یوسف رضا دا الیکشن جیتنڑ سرائیکی اگوانڑیں واسطے ہک سبق||اکبر ملکانی

یوسف رضا دا الیکشن جیتنڑ سرائیکی اگوانڑیں واسطے ہک سبق اور پیغام اے۔سبدھ۔کٹھا تھیونڑ۔اتحاد وچ ہمیشہ جیت ھوندی اے۔ہک بے دا حشر کرنڑ الے قاتل تیں مقتول اگر کٹھے تھی تین اپڑاں ٹارگٹ حاصل کر سگدن۔ کیا اساں کٹھے تھی تیں اپڑیں منزل اے مقصود تیں نسے پج سگدے۔پرائی جھمر وچ ہنڑ ٹپ نچ گھدے وے۔او ہنڑ کوئی اپڑیں بارے سوچوں۔جو اساں ہنڑ اگو تیں کیا کرنڑیں۔منصوبہ بندی دے بغیر کڈاہیں وی کوئی عمل قابل اے قبول نہیں ھوندا۔سرائیکی لوک سانجھ الے اہدن ۔صوبہ صرف پیپلز پارٹی بنڑیسی۔میں اہداں کئیناں بقول میڈے قاید مرحوم حمید اصغر شاہین صاحب دے صوبہ صرف جدوجہد مزاحمت کیتے بغیر کڈاہیں وی نہ ملسی۔اے کرپٹ ۔مفاد پرست اور بد دیانت لوک ان۔منگنڑ نال کوئی شئے وی نہیں ڈیندے۔اے صرف دگے اور کھلے کوں منیندن۔انہیں دے واسطے مزاحمت بہوں ضروری اے۔ایندے علاوہ بیا کوئی حل وی کئینیں۔بہوں ببلا کٹ گھدے وے۔خوشامد وچ وی میڈے خیال وچ کوئی کمی نوھے کیتی۔اجرکیں کوں وی تکڑا بے مل کر گھدے وے۔تساں سرائیکی دے کیرھے دشمن کوں اجرک نئیں پوائی۔توھاڈے نال کہیں ہک وی اج تئیں سرائیکستان دی گال کرنڑ مناسب نہیں سمجھا۔اجرک پانونڑ دے باوجود وی انہیں اکھیا توھاکوں انویں دا انویں جنوبی پنجاب اے۔اجرک پانونڑ دے باوجود وی جیرھا توھاکوں جنوبی پنجاب اکھے۔ٹہندا تیں توھاکوں ایویں ھ۔ ھوں ویلھے لوکیں دے مجمعے وچ اجرک اوندے گلو ایویں چھکو جو چولا خان صاحب دا۔ملک صاحب دا وی اجرک دے نال پاڑیا اوے۔ایندے بعد اگر کوئی توھاکوں جنوبی پنجاب ول اکھے تساں میڈا ناں وی وٹوا چھڑاھے۔مہربانی کرو کجھ لحاظ کرو۔اپڑیں کیتی کمتی تیں
پانڑیں نہ پھیرو۔کجھ تساں اپڑیں مرتبے دا خیال کرو۔لوک سانجھ الے اگر اپڑیں ارادے وچ یقین نال پکے کھڑن
۔انہیں کوں بطور ثالث دے درمیان وچ پاوو۔او وی سرائیکی ان۔سرائیکی سرائیکی لائی کھڑن۔دشمن وی کئینی ساڈے۔انہیں دے اندرو وی ھو سگدے ساڈے الی کار سرائیکی صوبے دا درد ھووے۔لمبا پندھ اے۔متاں کتھائیں کھٹ پووے۔اے تیں انہیں کوں وی پتہ ھ پیا ۔اے جنوبی پنجاب تیں کڈاہیں وی راضی نئیں تھیندے۔اگر اے ساکوں غلط بیانی کریسن۔یا انہیں دی گال نہ منیسی۔وت کتھائیں ہک ٹک تیں لگ پوسی۔اگو دا کوڑ سچ تیں نکھڑ پوسی۔سرائیکی صوبہ منگنڑ الیں وچ او وی ہک مظبوط گروپ اے۔جینکوں تساں اگنور نوھے کر سگدے۔اتھاں وی سارے اہل اے علم لوک کھڑن۔بیشک او پیپلز پارٹی دے نال جڑیئے کھڑن۔تساں اے وی نتارا کرو۔سرائیکی جو وی ھن ائے
سارے پیپلز پارٹی وچو ائے کھڑن۔اے مزاکرات ساڈے ڈریکٹ پیپلز پارٹی نال نہ ھوسن۔بلکہ اپ کوں سرائیکی کلیم کرنڑ الی لوک سانجھ نال ھوسن۔اے ہک میڈا مشورہ اے۔کہیں کوں اگر چنگاں لگے تاں۔نہ تاں میں تاں تن تنہا پڑ وچ اں۔
مرساں مرساں۔
سرائیکی صوبہ گھنساں

اے وی پڑھو:

سرائیکی تحریک دی کہانی۔۔۔اکبر ملکانی

ہک سال پہلے دی ڳالھ۔۔۔اکبر ملکانی

ضلع راجن پور دے سرائیکی قومی سنجانڑ دے تاریخی 5 وڈے ناں۔۔۔اکبر ملکانی