پی ایچ ڈی کا وقار کچھ بحال ہو گا۔۔۔||یاسر جواد

بایالوجی کے اِن پروفیسر صغیر احمد صغیر نے ڈاکٹریٹ کر رکھی ہے، اور کہیں پر پڑھاتے ہیں۔ نیشنل ٹی وی کے شو پر عورت کے تقدس پر مزاحاً گفتگو فرمانے کی کوشش کر رہے ہیں۔ (یقیناً یہ فی البدیہ نہیں کہہ رہے، بلکہ اِنھیں پہلے سے سمجھایا گیا ہو گا کہ یہ جملہ بولنا ہے اور یہ جواب ملے گا۔ یہ سب طے شدہ ہوتا ہے)

میں کئی ایسے سوچے سمجھے پی ایچ ڈیز کو بھی جانتا ہوں جو ٹک ٹوکر بن گئے اور ہر طرح کی الیکٹرانک تفریح میں سرگرم ہیں۔ آپ اگر اُن سے ایک سو سال تک بھی بات کریں گے تو اُن کی پی ایچ ڈی کے تھیسس کا ذکر تک نہیں آئے گا۔ ہمارے اعلیٰ ترین سرکاری افسر، پی ایچ ڈی پروفیسر، ڈاکٹر اور سائنس دان کا زندگی اور سائنس اور ادب اور نوکری کے بارے میں نظریہ ان پڑھ مزدور سے مختلف نہیں۔ (بلکہ شاید اَن پڑھ مزدور اُس سے بہتر ہی ہو)

وجہ یہ ہے کہ ایچ ای سی سے منظوری یافتہ سپروائزر بھی اِسی تابش ہاشمی کے لیول کے ہیں۔ یاد رہے کہ تابش ہاشمی ایک یوٹیوبر تھا جس کی وجۂ شہرت مطیرا وغیرہ کے ساتھ ذومعنی جنسی جملے بازی کرنا ہے۔