کرپشن کے الزامات میں گرفتار افراد کا علاج بھی قوم کا نقصان ہے،فردوس عاشق اعوان

وزیراعظم  عمران خان کی معاون خصوصی برائے اطلاعات و نشریات ڈاکٹر فردوس عاشق اعوان نے کہاہے کہ کرپشن کے الزامات میں گرفتار افراد کا علاج بھی قوم کا نقصان ہے۔ قوم کا نقصان کرنے والے تاریخ کے بھی مجرم رہیں گے۔

بلاول بھٹو زرداری کے الزامات کے جواب میں  ردعمل دیتے ہوئے انہوں نے سماجی رابطوں کی ویب سائٹ پر ٹوئٹ کیا کہ بلاول بھٹو ابھی تک  لاڑکانہ کی ہار کے زخم چاٹ رہے ہیں۔

بلاول بھٹو ابھی تک لاڑکانہ کی ہار کے زخم چاٹ رہے ہیں اور اس صدمے سے باہر نہیں آئے، یہ بہکی بہکی باتیں اس بات کا ثبوت ہے کہ وہ شدید صدمے میں ہیں، انہیں پتہ چل گیا ہے کہ اب سندھ سے بھی پیپلزپارٹی کا بوریا بستر گول ہے کیونکہ عوام انہیں مسترد کر رہے ہیں۔

— Dr. Firdous Ashiq Awan (@Dr_FirdousAwan) October 28, 2019

فردوس عاشق اعوان نے کہا کہ بلاول لاڑکانہ کی شکست کے  اس صدمے سے باہر نہیں آئے، یہ بہکی بہکی باتیں اس بات کا ثبوت ہے کہ وہ شدید صدمے میں ہیں۔  انہیں پتہ چل گیا ہے کہ اب سندھ سے بھی پیپلزپارٹی کا بوریا بستر گول ہے کیونکہ عوام انہیں مسترد کر رہے ہیں۔

آصف علی زرداری اگر بیمار ہیں تو حکومت کا کیا قصور؟حکومت ٹیکس پیئر کے پیسے سے ان کا علاج کروا رہی ہے۔کرپشن کے الزامات میں گرفتار افراد کا علاج بھی قوم کا نقصان ہے۔ قوم کا نقصان کرنے والے تاریخ کے بھی مجرم رہے گے۔۔

— Dr. Firdous Ashiq Awan (@Dr_FirdousAwan) October 28, 2019

ڈاکٹر فردوس عاشق اعوان نے کہا کہ آصف علی زرداری اگر بیمار  ہیں تو حکومت کا کیا قصور؟حکومت ٹیکس پیئر کے پیسے سے ان کا علاج کروا رہی ہے۔

About The Author

ویب ڈیسک

See author's posts