پرانے زمانے کے گمنام ذھین ٹیچر کی کہانی ۔۔۔گلزار احمد

ایک دیہاتی پرایمری سکول میں ہم تین ٹیچر تھے ایک دن دونوں ٹیچر میرے پاس آے کہنے لگے جناب ہیڈماسٹر صاحب ایک ماہ سےکوئی اچھا کھانا ثوبت وغیرہ نہیں کھائی تنخواہ بہت قلیل ھے کچھ انتظام کرو۔ میں نے کہا کچھ کرتے ہیں اور دوسرے دن ایجوکیشن افسر کے پاس شھر دفتر پہنچا اور اسے بتایا سکول کی چھت بڑی خراب ھے لپائی کرانی ھے کچھ رقم دیں ۔

ایجوکیشن افسر نے اس شرط پر تین ھزار روپے دے دئے کہ وہ خود آ کر لپائی کا معائنہ کریں گے ۔ میں واپس آگیا اور ہر ہفتے ثوبت کھانے کا پروگرام چلنے لگا۔ ایک دن صبح صبح ایجوکیشن افسر سکول آ دھمکا اور کہا میں چھت کی لپائی کا معاینہ کرتا ھوں ۔ہمارے تو ہاتھ پاوں پھول گئے۔خیر میں نے کہا آپ تشریف رکھیں میں پڑوسیوں سے سیڑھی لاتا ھوں تاکہ آپ چڑھ کر چھت دیکھ سکیں۔

میں ساتھ والے گھر گیا اور پڑوسی کو سمجھا کر سیڑھی لے آیا اور لگا دی۔ ایجوکیشن افسر سیڑھی کی طرف لپکا تو میں نے اسے رکنے کو کہا تاکہ میں پردے کا اعلان یعنی ھوکا دے لوں ۔

اب میں نے تھوڑا اوپر چڑھ کر آواز دی۔۔۔”پڑدے آلے پڑدا کرو۔۔چاڑا چھت تے چڑدا۔۔ ابھی دوسری باری اعلان جاری تھا کہ پڑوسی نے سکول کی باونڈری وال سے سر نکال کے کہا۔۔۔” او ماسٹرو ۔خدا تہاڈا تختہ کڈے پہلے پورہ ہفتہ ساڈیاں ذالیں پڑدہ کر کے بیٹھیاں ریہن جو تہاڈی چھت دی لپائی نای ختم تھیندی اج ساڈیاں ذالیاں کپڑے دھوون شروع کیتا تاں وت تہاڈی چھت تے کم شروع تھی گئے۔ تہاکوں شرم تے حیا نیں آندی او راجوڑا ماسٹر تو ہر ویلے موری مچھی آلا منہ کھول کے ھوکا ڈیندا رہندا ھیں کجھ بالاں کو پڑھا وی ڈتا کر….

“بس اس بات کا سننا تھا کہ ایجوکیشن افسر نے موٹر سائیکل پر کک ماری اور پیچھے مڑ کر بھی نہیں دیکھا۔ ثوبت کے اگلے کھانے میں پڑوسی بھی ہمارے ساتھ بیٹھا تھا۔..

استاد پھر استاد ہوتا ہے۔