مارچ 29, 2024

ڈیلی سویل۔۔ زمیں زاد کی خبر

Daily Swail-Native News Narrative

بلوچستان دے بلوچ تیں سرائیكستان دے بلوچ, ہك كامنٹ!۔۔۔احسن واگھا

قصور نہ تہاڈا ئے, نہ كہیں دا, كجھ سوال گٔنڑجل ہوندِن۔ بحث وی كرنڑی پوندی ئے, جھیڑا وی لاونڑا پوندے۔ پِچھیں ہولئیں ہوئولئیں گالھیں كٔھلدئین۔

احسن واگھا

۔۔۔۔۔۔۔۔۔۔۔۔۔۔۔۔۔

بلوچستان دے بلوچ تیں سرائیكستان دے بلوچ, ہك كامنٹ:
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصور نہ تہاڈا ئے, نہ كہیں دا, كجھ سوال گٔنڑجل ہوندِن۔ بحث وی كرنڑی پوندی ئے, جھیڑا وی لاونڑا پوندے۔ پِچھیں ہولئیں ہوئولئیں گالھیں كٔھلدئین۔
سمجھوں تاں گالھ سئوكھی وی تھی آئی ئے۔
جیرھے مانئیں وچ تساں سرائیكی نیوھے بلكہ بلوچ ائو اونھیں مانئیں وچ میں وی سرائیكی نِمھی بلكہ واگھا ہاں۔
میڈے نال دے, ایڈاہو گئے ہوئے جٹ واگھے جیكب اباد اتیں واگھا بارڈر تیں وی گئے بیٹھین۔
میں پَنوھار جٹ آں پر میكوں وی انھیں دی موجودہ راجھستھانی بولی تاں نئیں آندی۔
خلاصہ كجھ ایں بنڑسی جو:
اساں تساں ایں دَھرتی دے لوك ہیں جیندی ‘لارجر’ شناخت سرائیكی ئے۔
سرائیكی دے اندر سینكڑے ماتحت شناختاں سمایاں ہوئین۔
ہنڑ اے اگلی گالھ ذرا غور نال سونڑاہے:
سندھی ادب تیں تاریخ دا ہك وڈا لكھای ‘نبی بخش بلوچ’ تھی گزریئے۔
اوكوں كہیں تساں جھئیں جذباتی آكھیا:
‘سائیں توں بلوچ تھی كیں سندھی دی خدمت كریندا بیٹھیں ! بلوچیں اتیں بلوچی تیں كم كر!’
اوں ٹپ مار كیں آكھیا:
"أٹھی كھڑا تهی۔ میں پیلھو سندھی آں, پِچھیں كوئی بئی شئے آں”
سرائیكی ایں دھرتی دی شناخت اے جیویں بلوچیئت بلوچستان دھرتی دی شناخت ئے۔
ہنڑ ایں گالھ دا وی كجھ راہنمائی عنایت كرو جو كیا
‘ڈی ایكسكلیوڈیڈ ایریا میں یا سرائیكیں یانی خواجگان وغیرہ ڈیكلیئركرایا ہا؟
نہ۔ تساں پہاڑ دی بلوچ اقلیئت دے سرداریں ڈیكلیئر كرایا ہا۔
كیا انگریز كنوں ڈی ایكسكلوڈیڈ ایریا كوں بلوچستان وچ شامل نہ كرنڑ دا مطالبہ اساں تل وطنئیں كیتا ہا؟
نہ, ڈی ایكسكلیوڈیڈ ایریا دے بلوچیں كیتا ہا۔
كیا اَج ڈی ایكسلیوڈیڈ ایریا دے بلوچ بلوچستان دا حصہ بڑنڑ چاہندن؟ ونجو پتہ كرو۔ نئیں بنڑنڑ چاہندے۔
ہنڑ تہاڈے مطابق زبان بلوچ قوم دا كرئیٹیریا نئیں۔
كیا صوبہ بلوچستان دی دھرتی دا باشندہ ہوونڑ بلوچ ہوونڑ دا كرئیٹیریا ہے؟
جے اے وی نئیں تاں پِچھیں كیا ہے؟
مونہہ دا كیتا بلوچی دعوی كرئیٹیریا ئے؟
چلو ایویں سہی۔
ہنڑ دیرہ جات دے سارے آپ كوں بلوچ آكھنڑ والے كٹھے كر كیں شمار كرو وت وی دیرہ جات وچ بلوچ اقلیئت ئِن۔
ایندے اوتیں لوكیں كم كیتا ہوئے۔
ڈی ایكسكلوڈیڈ ایریا میں یا كہیں سرائیكی نہا ڈیكلیئر كرایا, بلوچ اقلیئت ڈیكلیئر كرایا ہا۔

%d bloggers like this: