دلشاد کلانچوی دا ورھینا۔۔۔||باسط بھٹی

مارکا

آج ملک اسلم سیں یاد ڈیواے

جو انہاں دے سوہرے تے ساڈے مامے،جنت مکانی،سیں دلشاد کلانچوی دا آج 25ویواں ورھیناں ھے،

یار،کل دی گالھ ھے ایس سی کالج پڑھدا ھم،بہاولپور وسدے سرائیکی ادیبان کوں ونج ملدا ھم،ھک دفعہ سیں دلشاد کلانچوی کوں خط لکھ ملن دی ارداس کیتم،ولدی آئ بچہ ماڈل ٹاؤن سرور شہید روڈ تے آپیا چھیکڑ توں کجھ پہلے منے آتے دلشاد لکھیا کھڑا ھوسی،سیں سر تھی گیم آکھیم سیں میکوں سرائیکی لکھن دا ڈاڈھا شوق ھے،میں شاعر بننن چاھنداں،بھشتی کھل پیا تے آکھیس بچہ،توں نثر لکھ میدان خالی ھے،تیڈا وڈا ناں تھیسی،ایہا کوئ قبولیت دی گھڑی ھی،انھاں دی دعا منظور تھئ،اج چار بھرا جاندن

میں انہاں دے جیندے انہاں دا خاکہ لکھیا ماڈل ٹاؤن ونج سنایا،کھل کنوں ولٹیج گے،کنڈ تھپ آکھیونے توں وڈا بدمعاش ھیں

ول آو وقت آیا جو میکوں خاکیاں دی کتاب،،ڈکھ ڈول،،تے اکادمی ادبیات 1995ءدا ایوارڈ ڈتا،لاھور گورنر خالد مقبول،گورنر ھاؤس اچ ایوارڈ ڈتا،بی بی،مسرت کلانچوی میکوں ڈسیا،کاکا

میں ایوارڈ کمیٹی دی ممبر ھم،میکوں فلانے،،۔ ،،ادیب فون کر آکھیا بی بی،باسط بھٹی، لڈھ،لوفر تے بد تمیز ھے،خاکےایویں ھوندن،اینکوں نمبر نہ ڈیویں

مسرت بی بی،ولدی ڈتی

کاکا

تساں اردو زبان تے ادب پڑھیندے ووے،ادیب وی ھیوے،بیا خاکہ کیویں ھوندے

خیر

ایہ حال ھے جیندی وجہ توں اساں ترقی نی کر سگدے،جیوے ھووے آؤں ادیب کوں آج کتنے لوک جاندن،میں ڈوجھی واری،،اکادمی ادبیات دا ایوارڈ گھن گھدے

خیر گالھ اچوں گالھ نکل ائ،ایہ جنت مکانی دلشاد کلانچوی جیہں لوک ھن،جنہاں دی وجہ توں آج اساں سنجاتے ویندے ہیں،دلشاد کلانچوی سیں،مستاجری،پنشن،ریڈیو،تے یونیورسٹی اچوں ملن آلی رقم سرائیکی کتاباں تے خرچ کریندے ھن،تے ول مفت ونڈیندے ھن،

مارکا

ایجھیں سوجھوان کتھوں گولوں،

جنت جا ھوونیں

اسلم سیں،سداصحت نال جیوو،لکھن کیتے بہوں یاداں ھن،پر جا تھوڑی ھے