پاکستان میں 24 سال کےبعد پاک آسٹریلیاکرکٹ میچ ہورہا ہے

وزیر اطلاعات فواد چوہدری کا کہنا ہے کہ راولپنڈی میں آج شروع ہونے والی پاک آسٹریلیا سیریز کا میچ دیکھنے وزیر اعظم عمران خان بھی پنڈی اسٹیڈیم آئیں گے۔

انہوں نے کہا کہ دیکھتے ہیں وزیراعظم آج آتے ہیں یا کل، مگر وہ انشااللہ میچ دیکھنے آئیں گے۔

آسٹریلیا کے خلاف تاریکی ٹیسٹ میچ دیکھنے فواد چوہدری، سینیٹر فیصل جاوید اور گورنر سندھ عمران اسماعیل بھی پاکستان آسٹریلیا کے مابین کھیلا جانے والا پہلا ٹیسٹ میچ دیکھنے پنڈی کرکٹ اسٹیڈیم پہنچے ہیں۔

سینیٹر فیصل جاوید نے اپنے ٹوئٹ میں کہا کہ آج سرزمین پاکستان میں 24 سال کے بعدآسٹریلیا پاکستان کرکٹ میچ ہورہا ہے۔

انہون نے کہا کہ اس سے پہلے 1998 میں آسٹریلین ٹیم پاکستان آئی تھی، خوش آئند بات ہے کہ گزشتہ دو سال کے اندر پوری طرح سے انٹرنیشنل کرکٹ پاکستان میں بحال ہو گئی ہے۔

About The Author

نمائندہ

See author's posts