احسن واگھا
۔۔۔۔۔۔۔۔۔۔۔۔۔۔۔۔۔
گیلانی صائب كوں كئون سمجھاوے!
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شادن لنڈ كَٹھ وچ, كالے۔صدردین دے ہك سنگتی حكم ڈِتے جو:
"سرائیكی لوك پی ڈی ایم ملتان دے جلسے وچ نہ وَنجِن !”
اوڈو یوسٔف رضا گیلانی, وزیر اعظم آلی نوكری ڈے كیں وی سبق نئیں سِكھیا;
او پنجابئیں كوں ‘جنوبی پنجاب’ دے ناں دا لولی۔پاپ ڈے كیں اینھیں دے چَك وچو صوبہ كَڈھنڑ چاہندے۔
اے ڈیكھو, تازی تقریر سونڑوس:
ہُنڑ پی ڈی ایم تیں سید یوسف رضا گیلانی كوں اے ڈسنڑ كیتے تاں جلسے وچ ونجنڑا پوسی جو اساں تٔہاڈے جلسے وچ نیسے آندے!
تیں گیلانی صائب كوں اے وی ڈَسنڑا پوسی جو كیا تھیا جو:
ہك پاسو توں سرائیكی صوبے دا بِل وفاق دے ہك ایوان وچو پاس كرا سٹیئے۔
ڈوجھی پاسو نون لیگ 18ویں ترمیم وچ رٔكاوٹاں پاتیاں تیں وت آپنڑی مرضی دی 18ویں ترمیم بنڑوائی تیں
اینہہ نون لیگ, مركز دے ہك ایوان وچو ساڈے صوبے دے پاس تھئے ہوئے بل كوں پنجاب اسمبلی وچ بَھن۔تروڑ كر ڈِتا,
كیا تھیا جو جیكر سِندھئیں دی مخالفت دے باوجود وی پی پی پی وَت صوبے دا كیس چائی كھڑی ئے, تیں پی ٹی آئی تیں نون ساڈے صوبے دا ناں وی نئیں چئیندے, ۔ ۔ ۔
ساڈے كالے آلے۔صدردین آلے اے سَجنڑ وت وی نون لیگ نال ئن۔
تیں ‘سرائیكی صوبہ = اسرائیل’ آكھنڑ آلئیں دے یار ئن۔
جیكر اے سرائیكئیں دے سجنڑ ئن تاں:
۔ اے محترم ساڈی سیای سٹرگل كوں كمتر كیوں آہدن؟
جیكر اے سَجنڑ ئن تاں اے شك كیوں گَھتیندِن جو "لوك صوبہ چاہندے وی ہِن؟”
آپنڑئیں كوں نكما آكھنڑ وی كئی آپت ئے سائیں؟
مرضی آلے ائو !
چھیكڑی گالھ:
میڈا ‘صوبہ صوبہ دا وِرد’ تہاكوں كجھ بئی طرانح لگدا ہوسی پر;
میں سمجھیندا صوبہ ۂنڑ سرائكئیں كیتے مرَنڑ جیونڑ دا سوال بنڑ گئے۔
جیكر صوبہ تِكھئیں نئیں ملدا تاں:
الف: سرائیكی بہ طور قوم پسماندہ تھیندے پئے ہیں۔ ساڈی عظمت مٔكدی پئی ئے (تاریخ كہیں دا انتظار نئیں كریندی)
ب: ساڈے وسائل چَویندے پئین تیں ساڈی دَھرتی ہر قسم دے ‘ویئسٹ’ دا كَھڈا بنڑدی پئی ئے,
ج: اساڈی تاریخ, زبان تیں كلچر گَلدے, غلطیندے پئین,
د: ساڈے یونیورسٹئیں تیں ڈیپارٹمنٹیں تیں بئے زبانیں دا قبضہ ئے تیں ایندے نتیجے وچ بے علمی ودھ ویسی۔
بے علمی بٔكھ كنوں وی وَڈی مئوت ئے۔
About The Author
اے وی پڑھو
موہری سرائیکی تحریک دی کہاݨی…||ڈاکٹر احسن واگھا
سرائیکی وسیب کے شہر لیہ میں نایاب آوازوں کا ذخیرہ
فیمینسٹ!!!۔۔۔۔۔|| ذلفی