روزنامہ شہادت رحیم یار خان۔
کپتان کا پنجاب میں نیا کپتان
(درد نگرسے) تحسین بخاری
انسپکٹر جنرل پولیس پنجاب تعینات ہونے والے انعام غنی کا شمارپاکستان پولیس سروس کے انتہائی پروفیشنل، قابل، ایماندار اور فرض شناس پولیس افسران میں ہوتا ہے۔
انعام غنی ان دنوں ایڈیشنل آئی جی ساؤتھ پنجاب کے عہدے پر فرائض سر انجام دے رہے تھے
جبکہ وہ اس سے قبل ایڈیشنل آئی جی آپریشنز پنجاب کے عہدے پر بھی تعینات رہ چکے ہیں۔
آئی جی پنجاب،
انعام غنی کا تعلق خیبر پختواہ کے ضلع مالاکنڈ سے ہے انہوں نے 1989میں بطوراے ایس پی پولیس سروس پاکستان جوائن کی۔
انکا تعلق سترہویں کامن سے ہے۔انہوں نے ایم اے پولیٹیکل سائنس، ایل ایل بی اور ایل ایل ایم کی ڈگریاں حاصل کر رکھی ہیں۔
کیرئیر کے آغاز میں انعام غنی نے CSAاورنیشنل پولیس اکیڈمی اسلام آباد میں خدمات سر انجام دیں جس کے بعد اے ایس پی (UT)، اے ڈی او ایف سی،
اے ایس پی پیپلزکالونی فیصل آباد،اے ایس پی سٹی فیصل آباد،اے ایس پی نواں کوٹ، لاہور کے عہدوں پر فرائض سر انجام دئیے
جس کے بعد انہوں نے یو این مشن پرموزمبیق میں پاکستان کی نمائندگی کرتے ہوئے خدمات سر انجام دیں۔ وطن واپسی پر انعام غنی نے بطور ایس پی سائٹ ڈویژن ویسٹ کراچی،
ڈی پی او ہری پور، ڈی پی او کرک، ڈی پی او صوابی، ڈی پی او مانسہرہ، ڈی پی او چارسدہ، ایس ایس پی آپریشنز پشاور،
ایس پی ہیڈ کوارٹر اسلام آباداورایس ایس پی سیکیورٹی اسلام آبادکے عہدوں پر فرائض سر انجام دئیے۔اس کے علاوہ انہوں نے ڈائریکٹر ایف آئی اے (این ڈبلیو ایف پی)،
ڈائریکٹر ایف آئی اے ایڈمن (ایف آئی اے ہیڈ کوارٹر اسلام آباد)، ڈائریکٹر ایف آئی اے پنجاب، ڈائریکٹر ایف آئی اے اسلام آباد،
ڈائریکٹر ایف آئی اے خیبر پختوانخواہ، کمانڈنٹ ایف آئی اے اکیڈمی، ڈائریکٹر ایف آئی اے اسلام آباد، ڈائریکٹنگ اسٹاف نیشنل سکول آف پبلک پالیسی لاہور،
ڈپٹی ڈائریکٹر جنرل آئی بی اسلام آبادکے عہدوں پر فرائض سر انجام دئیے۔ ایڈیشنل آئی جی پروموشن کے بعد انعام غنی نے بطور ایڈیشنل آئی جی آپریشنز سی پی او لاہور کے عہدے پر تعینات رہے
جبکہ کچھ عرصہ قبل انہیں بطور ایڈیشنل آئی جی ساؤتھ پنجاب کے عہدے پر تعینات کیا گیا تھا جہاں وہ اپنے فرائض ادا کرر ہے تھے۔
انعام غنی نے آفیسر آن سپیشل ڈیوٹی امریکہ،قونصلر لیبر اینڈ کمیونٹی ویلفیئر ایمبیسی آف پاکستان کویت میں بھی وطن عزیز کی نمائندگی کرتے ہوئے فرائض سر انجام دئیے۔
اپنے طویل کیرئیر کے دوران انعام غنی نے ملنے والی ہر ذمہ داری کو بھرپور لگن، محنت اور فرض شناسی کے ساتھ ادا کیا۔
انعام غنی کو خیبر پختونخواہ،پنجاب، ایف آئی اے سمیت بیرون ملک بھی انتہائی اہم عہدوں پر پیشہ ورانہ فرائض ادا کرنے کا وسیع تجربہ حاصل ہے۔
انہوں نے پیشہ ورانہ کیرئیر کے دوران تفویض ہونے والی ہر ذمہ داری کو بھرپور لگن، محنت اور فرض شناسی سے ادا کرکے اپنی مہارت کا عملی ثبوت پیش کیاہے
اور انکا شمار پنجاب پولیس کے نہایت پروفیشنل، منجھے ہوئے اور تجربہ کار بہترین افسران میں ہوتا ہے۔
ساٶتھ پنجاب کے جب انتظامی یونٹ کا اعلان کیا گیا اور انعام غنی کو بطور ایڈیشنل آٸ جی ساٶتھ پنجاب تعیناتی کا نوٹیفکیشن جاری ھوا
تو انکا سب سے پہلا ٹیلی فونک انٹرویو کرنے کا اعزاز راقم کو حاصل ھے۔عوامی خدمت کے حوالے سے انکے احساسات و جذبات جاننےکے بعد ہمارے دل میں انکی محبت سی پیداھو گٸی
اورپھر اس کے بعد ان سے بھر پور رابطہ رھا ۔میں نے ان سے اپنی تنظیم نیشنل کالمسٹ کونسل آف پاکستان کے وفد کی ملاقات کیلیے وقت مانگا
تو انھوں نے فورا ہمیں عزت بخشتے ھوے ملاقات کیلیے بلا لیا۔راقم کی قیادت میں چھ رکنی وفد نے ملاقات کی۔
ایک گھنٹے پر محیط اس ملاقات میں ان سے سیر حاصل گفتگو ھوی۔راقم نے ان کی توجہ کچہ کے ابتر حالات کی طرف توجہ مبذول کروای تو انھوں نے
اس پواٸنٹ کو نوٹ کرتے ھو کہا کہ عنقریب وہ ضلع راجن پور اور ضلع رحیم یار خان کا وزٹ کریں گے
اور اس پر کوی ٹھوس لاٸحہ عمل بناٸیں گےاورپھر انھوں نے باری باری دونوں اضلاع کا وزٹ کیا ۔
ان کے وزٹ سے جہاں دونوں اضلاع کی پولیس پہلے سے زیادہ ایکٹو ھوی وہاں جراٸم کی دنیا میں ایک خاموشی سی بھی محسوس کی گٸی ۔
ان کے اندر وطن کی محبت اور مظلوم طبقے کا درد کوٹ کوٹ کراللہ نے بھرا ھوا ھے
میں سمجھتا ھوں کہ یہ وزیراعظم۔عمران خان اور وزیر اعلی پنجاب عثمان بزدار کا بہترین فیصلہ ھے۔
نیشنل کالمسٹ کونسل آف پاکستان نا صرف ان کیلیے دعا گو ھے بلکہ انھیں اپنے بھرپور تعاون کا یقین دلاتی ھے۔
یہ بھی پڑھیے
متوازن وفاق اور وسائل پر اختیار کےلئے سرائیکی سرگرم کارکنوں اور طلبہ تنظیموں کی’ سرائیکی صوبہ ریلی کا انعقاد
ڈیرہ اسماعیل خان میں پولیس نفری لیجانےوالی گاڑی کے قریب دھماکہ،5افراد شہید،21زخمی
ڈیرہ غازی خان کی خبریں