رات تونسے شریف اچ سرائیکی دے جڳ مشہور شاعر سائیں اقبال سوکڑی دی کتاب دی گھنڈ کھلائی دے موقع تیں سرائیکی وسیب دے چوݨوے شاعر تے ادیب کٹھے ہن۔شاعریں تے ادیبیں دی عادت ہوندی حے جو او وسیب دیاں محرومیاں تے سیاسی صورتحال تیں کڑھدے رہ ویندن تے چاہندن وسیب اچ امن، محبت تے سیاسی طور تیں استحکام ہووے۔
گزریل رات وی ایں تقریب اچ او شودے اپݨے وسیب دے محرومیاں تیں روندے کھپدے پائے ہن تے ایں حوالے نال جڳ مشہور شاعر، ادیب، استاد تے کئی کتابیں دے مصنف سائیں محبوب تابش دی واری آئی تاں اوں وی موجودہ حکومت دی چیل تروڑ تبدیلی تیں ڳالھ کیتی تاں شاہ دے وفا داریں دی نازک طبیعت تیں اے سچیاں ڳالہیں ناگوار گزریاں۔
مخبر ڳالھ ظفر بزدار جیرھا اتھو دا ایس پی حے تک پچا ڈتی جو اتھاں تاں تابش بھا ٻالی کھڑے ۔ایس پی صاحب دے خون جوش مارے تے اپݨے ہرکاریں کوں آکھس ایں بندے دی تقریر ختم تھیوݨ کولو پہلے تھاݨے چا آؤ ۔
جناب دے حکم دی فورا تعمیل کیتی ڳئی تے تابش کوں سٹیج توں گرفتار کر گھدا ڳیا۔اے ہابا رابا ڈیکھ کے اتھو دی سنگت جیندے اڳواݨ سائیں نظامی صاحب ہن ایکٹو تھائی تاں چنڳا بھلا رولا پائے ڳیا۔ ول ہرکاریں تبدیلی سرکار دے ایس پی تک گالھ پچائی جو اڳیں چکڑ ہائی ول بھیڈیں چا مترے کم خراب تھی ڳئے۔
ایں اثنا اچ ایس پی کوں پتا لڳا جو اے تاں ہوشیار ماݨھوں ہن ڳالھ پورے وسیب اچ پھیل ویسی لہذا ڳالھ کوں رفع دفع کروں۔
عوام دے پریشر پاروں رات دے ساڈھے ٻارہ وجے تابش کوں ہیک گھنٹہ حبس بے جا اچ رکھݨ دے بعد رہا کر ڈتا ڳیا تے وسیب کوں چتاوݨی ڈتی ڳئی جو اتھاں سیاسی تنقید کرݨ گناہ حے ۔اپݨی اپݨی زبانیں تیں تالے لا گھنو نہ تاں ریاستی مشینری تہاکوں چا کے تھاݨیں اچ بند کر ڈیسی۔
پر خوشی دی ڳالھ اے حے جو وسیب دے لوڳ جاگدے پائین ستے کائینی او اپݨی وسوں دے حق اچ الویسن وی سہی تے ہر قسمی ریاستی جبر کوں ڈک وی ڈیسن۔
About The Author
اے وی پڑھو
اشولال: دل سے نکل کر دلوں میں بسنے کا ملکہ رکھنے والی شاعری کے خالق
ملتان کا بازارِ حسن: ایک بھولا بسرا منظر نامہ||سجاد جہانیہ
اسلم انصاری :ہک ہمہ دان عالم تے شاعر||رانا محبوب اختر