترقی پئی تھیندی ء۔۔اقتدار کوں لاہور دے علاقے ماڈل ٹاون ءچ نوازشریف دے گھردا بانھاں بنان دے جیرھے گھاٹے پوسن وت انھیں کوں پنجاب وی نہ سنبھال سگسی ہن ویلھا ءوے ٹکرپانی تے رزق دا ہروسیلہ ونڈ ولھا کرو ۔۔۔چھوٹے صوبئیں تے سرائیکی علاقے دا سارادھن چاتے پنجاب تے خرچ کرن نال آپ اوکھے تھیسو۔۔۔جے سرائیکی عوام ہند کو عوام پوٹھوہاری عوام بلوچستان دے پٹھان انج صوبہ منگد ن تاں انھیں کوں صوبہ ڈیوااقتدار کوں لاہور دے وزیراعلی ہاوس کنوں وستی دی سطح تائیں گھن ونجو پاکستان وچ بریف کیس سیاست دا سٹانسرداپئے ، جنھیں بریف کیس کلچر رائج کیتے انھیں کوں ایندی باروی چاونی پوسی ۔۔شاگردیں ۔۔دئیں یونینیں تے بلدیاتی الیکشن دی راہ جھل تے سیاست وچ نویں رت دے پیہن دا راہ جھل گھداگئے ملک وچ چھڑا کوڑ بدوڑتے نقلی لیڈر شپ چلدی پئی مینہہ وٹھاتاں نیل شینہہ دارنگ آپے لہہ ویسی
اساں تقریر مکائی تاں ڈھیر دیر تھی گئی ہئی ۔۔ٹکرمانی پانی کانجی دے بعد شاہد نعیم دے گھرآگیوسے ۔۔اتھاں سامان رکھ تے ڈھلی ادھ رات دے پچھوں اردو نیوزدے دفتر لنگھ گیوں اے عرب نیوز گروپ دا اخبارء ایں گروپ دا مالک شاہی خاندان دا شہزادہء اے گروپ عربی انگریزی اردوتے ملیالم زبان ءچ اخبار تے رسالے چھپیندے ۔۔اردواخبار دا ایڈیڑ ساڈایارنصیر ہاشمی ءظفر اقبال اتھاں اسپورٹس ایڈیٹر نعیم اختر ڈیسک تے کم کریندے ۔۔۔نیوز ایڈیٹر البصار اے سارے ساڈے پرانے سنگتی ءن مدتاں کٹھے کم کریندے رہ گیوں نصیرہاشمی اپنے گھر ونجن سا نگے تیار تھیا بیٹھاہا چھڑا آکھیس نہ اصلوں ضدچاکیتس جو میڈے گھر جلو۔۔۔نصیر ہاشمی دے گھر گیوں تاں اوں ڈنگ چیری تے امب آن رکھیے ۔۔۔امب کون کھاوے ،وت ہتھ دھوون سانگے ودے نلکے گولوں ڈنگ تے چیری کھادوسے ،نصیر ہاشمی دے بال کراچی گئے ہوئے ہن شاہد نعیم دے بال تاں کلتھوں گئے ہن ۔۔۔نصیر ہاشمی ڈھیر آکھیا اتھائیں ٹک پووو پراساں اپنی ضد منواتے شاہد نعیم دے گھر آگیوسے اتھاں آتے گھر فون کیتوسے عابدہ عینی جینی تے سرفراز نال گالھ تھئی ول بستر تے ڈھہہ پیوسے ڈھیرتھکے ودے ہاسے اے سی چلا چادرپاتے سمھ تھیوں ۔۔وت نندرہئی تے اساں ہاسے

اے وی پڑھو:سینے جھوکاں دیدیں دیرے(7)۔۔۔ نذیر لغاری

جاری ہے۔۔۔۔

%d bloggers like this: