عالی مرتبت جمیل احمد جمیل صاحب ڈپٹی کمشنر ضلع راجن پور،حاجی پورشریف آپکی خصوصی توجہ کا منتظر
جناب عالی!
گزارش ہے ٹائون کمیٹی حاجی پورشریف حلقہ پی پی 295،این اے 194 تحصیل جام پور ضلع
راجن پور کا تاریخی اور روحانی اور قیام پاکستان سے قبل کا آباد ہزاروں نفوس کی آبادی پر
مشتمل شہر ہے دور جدید اور عصر حاضر کے جدید ٹیکنالوجی کے دور کے باوجود بنیادی
سہولیات سے محروم ہے.اور بدقسمتی سے ہردور میں نظر انداز بھی کیا جاتا رہا ہے.جس
کیوجہ سے کئی خاندان دوسرےشہروں میں منتقل ہو چکے ہیں اورکئی نقل مکانی پرمجبور
ہیں. یہ شہر آپکی خصوصی توجہ کامنتظر اور مستحق ہے.کیونکہ اس سے قبل ہر آنیوالے
ڈپٹی کمشنر اور متعلقہ سدا بہار ایم این ایز،ایم پی ایز کو بارہا گزارشات کی گئی مگر تاحال
صورتحال ابتر ہے
اوربنیادی اور فوری توجہ طلب اور حل طلب مسائل درج ذیل ہیں.
اوربنیادی اور فوری توجہ طلب اور حل طلب مسائل درج ذیل ہیں.
1. پینے کے پاک صاف میٹھے کی پانی فراہمی الحمدواٹر فلٹریشن پلانٹس ڈی جی خان کی طرز پرشہر بھر کو چارمختلف زونزمیں تقسیم کرکے
واٹر فلٹریشن پلانٹس کی تنصیب کا دیرینہ مطالبہ پورا کیاجائے.
2.گورنمنٹ کالج برائے خواتین کا عملی قیام عمل میں لایاجائے.فزیبلیٹی رپورٹس بن چکی ہیں.
3. گورنمنٹ بوائز ڈگری کالج کا قیام عمل میں لایا جائے.
4. گورنمنٹ گرلز ہائی سکول حاجی پورشریف کو گرلز ہائیر سکینڈری سکول میں اپ گریڈ مکمل سٹاف و سہولیات کی فراہمی کو یقینی بنایاجائے.
5. گورنمنٹ بوائز ہائیر سکینڈری سکول میں 19 گریڈ کے پرنسپل ،مکمل سٹاف و سہولیات کی فراہمی کو یقینی بنایا جائے.
6. بے روز گار اور کم تعلیم یافتہ مردو خواتین کو روزگار کی فراہمی کے مواقع اور انہیں روزگار فراہم کرنے کے لئے گورنمنٹ ووکیشنل ٹریینگ سنٹر کا قیام اہم ترین ضرورت ہے.
7. گورنمنٹ بوائز پرائمری سکول حاجی آباد کو مکمل سٹاف ، سہولیات اور بہترین عمارت فراہم کی جائے.شرقی و غربی کچی آبادیوں میں نئے گرلز/بوائز پرائمری سکولز کا قیام عمل میں لایاجائے.
7. پوسٹ آفس ، یوٹیلیٹی سٹور کا قیام / بحالی عمل میں لائی جائے.
8. گورنمنٹ ویٹرنری ڈسپنسری کو اپ گریڈ کر کے ویٹرنری ہسپتال کا درجہ دیا جائے.
9. نادرا سنٹر کا قیام وقت کی اشد ضرورت ہے سنٹر کے قیام تک ہر ماہ نادراوین کی فراہمی کو یقینی بنایا جائے.
10. کمپیوٹرائزڈ لینڈ ریکارڈ اراضی سنٹر کا قیام بنیادی ضرورت ہے.پٹوار خانہ کے لیئے سرکاری عمارت / جگہ فراہم کیجائے.
11. ریسکیو 1122کاسنٹر ،فائر برگیڈ کی سہولت اور ایمبولینس کی فراہمی علاقائی ضرورت ہے عمل درآمد یقینی بنایا جائے .فزیبلیٹی رپورٹ بن چکی عملی قیام عمل میں لایاجائے.
12. محکمہ توسیع زراعت کے دفتر اورفوڈ سنٹر کاقیام کسانوں ، کاشتکاروں کے لئے بے حد ضروری ہے.
13. محکمہ آثار قدیمہ کو یہاں کی تاریخی ، ثقافتی اور روحانی مراکز اور عمارتوں کی حفاظت ، تزیئن و آرائش کے احکامات جاری کیئے جائیں.
14. میپکو سب آفس کا قیام عمل میں لایاجائے تاکہ میپکو صارفین فاضل پور، راجن پور کے دھکڑ کھانے سے بچ سکیں.بجلی چوری کی موثر روک تھام اور 24 گھنٹے بلاتعطل فراہمی کوبھی یقینی بنایاجائے.
15. ٹرانسپورٹر کو ڈسٹرکٹ ریجنل ٹرانسپورٹ اتھارٹی راجن پورکے اصول و قواعدو ضوابط کا پابند کیاجائے
اور من مانے کرائے اور طلباء وطالبات سے تعاون کا پابند کیا جائے.
