سیلاب کے بعد اندرون سندھ اور بلوچستان سے کراچی کو تازہ سبزیوں کی ترسیل بند

بارش اور سیلاب کے بعد اندرون سندھ اور بلوچستان سے کراچی کو تازہ سبزیوں کی ترسیل بند ہو چکی ہے ۔۔

طلب اور رسد میں فرق کے بعد سبزیوں کی قیمتوں میں ہوش ربا اضافہ ہو رہا ہے ، دکانداروں کا کہنا ہے

اگلے دوماہ تک سبزیوں کی سپلائی اور قیمتیں بہتر ہونے کا کوئی امکان نہیں

مون سون بارشوں نے سندھ اور بلوچستان میں سبزیوں کی فصل کو نقصان پہنچایا ہے اور اس نقصان کا اثر اب کراچی کی سبزی منڈیوں میں محسوس کیا جا رہا ہے

گزشتہ ہفتے تک 80 روپے کلو فروخت کی جانے والی پیاز کی قیمت 200 سے 240 روپے کلو تک پہنچ چکی ہے ، 50 روپے کلو تک

فروخت ہونے والا آلو اب 100 روپے سے 130 روپے کلو فروخت کیا جا رہا ہے جبکہ ٹماٹر کی قیمت 100 روپے کلو سے بڑھ کر 230 روپے کلو تک پہنچ چکی ہے

اندرون سندھ کا برا حال ہے بلوچستان کا سیزن ہے پورا سیزن خراب ہو گیا ہے مال ہے نہیں بس اسی لئے سبزی مہنگی ہے

مال ہے نہیں بارشوں نے تباہ کردیا ہے سارا مال

ہرا دھنیا اور پودینا تو جیسے نایاب ہو چکا ہے ، مرچ 150 روپے کلو ، لیموں 300 روپے کلو

گوبھی 300 روپے کلو جبکہ بھنڈی 350 روپے کلو تک فروخت کی جا رہی ہے ۔۔ بازاروں کا رخ کرنے والے شہری اس صورتحال سے پریشان ہیں

پہلے 80 70 اور 75 روپے مل رہی تھی اب پیاز دو سو روپے کلو مل رہی ہے یہ حال ہے ۔۔ پہلے سلاد کے پتے 200 روپے کلو مل جاتے تھے

اب 500 روپے کلو مل رہے ہیں

قیمتوں میں کافی اضافہ ہو گیا ہے لیکن میرا خیال ہے مزید اضافہ آنے والا ہے جس طرح کی سیچوئشن چل رہی ہے

دکانداروں کا کہنا ہے کہ سیلاب کے باعث سندھ اور بلوچستان سے اگلے دو ماہ تک سبزیوں کی سپلائی مٹاثر رہنے کا امکان ہے

، اگر ایران سے آنے والے فصل سبزی منڈی تک پہنچ گئی تو بڑھتی ہوئی قیمتیں کم ہو جائیں گی

About The Author

نمائندہ

See author's posts