سینے جھوکاں دیدیں دیرے(28)||نذیر لغاری

اساں یارک شائر کاونٹی پڄ ڳیوں شیلڈ لندن کنوں أبھے تے پچادھی پاسوں ۱۸۵ میل پریں پیاوسدے پہلے اے شہر ہالم شائر کاونٹی اچ ہا ول یارک شائر کاونٹی اچ رلیا اتھاں بھوئیں دے ہیٹھ لوہا تراما کولا اتے ٻیاں ڈھیر ساریاں شہیں سانبھیاں لاتھین اتھاں لکڑدا کم وی منڈھ قدیم کنوں تھیندا کنوں تھینداپئے ایویں چاسمجھو جو لکڑدے کم اچ اے شہر آپݨا ڄام پورہے ڄام پور دے درکھاݨ جگ اچ مشہور ہن اتھاں لکڑو چوں نت نویاں شہیں تے شلاں بݨایاں ویندین مندھاݨیاں موڑھے کرسیاں میزاں صوفے کوچاں شیشے آرسی پکھی حیرن تھی ویندے ہاسے جو کیا انسان اینجھا کاریگر وی تھی سگدے شفیلڈ وی ایویں مشہور رہ گئے اتھاں جیرھے چھریاں چاقو کانٹے چمچے تھاں تھپے بݨدے ہن انھیں دی سارے جگ اچ دھڳ دھڳ ہئی کٹلری بناوݨ اچ تاں شفیلڈ لندن نال مونڈھا رلائی کھڑا ہا ۱۷۰۰ اچ شفیلڈ کٹلری دے دھندے اچ لندن کوں اینجھی ڈھاک ماری جو اوبگا تھیا ہا ول تاں پچھے شفیلڈ دی شاہی تھی گئی ول مقرا ضئیں تے چاقوں کنوں ڳالھ ٹپ گئی ریاضی دا سامان تے رڑھ رنگڑی سانگے نویں آلات وی اتھائیں بݨݨ پئے گئے جڈاں چاندی اچ تراماں رلا تے پلیٹاں بناوݨ شروع کیتونے تاں پچھے شفیلڈ دیاں پلیٹاں سارے جگ اچ کھنڈپنڈڳیاں ول ایں شہر تے دھن دا مینہ وٹھا جگ جہان دا دھن چھکیج تے اتھ آوݨ پئے گیاہݨ اتھاں کیا کیا بݨدے ہݨ اتھاں چھڑا لکڑ پتھرتے لو ہے دی گھڑ مچھ نہیں تھیندی اے بہوں وڈا صنعتی شہر ہے جتھاں پھل فروٹ سانبھݨ کاغز بناوݨ عینکاں دے شیشے جلداں سائیکلاں برش ترامے دیاں پاتریاں پتر وٹے ڈیوے گلدان اتے رنگ روغن دیاں اݨ ڳیݨویاں فیکٹریاں ہن موٹرو ے کنوں جتھوں رستے پھردن اوں جاہ کوں جنکشن آکھیاویندے اساں وی موٹروے ون دے ہک جنکشن کنوں شہر اچ پھر گیوں میاں افضل خالد تے مشتاق لاشاری شئت بھلی پئے ڳئن مسیت ودے گولیندن مسیت ننھے لھدی شفیلڈ ڈاہریں دی ٹوسی اتے ہیٹھ وادی اچ بݨیا کھڑیئے چٹ پدھر کتھائیں وی کائنی ہݨ ڈیکھوں مارکے کوں مسیت لبھدہے یا کائنا اتھاں مسیت اچ سارے برطانیہ دے پاکستانی کونسلر کٹھے تھیندے پئن چھیکڑ مسیت لبھ پئی مسیت دے نال اوندے گانڈھویں کمیونٹی سینٹر اچ ونج کٹھے تھیوسے ۵۰۴۰ کونسلر کٹھے تھئے پئے ہن اتے ٻنھیں دی تانگھ رکھی ٻیٹھے ہن جو اجھوٻے کونسلر وی آوسن تاں ڳالھ مہاڑ دا منڈھ ٻدھیسی اتھ آتے سدھ پئی جو برطانیہ اچ اٹھکل ڈڈھ سو پاکستانی کونسلرہن کئی شہریں دے مئیر وی پاکستانی ہن ۔۔۔