اندر خانےشاعری دی مخالفت تے اونویں شاعریں دے متریں بݨݨ آلیں سمورے لوکیں کیتے۔ آزاد خیالی دی عالمی ریت اچوں ہک لکھت ۔شاعری دے عالمی ݙ ینہ تیں سانجھ۔
اجوکی لکھت دی گزریل کتاب دے حوالے اچوں۔
فرعون دا بندے تے خدا ہووݨ دا رتبہ اصل اچ مواتی دے بعد حیاتی(مطلب موت بعد حیاتی) راہیں متھ دا ایرا بݨیا مطلب منڈھ بدھیجا۔ فرعون کوں ممی دی صورت ݙے اتے ٻیاں وی سبھݨیاں رسماں پوریاں کر ایں گال دے وسا یعنی یقین کوں پدھرا کیتا ویندا ھا جو فرعون موت دے بعد دی حیاتی اچ اتھوں دے(مطلب اوں جہان دے) خدا اوزیرس دے نال مل کے ھک تھی ویندے۔ اتے ہولیں ہولیں کڈاہیں نہ مکݨ مرݨ (لا فانیت) دا اے ڳݨ پہلے خاص ول عام لوکیں کوں وی ملݨ پئے ڳیا۔ پر وت وی سارے دے سارے لوک اوں زمانے موت دے بعد آلی حیاتی تیں یقین نہ رکھدے ہن۔ اتیں انھیں دی آزادی خیالی دے سرخیل عام طور کوئی نہ کوئی شاعر یا وت فلسفی ہوندے ہن سیاسی ور کر نہا۔چوݙویں صدی قبل مسیح اچ ھک بربط نواز جیرھا آپ شاعر وی ھا اوں ھک تشکیکیت(عقیدے دے الہامی معجزاتی یا غیر عقلی معاملات کوں تجرباتی علم اتے عقل دے پیمانے تیں ݙیکھݨ دا ورتارا) آلا ہک گیت لکھیا تے اکثر اے بربط نواز اوں زمانے وکھو وکھ دعوتی. اتے ڈوجھیں خشی غمی ڈوہیں طرحاں دیاں محفلیں اچ سݙیے ویندے ہن۔اینجھی ہک محفل اچ اوندی اے نظم جیرھی اوں اج توں ترائے ساڈھے ترائے ہزار سال پہلے اتھاں ڳا کے سݨوائی اوں نظم دا وی منظوم سرائیکی ترجمہ حاضر ھے۔
۔۔۔۔۔۔۔۔۔۔. ۔۔۔۔۔۔۔۔۔۔۔۔۔۔۔. ۔۔۔۔۔۔۔۔۔۔۔۔۔۔۔۔۔۔۔۔
ساݙے پیو ݙاݙے دے دور توں
لوک آندے ریہے لوک ویندے ریہے جاہ پراݨیں دی لوک نویں ملیندے ریہے۔
گزرے وقتیں دے کئی دیوتا اپݨے اہرامیں وچ ستے ارام کردے پئین
کئی اشراف وی اپݨے اہرامیں وچ اونویں ستے پئین۔
اتے اے قبراں بݨائیاں جنھاں۔۔۔۔او جاہیں لک ڳین اتھاں کیا تھیا کوئی خبر کہیں کوں ھے۔
میں ام حوتب تےحورڈی اوف(اوں زمانے دے ݙو مہان دانشور) دیاں ڳالھیں سݨین۔
جیندیاں ڳالھیں وی لوکی کݙاہیں ڳاندے رہے ۔
گھر تے ویہڑے انھاں دے ݙسو کنتیں ڳئے۔
بتھیاں بھردیاں ہوئیاں سبھ کندھاں ݙھہہ ڳیاں۔
ہݨ تاں لڳدے اینویں۔۔ اتھاں کجھ نہ ھا جینویں کݙاہیں۔
نہ اینجھا ھے کوئی جیرھا قبریں توں ول کے ولا آ سڳے۔
جیرھا ساکوں ݙسے نال انھیں دے گزری ھے اتھ کر کےکیا؟
جیرھا آ کے ݙسے جو اتھ کر وی او کیتلے خوشحال ہن۔
ساݙیں خاہشیں کوں وی ٹیک ݙیوے ھا او۔
ڳال مکدی مکاوں ‘ تاں جو سانول اساں وی اتھاہیں’ ونڄ وسوں ھا’ جتھ کے او لوک ڳئے۔
تھی سڳی دل دی پوری چا کر۔
پر ہک کتاب اونکوں رکھدی ھے زندہ سلامت سدا۔
سبھے کارے توں مذہب دے دل توں بھلا
جے تائیں جیندا ہیں خاہشاں پوریاں کر خش حیاتی ہنڈھا۔
اپݨے سر تلی مرھ(اوں زمانے دی ہک ودھائی خشبو) دی چا گھت ویس ودھیا ودھائے توں ودھایا وی پا۔
دیوتاویں دی شبھ شان وانگوں سڄݨ تیل لا۔
ایں دلڑی کوں مونجھا نہ تھیوݨ ݙے اکا کݙاہیں۔
اپݨی خاہش تے ہر ڳال چنڳی کوں پورا توں کر۔من دے خاہشیں کوں توں مار نہ
توڑے تیݙے وی مرݨے دا ݙینہ آ ونڄے۔
او جیندی دلڑی سکون اچ سدا ‘ کیوں سݨے کہیں دی آہ زاری کوں۔
اے ݙسکیاں تیݙے دل کوں سانول قبر توں بچا کائینی سڳدیاں
بکھدے مکھ نال خشیاں کوں رڄ کے منا’اینویں مونجھا نہ تھی ۔
ڋیکھ! توں جانیاں مال اپݨا کݙاہیں نال گھن ڳئے کوئی؟
ݙیکھ!جو ٹر ڳئے ول ولیے نیں کݙاہیں۔
۔۔۔ ۔۔ ۔۔ (ترجمہ م۔۔ت)
یہ بھی پڑھیے
”گاݙی گھَݨ گھَݨ لائی اے“ (وسیب یاترا :5)||سعید خاور
وسیب روانگی ،،گورنرسندھ دا سݙا (وسیب یاترا :4)||سعید خاور
”اوکھڑا حال اوّلڑے دل دا“ (وسیب یاترا :3)||سعید خاور