جنگ پرست بیانیہ ||عامر حسینی

طالبان جو سامراج کی خون آشام سرمایہ داریت کے بطن سے پیدا ہوئے، جب سامراجیت کے تضادات میں سامراجیت سے ٹکراؤ میں آئے تو اُن کے خاتمے کے نام پہ ہم نے افغانستان کو مہذب بنانے کے نعرے کے ساتھ سامراجی جنگ کو پھیلتے دیکھا، دونوں عوام دشمن قوتیں عوام کے خلاف طرسرپیکار تھیں اور دونوں اپنے پیدل سپاہیوں کے خون سے اپنے بیانیوں کو رنگ رہی تھیں اور آج بھی سامراجی اور ان کے اتحادی جہاں افغان محنت کشوں کو مذھبی اور نسلی فرقہ وارانہ تقسیم کرکے اور کمزور نسلی و مذھبی گروہوں کے احساس عدم تحفظ کا استحصال کرکے اپنا اُلو سیدھا کررہے ہیں اور دوسری طرف سامراجیوں اور اُن کی کٹھ پتلی علاقائی طاقتوں کی پالیسیوں کی پیدوار طالبان وہ بھیڑیے ہیں جنھیں بھیڑ کی کھال پہنانی کی کوشش ہورہی ہے –

ہمیں سامراج کو "امن کا ضامن” سمجھنے یا ان کی اُن کے طفیلیوں میں سے کسی ایک طفیلی کی مکمل فتح سے بہتری کی امید رکھنے کی غلطی کبھی نہیں کرنی چاہیے – افغانستان میں نہ تو سامراج کی کٹھ پُتلی امن کی حامی ہے اور نہ ہی افغان طالبان….. امن کی کنجی ورکنگ کلاسز /محنت کش طبقات کا جنگ مخالف تحریک کا ہر اول دستہ ہونے میں ہے-

ہمیں ہر اُس نظریے کو رد کرنا جو محنت کش طبقات کو نسلی و مذھبی فرقہ وارانہ تقسیم کی نذر کرتا ہو