اجلاس دا منڈھ ٻدھاگیاں شفیلڈ دے کونسلر الیاس خاں سبھ سنگت کوں جی آیاں کوں آکھیا اتے چوہدری عبدالحمید کوں صدارت کرݨ سانگے آکھیس گالھ مہاڑ تھیوݨ توں پہلے خلق اخلاق code of. Conduct دا ایراٻدھیندئیں الیاس خاں آکھیا جو پایوتے پݨو اج برطانیہ دے پاکستانی کونسلر اں دا وڈا اہم اجلاس ہوریا ہے اسی سارے دوستاں نوں خوش آمدید کینے آں ڳل اے ھے پئی اے طے ہویا ہے جو پئی اجلاس دی کاروائی أردوزبان اچ ہووے گی پایوتے پݨو اے گل چنگی طراں پلے بن لئو کے کوئی وی دوست أ ردوتوں علاوہ کوئی دوجی بولی نی بول سگدا سانوں أمیدہے کہ ایس گل دی پابندی کیتی جائے گی الیاس خاں دی گالھ مکݨ توں پہلے ہک نینگر کونسلر اٹھی کھڑا تھیا اتے ملکہ دی ٻولی انگریزی اچ گالھ کرݨ دی کوشش کیتی تاں الیاس خاں اونکوں ٻلھا ڈتا تے آکھیس پائی جی اے اصول طے ہوگیا جے کہ ساڈے اجلاس دی ساری کاروائی اردو اچ ہوݨی ہے لہزا نوجوان کونسلر دی خدمت اچ درخواست ہےکہ اوانگریزی دی بجائے اردو اچ گل کرن جس طراں میں کرریاواں اساں شفیلڈ دی اردو وی سݨ ڳھدی شکر تھیا جو کونسکر یں دے اجلاس اچ اساں نویں اردو سݨی جے ساڈے ملک اچ وی ایہا اردو رائج تھی گئی تاں ڳل اچ گودڑی ہتھ اچ کشتہ ٻے ہتھ اچ لکڑپاتے دردرتے ودے پندے ہوسوں ہݨ وی کم تاں ایہوودے کریندں پر نک بچاوݨ سانگےہاں دی بھانسےمریندے فاضل پور اچ ہک فقیر تاج گوپانگ دے اگوں ہتھ آون اڈیا تاں تاج خاں اونکوں مندا کڈھ تے آکھیا ونج وے فقیر ہے ہاں دی بھاتا ودا مریندیں اجلاس اچ فیصلہ گیا جوسارے پاکستانی کونسلر سٻدھ ودھاون کٹھے تھیون رل بہݨ دا سنجوک بݨاون ڈھیرساریاں تقریراں تھیاں میاں افضل خالدتے مشتاق لاشاری وی تقریراں کیتیاں ’اساں وی انھیں کوں انگریزیں دی اگواݨی کرݨ تے مبارکاں ڈتیاں اجلاس مکاتاں اساں ہیٹھ لہہ تے مسیت دے تلویں ہال اچ آٻیٹھوسے ساکوں اجلاس اچ سدھ پئے گئی ہئی جومسیت اچ دعوت تھیسی اتے برطانیہ دے وزیرتعلیم ڈیوڈ بلاٹکٹ نال ملاقات وی تھیسی ڈیوڈ بلانکٹ سڄاک قوم داوزیرتعلیم ہے پر آپ ڈونھائیں اکھیں کنوں کھت ہے اج سدھ پئی جو اکھیں دا جلا کیا ہوندے اتے ہاں دا سوجلا کینکوں اہدن ڈیوڈ بلانکٹ ھیں شفیلڈ شہر وچوں دارالعوام دی چوݨ کھٹی الیکشن کھٹ تے وزیرتعلیم بنیا ٹونی بلئیر دا گھاٹا یار تے اعتباروسنگتی ہے نویں چوݨ دے بعد وزیرداخلہ بݨیے ]اکھیں کنوں ککھ نسی ڈسدا ھیں ڳالھوں ہر کہیں کوں ہاں نال ڈہدے ہک کتانال رکھدے جیرھا اونکوں پارلیمنٹ اچ اوندی سیٹ تائیں ڳھن ویندے اے شئت پہلا کتا ہے جیرھا دارالعوام اچ نہ چھڑاپہہ سگدے پراو ڈیوڈ بلانکٹ دے پیریں نال ٻیٹھاوی رہندے ڈیوڈ بلانکٹ کوں دفتر وی ایہو کتا گھن ویندے وزارت تعلیم دی بہوں وڈی ماڑی دے اندروں پہݨ دے بعدکئی دفتریں کنوں ٹپدا لنگھدا سدھا وزیر تعلیم دے دفتر ونج کھڑدے وزیر صیب کوں کرسی تے بلھاتے کجھ پروبھرا تھی تے آپ وی بہہ ویندے وزیر واندا تھیندے تاں اونکوں دفتر وں ٻاہر کڈھ تے گاڈی تائیں ڳھن آندے ول اوندے نال بہہ تے گھر پڄدے ول اندھے وزیرے کوں ڳھرآلئیں دے ہتھیں ڈے ڈیوٹی پوری کرتے اپنے کمرے اچ آویندے ول اومینوپسند کریندے کھیر پیسی ماس کھاوسی ماس وی کچایا پکاہڈیاں مرکݨیاں یا سخت جے وزیرتعلیم کوں کہیں دعوت اجلاس میٹنگ یا ٻاہروں ہوا لواوݨ سانگے ونجݨاہووے تاں وی ایہوکتانال ہوسی جے ملکہ الزبتھ وزیراعظم تے ا وندی کابینہ دی دعوت کرے تاں کتاپورے پووٹوکول نال بکنگھم پیلس اچ پہسی تے اپݨے وزیر صیب کوں دعوت آلی جاہ تے گھن ویسی ڈیوڈ بلانکٹ مسیت دے درتے آیا تاں اوں کتے کوں آکھیا جوا ے عبادت دی جاہ ہے توں اتھاں اندر نوھیں ونج سگدا ہن توں مست دے ٻاہروں ٻہہ میڈیاں تانگھاں تانگھ میں دعوت کھاتے ولیا آنداں کتا مسیت دے ٻاہروں ٻہہ تھیا اتے ڈیوڈ بلانکٹ اندر پج گیا کہیں نوٹس گھدا جو وزیرتعلیم آیا ودے ہک بندہ وی اگوں تے نہ ودھیا نہ سنگھ تے زور نہ نعرے بازی نہ زندہ باد نہ مردہ باد نہ نوازشریف نہ بے نظیر نہ جئے بھٹو نہ مرد مومن اتھاں تاں سارے دے سارے اصلوں رکھے تھئے بیٹھن وزیر تعلیم دے سیکرٹری اونکوں نال گھن تے اسٹیج تے پڄایا اتے آپ ہک پاسوں مسیت دی تاکی اچ پلتھری مارتے بہہ تھیا اوندے سانگے بہن دی ٻی جاہ جو کائنا ہئی کہیں نہیں چاآکھیا جو سائیں اتھ آن ٻہو ہکڈوجݨے أٹھی تے ڈیوڈ کوں ملیئے تاں میاں افضل خالد میکوں ہتھ کنوں پکڑتے ڈیوڈ کول گھن گیا میاں صیب میڈا تعارف کرایا تاں ڈیوڈ اٹھی کھڑا تھیا بھاکل پاتس نال بلھا یس حال حوال پچھیس ول اساں کنوں