16. شہر بھر اور شرقی وغربی کچی آبادیوں میں صحت وصفائی کا شدید فقدان ہے صحت وصفائی اور کوڑا کرکٹ کو روزانہ کی بنیاد پر ٹھکانےلگانے کا مکمل
انتظام و اہتمام کیاجائے.اور کچی آبادی شرقی میں گزرنے والے گندے نالے کو پختہ کیا جائے اور روزانہ کی بنیاد پر اسکی صفائی کو یقینی بنایا جائے.
17. شہر بھر قبضہ مافیا اور ناجائز تجاوزات مافیا کیخلاف بلاتفریق اور بلا امتیاز کاروائی کو عملی طور پر عمل میں لایا جائے.
ہوٹلوں پر سرعام انڈین اورفحش فلموں کی نمائش پر پابندی لگائی جائے جوکہ ہوٹل کم اور منی سینما زیادہ لگتے ہیں.
18. بچوں اورنوجوانوں کے لئے کھیل کے میدان، پارکس اور کھیلوں کے مواقعوں کیفراہمی سپورٹس گرائونڈ کا قیام عمل میں جائے.
19. قبرستان کے اطراف میں گندگی و غلاظتوں کے جوہڑوں اور ڈھیروں کے خاتمے کو یقینی بنایا جائے.
20. تحصیل ہیڈ کوارٹر ہسپتال کی طرز پر قائم کیئے جانیوالے رورل ہیلتھ سنٹر میں مکمل سٹاف،سہولیات،ادویات اور 24 گھنٹے ایمرجنسی کی فراہمی اور روسٹر پر ڈیوٹی کیمطابق عملہ کو ڈیوٹی کاپابند بنایا جائے.
21. پریس کلب حاجی پورشریف کےلئے جگہ اورعمارت فراہم کیجائے.
22.بس اڈوں پر مسافروں کے لئے انتظار گاہ اور پینے کے پانی کی سہولت کی فراہمی کو یقینی بنایاجائے.
23. خود ساختہ اور مصنوعی طور پر روزمرہ زندگی کی اشیائے ضروریہ کی مصنوعی قلت اور مہنگائی پر قابو پایا جائے.
اوردو نمبر،گھٹیا معیار کی بجائے معیاری اور اعلی قسم کی اشیاء ضروریہ کی فراہمی کو قابل عمل بنایا جائے.
24. شہربھر کی رابطہ سڑکوں اوربائی پاس کی تعمیرومرمت کے لیئے احکامات جاری کیئے جائیں.
25. تھانہ حاجی پورشریف کی حدود میں درجنوں قصبوں اور دیہاتوں میں جرائم کے خاتمے اورامن وامان کے قیام کے لئے پولیس چوکیوں کا قیام اور پولیس کی موثر
اور بھر پور کاروائیوں کے لیئے جدید سہولیات اور نفری کی فراہمی تاکہ جرائم کے خاتمے اورجرائم پیشہ افراد کی بیخ کنی کے لئے بھرپور پیشہ ورانہ امور کی انجام دہی ممکن ہوسکے.
26.حاجی پور برانچ میں سالانہ بنیادوں پر پانی کی فراہمی کو یقینی بنایاجائے.
27. سرکاری سطح پر نرسری کا قیام عمل میں لایاجائے.
28. سرکاری سطح پر کمیونٹی سنٹر کا قیام عمل میں لایا جائے.جہاں پر یہاں کی کمیونٹی مل بیٹھ کر شہر بھر کی اجتماعی فلاح و بہبود و تعمیروترقی کے لیئے
سوچ و بچار اور پلاننگ کرسکے اور مختلف تقریبات کے انعقاد کے لیئے باآسانی پروگرام ترتیب دے سکے.
پر امید ہیں کہ اولین فرصت میں ان گزارشات پر فوری کاروائی عمل میں لائی جائے گی.جو چیزیں آپکی دسترس میں ہیں
انکے فوری طور پر آرڈر جاری فرمائیں گے جو آپ سے ہائیر اتھارٹیز کی دسترس میں ہیں انکی منظوری لیں گے
اور جنکی فزیبلیٹی رپورٹس مرتب کرنے کی ضرورت ہے انکو 2022،2023 کے ایڈوانس ڈویلپمنٹ پروگرام کا یقینی حصہ بناکر اور شہر
حضرت خواجہ نور محمد نارووالہ شہنشاہ رحمتہ اللہ علیہ کو مثالی شہربنانے میں تعاون کرتے ہوئے اہم کردار ادا فرمائیں گے.
کیونکہ آپکے قلم کی ایک جنبش ہزاروں خاندانوں کی قسمت بدلنے میں اہم کردار ادا کرسکتی ہے جوکہ
بہت بڑے ثواب،ذخیرہ آخرت کیساتھ ساتھ انتہائی قیمتی صدقہ جاریہ بھی ثابت ہوگا.
جزاکم اللہ خیرواحسن الجزاء فی الدنیا والآخرہ
اجرمن اللہ
عرضے
اہلیان حاجی پورشریف تحصیل جام پور،ضلع راجن پور ،ڈویژن ڈیرہ غازیخان ،
پنجاب،پاکستان
About The Author
اے وی پڑھو
موہری سرائیکی تحریک دی کہاݨی…||ڈاکٹر احسن واگھا
محبوب تابش دے پرنے تے موہن بھگت دا گاون
جیسل کلاسرا ضلع لیہ ، سرائیکی لوک سانجھ دے کٹھ اچ مشتاق گاڈی دی گالھ مہاڑ