شناخت کلھی نئیں ہوندی۔۔۔ ساشم بلوچ

شناخت کلھی نئیں ہوندی،
بیک وقت کئی شناخت ہوندن،
جیویں انڈیا وچ وسدا مسلمان انڈین مسلمان ہے، افغانستان وچ وسدا افغانی مسلم ہے،
پاکستان وچ وسدا ہندو پاکستانی ہندو ہے، انڈیا وچ وسدا انڈین ہندو ہے، پاکستان وچ وسدا سکھ پاکستانی پنجابی سکھ ہے انڈیا وچ وسدا سکھ انڈین پنجابی سکھ ہے اور اپنڑیں اپنڑیں ما دھرتی نال جڑیا آلا ہے،
ایویں ہی سرائیکی وسیب وچ وسدا بلوچ سرائیکی بلوچ اور سندھ وچ وسدا بلوچ سندھی بلوچی ہے اور اپنڑیں ما دھرتی نال جڑیا آلا ہے اور مادھرتی کوں چھوڑ کے کاہیں شناخت تیں ما دھرتی کوں قربان نئیں کر سگدا،
ڈوجھی گالھ اگر تاریخی حوالے نال تاریخ وچ کاہیں علاقے تیں کاہیں قابض کوں ملکیتی حقوق ڈیونڑ دی گالھ ہے تاں ول سندھ عربیں دے حوالے کروں؟؟
برصغیر انگریزیں کوں ولا ڈیوو؟؟
اے نئیں تھی سگدا سرائیکی بلوچ اپنڑیں ما دھرتی نال ہے ما دھرتی نال ہی راہسی اپنڑیں ایں شناخت تیں کوئی کمپرومائز نہ کریسی نہ ہی ایندی بنیاد تیں آپ کوں شناخت وچ ضم کریسی سرائیکی ہی راہسی اور سرائیکی صوبہ ہی بنڑیسی،،،

About The Author

ویب ڈیسک

See author's posts