تعلیم دا حال پچھیس تاں ڈاڈھا پھکا تھیم کیا آکھا ں ہا جو سائیں ساکوں ساڈی ما ٻولی اچ پڑھݨ نہیں ڈیندے اساں وی تیں وانگر کھت ہاں ہک دل آکھیا جو آکھ ڈیوائنس جو ساڈی پڑھائی دی شرح صفر ہے اساں اوتر ے نبھائے چٹ پیرڑے بدبختے اپݨی ماٻولی کنوں وانجے تانجے ودوں تیکوں کیا ڈساوں ودے ئے سوہنا ساڈا کیا حال ہے جنگل موئیں دے کہیں جنازے تیڈے وڈ وڈیرئیں دا ساڈے دیس تے قبضہ اصلوں چنگی گالھ نہ ہئی پراساں تاں تہاڈے آون کنوں پہلے موئے لاتھے ہاسے بیڑا بڈے رنجیت سنگھ تے اوندی آل اولاد دا تہاڈے آوݨ توں پہلے او ساکوں نساہا کیتی کھڑاہا ول تساں جو آیو واہ کیتی ہاوے لغاری مزاری درشک کھوسے لنڈ بزدار قیصرانی تے گورچاݨی سرداریں مخدومیں نوابیں پیریں فیقیریں کھیریں گورماݨیں شاہانئیں ٹوانئیں قریشئیں ڳردیزئیں سارئیں دے سارئیں تہاڈے ہتھ چمسے تے ساڈا ساہ پیتا ساڈے لوک کئی کݨی کݨی داݨے داݨے کوں لوہندے سکدے مرگئے تے تہاڈے رہک کراوے تے چمچے کڑچھے ساڈے خدابݨ ٻیٹھے اساں رل گیوں سائیاں اساں نندروں یار ہے پرہݨ ڈیوڈ بلانکٹ کوں کیا ڈسوں کیرھے دفتر کھولوں کیرھیاں دھانہیں کروں ٻانہاں لمبیاں کراں کوکاں روواں رڑاں آئی ہاں ڳھاݨ دے وچ شالا ٻڈنہ مراں ٻڈتاں ڳیوں أستاد ہے بچیا کیا لاتھے ساکوں پیر فریدن ڈسے ستے کیویں أٹھسن نکھڑیے کیویں ملسن دھاڑخدادی ستے کیویں اٹھسن ستے کیویں اٹھسن ڈیوڈ بلانکٹ نال سوال جواب شروع تھئے ناں ڳھنݨ ویلھے کوئی وی ادب لحاظ ناں پیا کرینداہا نہ آنریبل سر نہ یورا یکسی لئینسی نہ یور مجسٹی نہ یورہولی نس اے سبھ لحاظ تاں شئت جاگیرداری سماج دے مرݨے پوترے ہن سوال پچھݨ دا ڈااے ہا جو ڈیوڈاے ڈس ۔۔۔۔ڈیوڈ او ڈس ڈیوڈ اے گالھ کیویں ڈیوڈاوگالھ کیویں ’’’’’’ہک مولوی صیب آکھیا ڈیوڈ ا تھاں برطانیہ اچ ست سال دی عمروچ جنسی تعلیم دا منڈ ھ ٻدھیج ویندے نتارا اے ونج نتریئے جو اتھاں چھورھیں ۱۴۔۱۳ سال دی عمر اچ گٻھݨ تھی کھڑدین کیا تساں جنسی علم ڈیوݨ دی اٻاہل نہوے کریندے پئے کیا ایندے نال وسب وسیب بےوسبی دے گھاݨ اچ نہیں پیاویندا مولوی صیب دے سوال تے ڈیوڈ آکھیا جو برطانیہ اچ اے لڑھ مچیا کھڑے جوست سال دی عمر وی زیادہ ہے اتھاں اے جھیڑالگا کھڑے جڈاں ٻال سکول ونڄن جو گا تھیو ے اوندی ٻی تعلیم دے نال نال جنسی تعلیم وی شروع تھی ونجے ہݨ ڈسو گودا