محبوب مٹھا منٹھار||باسط بھٹی

محبوب دے لغوی معنی ھن پیارا یار معشوق ڈھول ڈھولا مٹھا

تابش دے معنی ہن گرم سیک تے تتا

ھن آپ اندازہ لاو جو ایندا ناں محبوب تابش کیوں رکھیا گے

محبوب تے تابش ڈوں انجو انج لف ہن بھاہ تے پانی داملاپ اے ہکپاسوں محبوب مٹھا منٹھار ھے

ڈوجھے پاسوںگرمی سیک تے بھا ھے

سیانے اھدن بال بدھنے اچ سنجاتا ویندے محبوب تابش وی بدھنے اچ سنجاتا گیا ھا اماں سین کوں ڈیکھ تے مسکدا ھا دائ اماں کوں لتڑیاں مریندا ھا کھلدا کھیڈا ڈیکھ اماں ٹھردی ھی اھدی ھی میں صدقے تھیواں میڈا محبوبا آ میڈی جند سدا جینویں ھیں سانگوں ایندا ناں محبوب تابش رکھینے جے نکے لا شرارتی نہ ھوندا تاں ایندا ناں پیر بشک یا فقیر بشک ھوندا سوھنے نین نقش آلا اے نی گر شادن لنڈ دی نزیکی وستی گھمن دا جم جا ھے

محبوب تابش یاراں دایار ھے پر دوست اھدن زری کھورا بندہ ھے ایا گالھ کوئ منہ تے نی اھدا کھڑ سہی کے جرات ھے تاں سامنے گالھ کرو

جوان اپنی راے دا اظہار کھل تے کریندے ای سلسلے کہیں فورم دا بدھل کائنی موٹر سائیکل تے سوار ھووے بس یا گاڈی اچ ھووے کہیں ھوٹل تے بیٹھا ھووے کوی بندہ ایندے نال بحث کرے اوندی ایسی تیسی کر ڈیندے بھانویں اگلا بندہ اٹھی تے سر پاڑ ڈیوے

جوان دی جنے ونے تے تک اصلوں نی پوندی اکثر شاعراں ادیباں بارے اھدے چاچا اللہ دی قسم ڈارے جہل ھن

جتھں خار انجس او رستہ چھوڑ ڈیندے

جوان دی بنی بنی ایں ھے جو پورے دامان دی تراے سو میل پٹی اچ بازو کہیں نی ڈتا اساں آپنا جوانترا بناے احمد پور پرناے جہانگیر مخلص پرنے تے نہ ونج سگیا

فون کیتس محبوب خاں مبارک ھووی

تیڈا جھگا تاں وس پے تےاساں کہیں کوں منہ ڈیکھاون جوگے کائنی

پنج سو ہزار کتاب کیا پڑھ گھدی ھس کہیں کوں جیون نی ڈیندا

گالھ گالھ تے دڑکے ڈیندے جے کوئ پیپل پارٹی بارے گالھ جا کرے تاں توبہ توبہ فورا جنگ کیتے تیار تھی وی ویندے

محبوب ساڈا بھتریجا اے کیا تھی پیا جے سوور ھے

کانواں کوں وی تاں اولاد پیاری ھوندی ھے

ساکوں دڑکے ڈیوے مارے کٹے گھوگھا ڈیوے رس ونجے

سچی گالھ ھے ساڈا مان ھے اساں ای دے بغیر نی رہ سگدے

ایجھے ہیرے روز روز تھوڑے جمدن

میڈی خوش قسمتی ھے جو گلہ کر چپ کر ویندے

جے بدل پوے مچھر ونجے تاں اساں کیا گھنسوں

سدا جیوے تے لکھ تھیوے