ادیبوں کے لئے آدم جی ادبی ایوارڈ۔۔۔||مبشرعلی زیدی

پاکستان میں ساٹھ اور ستر کی دہائی میں ادیبوں کو آدم جی ادبی ایوارڈ سے نوازا جاتا تھا اور اس کی بہت اہمیت تھی۔ آج کلاسکس کا درجہ پانے والے کئی ناولوں اور شعری مجموعوں کو یہ انعام ملا تھا۔ وکی پیڈیا اور گڈریڈز پر یہ ایوارڈ حاصل کرنے والوں کی نامکمل فہرستیں ہیں۔ ان سے مجھے یہ نام ملے ہیں:

1961 خدا کی بستی شوکت صدیقی

1961 جاڑے کی چاندنی غلام عباس

1962 تلاش بہاراں جمیلہ ہاشمی

1963 ہفت کشور جعفر طاہر

1964 اداس نسلیں عبداللہ حسین

1964 دشت وفا احمد ندیم قاسمی

1965 مطربہ قتیل شفائی

1965 آبلہ پا رضیہ فصیح احمد

1966 افکار پریشان جسٹس ایم آر کیانی

1967 درد آشوب احمد فراز

1968 پس پردہ مرزا ادیب

1968 شہر درد ادا جعفری

1969 کھویا ہوا افق محمد خالد اختر

1969 غزل و غزال سراج الدین ظفر

1970 دھنک پر قدم بیگم اختر ریاض الدین

1970 لب گویا کشور ناہید

1971 خاکم بدہن مشتاق احمد یوسفی

1972 مادام حیدر صفی

1972 جلتی بجھتی آنکھیں شہزاد احمد

1973 دیوان ناصر کاظمی

1974 جہان دانش احسان دانش

1975 مٹی کا قرض حمایت علی شاعر

1975 چاند چہرہ ستارہ آنکھیں عبید اللہ علیم

1975 چہرے مسعود مفتی

1976 در دلکشا شیخ منظور الہی

1976 چہرہ انجم اعظمی

1977 سیاہ آئینے فاروق خالد

1977 داستاں چھوڑ آئے رحیم گل

1977 خوشبو پروین شاکر

1978 کتابی چہرے سید ضمیر جعفری

1978 زرگزشت مشتاق احمد یوسفی

1978 اس بستی کے اک کوچے میں ابن انشا

1978 روزن دیوار سے عطا الحق قاسمی

1978 محیط احمد ندیم قاسمی

1978 باہر کفن کے پاوں عرش صدیقی

1978 صلو علیہ وآلہہ حفیظ تائب

1979 شیشہ و سنگ مرزا ادیب

1979 بدن کا طواف امراو طارق

1979 دوام احمد ندیم قاسمی

1979 دریا آخر دریا ہے امید فاضلی

1980 بستی انتظار حسین

1980 خمار گندم ابن انشا

1980 دجلہ شفیق الرحمان

1980 خزاں میرا موسم حسن اکبر کمال

1981 راجہ گدھ بانو قدسیہ

1981 آئیںہ خانہ اختر حسین جعفری

1982 دیوار آب محمد اظہار الحق

1982 بند لبوں کی چیخ طاہر نقوی

1983 مہر دو نیم افتخار عارف

1984 پس آئینہ جمیل ملک

1984 گرد راہ اختر حسین رائے پوری

1983؟ ناتمام محسن احسان

1984؟ ٹھنڈا میٹھا پانی خدیجہ مستور

1984؟ پیشانی میں سورج شہزاد احمد

؟؟؟؟ قصہ کہانی مرزا حامد بیگ

؟؟؟؟ پاگل خانہ حجاب امتیاز علی

؟؟؟؟ توازن محمد علی صدیقی

ان 58 کتابوں میں سے کئی میں پہلے پیش کرچکا ہوں۔ ان سمیت 32 انعام یافتہ کتابیں میں نے گوگل ڈرائیو کے ایک فولڈر میں جمع کرکے لنک کتب خانے والے گروپ میں شئیر کردیا ہے۔ اگر آپ اس فہرست کو بہتر بنانے اور باقی کتابوں میں سے کسی کی پی ڈی ایف فراہم کرنے میں مدد کرسکیں تو شکرگزار رہوں گا۔

یہ انعام 1971 سے پہلے حاصل کرنے والوں میں کئی بنگالی ادیب اور ان کی بنگالی کتابیں بھی شامل تھیں لیکن پاکستان میں اب اور تب بھی شاید ہی کسی نے وہ کتابیں پڑھی ہوں۔

اس فہرست میں بیگم اختر ریاض الدین کا نام شامل ہے جن کا چند دن پہلے انتقال ہوا ہے۔

اشفاق احمد کا ایک مضمون بہت سال پہلے پڑھا تھا۔ کچھ ایسا یاد آرہا ہے کہ ممتاز مفتی آدم جی ایوارڈ حاصل کرنا چاہتے تھے اور اس کے لیے انھوں نے جان لگاکر ناول علی پور کا ایلی لکھا۔ ممتاز مفتی اور اشفاق احمد دونوں کو یقین تھا کہ اس ناول پر ایوارڈ ملے گا۔ چنانچہ اشفاق احمد نے گھر میں پریس لگالیا کہ انعام ملنے کے بعد ناول کی بہت ڈیمانڈ ہوجائے گی اور وہ ناول چھاپ کر خوب پیسے کمالیں گے۔ افسوس کہ اس ناول کو انعام نہیں مل سکا۔