سینے جھوکاں دیدیں دیرے(26)||نذیر لغاری

نہ باگا باگ ڈیندے نہ ککڑ کرانکدی ہے نہ کاں لوندے نہ چڑی چلکدی ہے نہ گھپ مٹی نہ چھاتیڈی کھٹی نہ سونے دا نہیلا نہ مکھݨ تیڈا پیلا نہ ڈاندتر اڈدے نہ گئوں ڈھکدی ہے نہ ٻکری ٹیردی ہے نہ منجھ رنگدی ہے نہ کھوہ دار نگاٹ نہ بھرڄل دی کھٹ کھٹ نہ آجڑی دیاں ہکلاں نہ جٹ دی کھڑ کبھی تے نہ ٻال دا رواٹ نہ مادا پلوتا نہ پیودا دڑکا ۔۔نہ أتارا نہ أدرکا ۔۔۔۔چھڑاتا کی وچوں لاٹاں پاسجھ چونڈھی بھریندے تاں اساں اٹھی ٻہدوں ’درائی اے بݨی ہئی جو سویلے لاشاری صیب آتے میکوں ڳھر گھن ویسن ول میاں افضل خالد أتھائیں آوسن ول اساں کٹھے سفیلڈ وسیوں میں اباہل نال تیار تھیم پیوما توں لک چھپ تے مانکا دھنگاݨہ صاحباں تے لتے آلی نہہر یں کھنڈریں کسئیں اتے انھالے وچ کھوہیں اچ دھاوݨ دی ٻی چس ہئی اتے اتھاں باتھ روم اچ لاتھے ٹپ اچ ٹٻیاں مارݨ دا بیا مزہ ہے لاشاری صیب آگئے انھیں دی گاڈی اچ ٻہہ تے کیتھرین روڈ پڄ ڳیوں سے اساڈی بھرڄائی اسٹور آلے کاونٹر دے پچھوں کھلدی کھڑی ہئی اساں پوڑیاں چڑھ تے ڈرائنگ روم اچ ونج ٻیٹھوسے جتھاں لخطے تائیں نریان آگیا ہاف فرائی آملیٹ ڈبل روٹی تے ول چاہ اساں چھیکڑی گھٹ بھریا تاں ہیٹھو ڈس پئی جو میاں صیب آئے کھڑن میں تے لاشاری صیب ہیٹھ لہہ آیوسے ذوالفقار علی بھٹو دا پراݨا سنگتی بی بی دا مشیر لندن دا سابق کونسلر میاں افضل خالد دلیر آدمی ہے جڈاں کھلدے تاں لگدے جو کھلدا پئے ہروں بھروں نہیں کھلدا فرانس دی بݨی ہوئی نویں ماڈل دی کاردا اگلا درکھول تے میاں صیب نال ٻہہ گیم لاشاری صیب پچھلی سیٹ تے ٻہہ تھئے میاں افضل خالد دا کاریں دا آپݨا شوروم ہے اتھاں کاریں دے اگھ بھا وی سݨ ڳھنوادھ کھڑکارترے سوپونڈ دی مل ویندی ہے چنگی چوکھی پنج سودی اتے ڈھیر چنگی چھی ست سو پونڈ دی مل ویسی ۔ہزار پونڈ دی کارکوں لوک ٹر ٹر تے ڈیکھݨ آوسن جیویں لدھے برار کنوں ودے پچھدے ہن کا کا ڈاند کیویں ڳھدی نارتھ سرکلر روڈ کنوں تھیندے ایلفرڈ آگیوسے ایلفرڈ اچ ڈھیر دوست رہندن میاں صیب دا گھر وی ھیں علاقے اچ ہے سرور صیب دا گھر وی اتھائیں ہے ٻنھیں لوکیں دا حال اگوں تے لکھسوں ایلفرڈ کنوں موٹر وے ۱۱ تے آگیوسے ایندا ناں ایم ۱۱ہے ایم ۱۱ساکوں آربٹ لندن گھن گئی آربٹ لندن علاقے دا ناں نئیں اے وی موٹروے ھے ایندا ناں ایم ۲۵ وی ھے ایم ۲۵ سارے شہر دے چودھار ٻاہروں پھردی ہے لندن کنوں ٻاہر ونجن دے سارے رستے ایم ۲۵ کنوں لنگھ تے نکلدن ایم ون شیفیلڈ ویندی ہے ایم ۴ ویلز پڄیندی ہے آیم ۶ برمنگھم ویندی ہے اتھوں اپݨا ناں وٹا ایم ۶۵ تھی تے مانچسٹر دو بھڄ نکلدی ہے مانچسٹر کنوں اگوں اسکاٹ لینڈ ہے جتھاں ولدے سال میں تے فریدی صیب گلا سکوایڈنبرا ڈمبلڈن تے لکھ لومنڈ دا پندھ کیتا ہاسے میاں صیب وی کارایم ۲۵ توں تھیندی ایم ون تے آن چڑھی اتے عیففہ ممروٹ دے مقتول مشیر غلام حسین دائے دی گھوڑی وانگوں ہوا اچ ترݨ پئے گئی وسوئے دی ہوا مینہ دیاں خبراں چاتی ودی ہے اسمان تے جھڑہے کھڑ اچ گاج ہے گاج اچ لسک ہے لسک اچ کھمݨ ہے جھڑ ڳجیا کڄمݨ کھمی پھینگ ڈٹھی تے ول شپ شپ شپ مینہ شروع آسوں پاسوں لندن دی ساول ہے پورا برطانیہ ہموار کائنی اتے اے پہاڑی علاقہ وی نہیں بس ایویں چا سمجھو جو چولستان دا لینڈ اسکیپ ہووے اتے ریت دے ہرذر ے دے اتوں ڳھا ہووے برطانیہ وچ تہاکوں مٹی دا ہک ٻک وی نہ لبھسی مٹی تھڄو ں ھے ہی کائنا اتھاں یا صرف گھاہے یا پکی جاہ ھے جتھاں کندھ سڑک فرش محل ماڑی قبریا کوئی ٻی جانہ ہوسی اتھاں دربھ ٻوٹا گھا وݨ پھل کھپ کترن ٻوئی لٹی لاݨا یا ول کتھائیں کتھائیں پاݨی ہوسی دوے گولو ہک لپ وی لبھسی