غداری دے تمغے ہُنڑ سرائیکیں سانگے وی!!۔۔۔ راناابرارخالد

مارکا۔۔۔میں بہوں پہلے چتایاہائی جوسٹیبلشمنٹ "میثاق پاکستان” توں سرائیکی صوبے کوں باہرو رکھنڑسانگے ٹاؤٹ تیارکریندی پئی اے۔۔۔ول ہُنڑ خود ڈیکھ گھنو PDMجلسہ ملتان دے بائیکاٹ دیاں پوسٹاں فیسبک دے مُکھ پنے اُتے کیویں پیاں لگدیاں ہِن۔۔۔۔!!

سوال ایہواے, کیا اے لوک اینجھاں پوسٹاں لاکے سرائیکی عوام کوں مہنگائی نال مارنڑ والی انسان دشمن انسانیت دشمن کروناخان دی حکومت کوں بچاسگدن؟؟؟؟

کیا اے لوک پنجابی سٹیبلشمنٹ دے ایجنڈے تے نئہں پئے ٹردے, سٹیبلشمنٹ چنہدی اے جو مجوزہ "میثاق پاکستان” وچ سرائیکی صوبہ شامل نہ ہووے کیوں جو اگرسرائیکی صوبہ میثاق پاکستان وچ شامل ہوسی تاں آونڑ والے Comprehensive Constitutional Amendment Package وچ وی سرائیکی صوبہ ہربھرو شامل ہوسی جینکوں ایں جامع آئینی ترمیم وچو کڈھاونڑ اوں ویلھے ناممکن ہوسی۔

تہوں اج سٹیبلشمنٹ آپڑیں کجھ کھوٹے سکے دھوپو کے پالش کرکے مارکیٹ وچ گھِن کے آئی اے, جیہڑے ہمیش بوٹ پالش کریندے آئن تے انہاں داپیشہ اے!!

اج او کھوٹے سکے بے شرمی دی انتہا تے پُج کے PDMجلسہ ملتان دے بائیکاٹ دیاں پوسٹاں بیٹھے لیندن۔۔۔۔انہاں بوٹ پالشیاں کولو کجھ سوال اِن کیا او انہاں سوالاں دے جواب ڈے سگدن۔۔۔۔

1۔ اج دی ملکی صورتحال وچ کرونا وائرس زیادہ خطرناک اے یا ول کروناخان؟

2۔ کیا اے سچ نئیں جو کروناخان دی حکو مت سواڈو سالاں وچ ہک کروڑ20 لکھ لوکیں کنوں روزگارکھس گھِدے۔۔۔کیا بیروزگارتھیونڑ والے ہک کروڑ20 لکھ لوکاں وچ سرائیکی شامل کائنی؟

3۔ کیا اے سچ نئیں جو کروناخان دی سواڈو سالہ حکومت وچ کھنڈ(چینی) 52روپے کنوں ودھ کے 110روپے کلو, اٹا 35 روپے کنوں ودھ کے80 روپے کلو, ڈالڈاگھیو155روپے کنوں ودھ کے 255روپے کلو, آلو 60روپے کنوں ودھ کے 160 روپے کلو, ٹماٹر50روپے کنوں ودھ کے200 روپے کلو, وسل (پیاز) 30 روپے کنوں ودھ کے 120 روپے کلو بجلی 8 روپے یونٹ (اوسط) کنوں ودھ کے 14 روپے یونٹ (اوسط), پٹرول 78 روپے لیٹر کنوں ودھ کے 100 روپے لیٹر، ڈیزل 85روپے لیٹر کنوں ودھ کے 105 روپے لیٹر تھی گئے۔۔۔۔کیا ایں عوام دشمن انسان دشمن حکومت وچ سرائیکیں کو کھنڈ, اٹا, گھیو, آلو, وسل ٹماٹر, پٹرول, ڈیزل سمیت سبھے شئیں پرانڑیں نرخ تے ملدیاں پِن جوسرائیکی لوک PDM دھ جلسے دا بائیکاٹ کرن؟؟

3۔ کلہوکا کجھ سنگتی کراچی وچ پولیس گردی دے ہک وقوعے کوں بہوں اُچھلیندے پئین حلانکہ سب کوں ملوم اے جو ڈیفنس دے بنگلے دی مالکِن pti دی لیڈر اے, ایں وقوعے دی اصل حقیقت جو وی ہووے پر ایہا گالھ نشابر اے جو ایہاتریمت تے اوندا گھروالا بغضِ معاویہ وچ سب کجھ کریندے پئین, جعلی پولیس مقابلے روز سمُورے ملک وچ تھیندن جیہڑے ودھیک قابل مذمت اِن, ڈیفنس کراچی دے ایں وقوعے دی میں شدید مذمت کرینداں پر کیا ایں وقوعے دے پچھو PDM اے؟؟؟ ول ایں وقوعے کوں اُچھال کے PDM جلسہ ملتان دے بائیکاٹ دی مہم پچھو کیندے کیامقاصد اِن؟؟

4۔ چھیکڑی سوال, سرائیکی نیشنلسٹاں دے PDM جلسہ ملتان دے بائیکاٹ کرنڑ نال کیا اے جلسہ ناکام تھی ویسی؟؟؟؟ کیا ایں بائیکاٹ پاروں PDM کوں اساں خود تخت لہور دی اتحادی نئیں پئے بنڑیندے؟؟؟ کیا ایں بائیکاٹ پاروں سرائککی صوبہ میثاق پاکستان وچ شامل تھیونـ توں رہ نہ ویسہ جیویں جو میثاق جمہوریت توں سرائیکی صوبے دا ایشو باہرو رہ گیا ہئی۔۔۔۔کیا ول سرائیکی قوم کوں نیشنلسٹاں ولوں PDMجلسہ ملتان دے بائیکاٹ دا ناقابل تلافی نقصان نہ تھیسی؟؟؟؟؟؟؟

کیا اج کجھ بوٹ پالشیے PDM جلسہ ملتان اِچ شرکت دی خواہش رکھنڑ والےنیشنلسٹاں کوں سرائیکی قوم دا غدار آکھ کے ایہا گالھ ڈسا سگدن جو او خود سرائیکی قوم دے کے تلا وفادار اِن۔۔۔حلانکہ سب جانڑدن جو غدار غدار دے فتوے جاری کرنڑ والی فیکٹری کِتھ لگی ہوئی اے!!!☜☜☜☜