یوسف رضا گیلانی بمقابلہ عبد الحفیظ شیخ، سب کی نظریں اسلام آباد پر

پاکستان کی پارلیمنٹ کا ایوانِ بالا یعنی سینیٹ کی 37 نشستوں پر ووٹنگ کا عمل شروع ہو چکا ہے جو شام پانچ بجے تک جاری رہے گا۔ واضح رہے کہ پنجاب سے 11 سینیٹرز پہلے ہی بلا مقابلہ منتخب ہو چکے ہیں۔ پنجاب کے علاوہ دیگر تین صوبوں میں اس وقت پولنگ کا عمل جاری ہے۔

حفیظ شیخ اور یوسف رضا گیلانی کی ایوان میں ملاقات ہوئی،حفیظ شیخ کا ہاتھ جوڑ کریوسف رضا گیلانی کو سلام کیا ،حفیظ شیخ اور یوسف رضا گیلانی کی ایوان میں خوشگوار انداز میں گفتگو بھی ہوئی،یوسف رضا گیلانی نااہلی کے بعد پہلی مرتبہ ایوان میں داخل ہوئے۔

اس وقت اسلام آباد کی نشست غیر معمولی اہمیت اختیار کر گئی ہے جہاں سب کی نظریں سابق وزیر اعظم یوسف رضا گیلانی اور وزیر اعظم کے مشیر خزانہ عبدالحفیظ شیخ کے درمیان ہونے والے مقابلے پر ہیں۔ ان دونوں کے انتخاب کے لیے قومی اسمبلی کے اگر تمام 342 ارکان اپنا ووٹ ڈالیں تو پھر جو امیدوار 171 ووٹ حاصل کرے گا وہ سینیٹر منتخب ہو جائے گا۔

اب اگر عددی اکثریت پر نظر دوڑائی جائے تو اس وقت بظاہر حکومت کو 185 ارکان کی حمایت حاصل ہے جبکہ اپوزیشن کے پاس 160 ارکان موجود ہیں۔ ڈسکہ میں از سر نو انتخابات کی وجہ سے اس وقت قومی اسمبلی میں ارکان کی تعداد 341 ہے۔

آج  اگر یوسف رضا گیلانی 171 ووٹ حاصل کرتے ہیں تو پھر سینیٹ کے انتخابات کے لیے یہ ایک بڑا اپ سیٹ ہو گا۔