مارچ 29, 2024

ڈیلی سویل۔۔ زمیں زاد کی خبر

Daily Swail-Native News Narrative

بھولے بادشاہیں دے جماعتی ٹوٹکے!||احسن واگھا

فیاض سائیں، نراز تاں تہاکوں کر بہندے ہیں، اتیں افسوس وی تھیندے، پر سائیں، ائوکھے ٹائیمز ہن۔ یا سچ اکھیجیے تیں یا کجھ نہ اکھیجیے۔ ساڈا۔تہاڈا عہد 'شبلیئت' دا نئیں۔ اتیں تساں تیں میں منصور وی نیسے بنڑ سگدے۔ کوئی نہ کوئی بنڑسی۔ اوکوں مارنڑ کیتے پھل تیار رکھو۔

احسن واگھا

۔۔۔۔۔۔۔۔۔۔۔۔۔۔۔۔۔

بھولے بادشاہیں دے جماعتی ٹوٹکے؛
ہک بئی جاہ کیتا کامنٹ:
۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔
saien,
تہاڈے ٹائٹل کنوں چیتے آندے، تہاڈی لکھت ‘ہک تنزیئہ’ ہائی۔ میں ایندے اوتیں سیریئس کامنٹ کیتے چا۔ چلو ہنڑ تساں میڈے پچھلگ کامنٹ کوں ‘تںزیہ’ سمجھ کیں سہمت تھی بہو۔ اتیں ہنڑ کجھ سیریئس گالھ:
دنیا وچ سماجییں دی اگائت۔پروگریس اتیں پچھائت۔زوال دے ماڈل اتیں تئور۔اسباب لکھیئے، سمجھیئے ہوئے ہن۔ ‘اسلاح۔کاری/سالہین’ آلا رزاکارانہ نسخہ وی نواں نئیں۔
تھیا اے ہے جو امپیریئلزم دی دخلداری، سماج وچ تل۔وتنی اہرکار۔ورک دی سپیس تاں گھٹا ڈتی ہے۔ پر جیرھی سپیس بچی ہوئی ئے، اوندے وچ آپ لوک، اتیں ایھے "چوری۔شدہ” دولت والے چور ڈاکو سیاست۔دان ئی کجھ کریسین۔ میکوں زرا ہیرانگی ایں گالھ تیں تھئی ئے جو میڈیا اتیں ایسٹیب دا ‘کرپشن۔چور۔ڈاکو’ منترا تساں جھئیں چیتے۔کار کوں وی درست لگنڑ پئے گئے۔
میڈی نکوہیں سوچ یا فارمولین موجب (اتیں کوئی فارمولیشن سارا سچ نئیں ہوندی، میں والی گالھ وی مہز ہک ایسپیکٹ ہوسی): ہک تاں جیرھی ‘سر۔پلس’ دولت پیسہ ٹیکس، لٹ بنڑ کیں ہک واری لوکیں کنوں چویج وئیندے، او لوکیں دو ول نئیں آندا۔ جیرھا ولدا پیا ہوندے ‘اہساس۔پروگرام، کرزے، ڈیویلپمنٹ’ وغیرہ ۔ ۔ ۔ ، او مزید پیسہ چاونڑ کیتے ہک ٹریپ ہوندے۔ میڈی نکوہیں گینڑتر موجب ‘کرپشن’ دا منترا ہک ‘اینٹی۔سیاست’ ہتھیار ہے جیرھا سرد جنگ دے مکیوے دے بعد، دنیا وچ پسپا تھیندے ڈیفینس دے ادارئیں اتیں ایسٹیبلشمنٹیں، ریسورسز کوں ‘سیویل سیکشن’ وچ خرچ تھیونڑ کنوں ڈکنڑ کیتے شورو کیتے۔ ایندا اسل (معروزی) نتیجہ ڈیکھو: تکریبا” اکسر تھرڈ۔ورلڈ وچ ‘پبلک سیکٹر ڈیویلپمنٹ، ایجیوکیشن اتیں ہیلتھ وغیرہ’ وچ سٹیٹ دے بجٹ زیرو تھی گئین۔ اتیں مال۔دولت آندا تیں خرچیندا وی پئے۔ پر سرف نان۔سیویل ادارئیں دے ہتھو: سی۔پیک، ڈیساسٹر منیجمنٹ، وڈے ڈیویلپمنٹ پروجیکٹ ۔ ۔ ۔ اے سبھ کون خرچیندا پئے؟
تہاڈے تنزیئے وچ سیریئس گالھیں وی ہن: "دشمنوں کے ساتھ تجارت کی جائے”. ٹھیک فرمائے وے، اتیں تہاکوں اے وی پتہ ہوسی جو اے تجارت وی شورو تھیسی، بلکہ تھیندی پئی ئے، اتیں ایں گالھ دا پکا بندوبست تھیسی جو, ایندے نال "دشمنی دے لا۔فانی۔ پروجیکٹ” تیں کوئی اسر نہ پووے۔
فیاض سائیں، نراز تاں تہاکوں کر بہندے ہیں، اتیں افسوس وی تھیندے، پر سائیں، ائوکھے ٹائیمز ہن۔ یا سچ اکھیجیے تیں یا کجھ نہ اکھیجیے۔ ساڈا۔تہاڈا عہد ‘شبلیئت’ دا نئیں۔ اتیں تساں تیں میں منصور وی نیسے بنڑ سگدے۔ کوئی نہ کوئی بنڑسی۔ اوکوں مارنڑ کیتے پھل تیار رکھو۔

اے وی پڑھو:

احسن واگھا دیاں لکھتاں پڑھو

%d bloggers like this: