امریکی جریدے ’فوربز‘ نے ویڈیو ویب سائٹ ’یوٹیوب‘ پر ایک سال میں ریکارڈ کمائی کرنے والے افراد کی فہرست جاری کردی،، سب سے زیادہ کمائی کرنے والے 8 سالہ بچے ریان کجی کا تعلق امریکا سے ہے جب کہ تیسرے نمبر پر کمائی کرنے والی 5 سالہ بچی کا تعلق روس سے ہے۔
فوربز کے مطابق یکم جون 2018 سے یکم جون 2019 تک یوٹیوب پر سب سے زیادہ کمائی کرنے والے افراد کے 10 چینلز نے مجموعی طور پر 16 کروڑ 20 لاکھ امریکی ڈالر کمائے۔
سب سے زیادہ کمائی کرنے والے 8 سالہ امریکی بچہ ریان کجی ہے،، جس نے ریکارڈ کمائی کرتے ہوئے گزشتہ سال کے مقابلے رواں سال 40 لاکھ امریکی ڈالر زیادہ کمائے۔ ریان نے سال میں مجموعی طور پر چار ارب پاکستانی روپوں سے زائد کمائی کی۔
تیسرے نمبر پر کمائی کرنے والی 5 سالہ بچی کا تعلق روس سے ہے۔ بچی نے پاکستانی ڈھائی ارب سے زائد کمائے۔
دوسرے نمبر پر کمائی کرنے والا چینل 30 سال کی عمر کے چند کلاس فیلوز کا چینل ہے جنہوں نے امریکی یونیورسٹی میں تعلیم کے دوران چینل بنایا۔ ڈیوڈ پرفیکٹ نامی یو ٹیوب چینل نے سال میں تین ارب پاکستانی روپے کمائے۔
سب سے زیادہ کمائی کرنے والے 10 کانٹینٹ پروڈیوسرز میں کوئی بھی جنوبی ایشیا سے تعلق رکھنے والے باشندے کا چینل نہیں۔
یہ بھی پڑھیے
نیویارک شہر میں قائم عمارتوں کا بوجھ 762 ارب کلوگرام ھے
جنگلی جانور پارلیمنٹ ہاؤس میں داخل ہوگیا
مرسڈیز بینز نے خوابوں کو حقیقت میں بدلنے کی ٹھان لی