حفیظ گیلانی اور ثوبت ۔۔۔||گلزار احمد

کل ڈیرہ میں موسم خوشگوار تھا ۔ اس لیے میں صبح سویرے یونائٹڈ بک سنٹر دوستوں کو ملنے چلا گیا۔ لطیف صاحب سے گفتگو جاری تھی کہ ملک کی ممتاز شاعرہ اور کالم نگار رخسانہ سمن صاحبہ تشریف لائیں ۔وہ محترم ریاض انجم صاحب کی نئ کتاب ۔زندہ رود کے ساحلوں پر۔۔وصول کرنے آئ تھی جو انجم صاحب ان کےلیے یہاں چھوڑ کر

گیے تھے۔انہوں اپنی ادبی سرگرمیوں

سے متعلق تفصیل سے بتایا ۔ وہ اگلے ہفتے لیہ میں ایک مشاعرے میں شرکت کے لیے بھی جا رہی ہیں۔ اس دوران میری اور سمن صاحبہ کی بھکر ریاض انجم سے فون پر گفتگو بھی ہوئ۔ان کے جانے کے بعد حمزہ حسن شیخ آ گیے اور کافی دیر ادب کے فروغ پر گفتگو ہوتی رہی ۔ میں گھر پہنچا تو تین بجےملک کے ممتاز معالج ڈاکٹر شاھد مسعود خٹک صاحب کا فون آیا کہ وہ غریب خانے پر تشریف لا رہے ہیں اور سرائیکی کلچر کے مختلف پہلوٶں پر وہ کچھ لکھنا چاہتے ہیں اس پر ڈسکشن ہو گی ۔ ڈاکٹر صاحب تین بجے تک کلینک میں سخت مصروف ہوتے ہیں پھر بھی علمی سرگرمیوں کے لیے وقت نکال لیتے ہیں۔وہ پہلے دو کتابیں۔۔۔پاکستانی معاشرہ اور جہان حیرت شائع کر چکے ہیں جو بہت مقبول ہوئیں۔ میں نے فورا” مرشد حفیظ گیلانی صاحب کو درخواست کی کہ وہ میرے غریب خانے پر تشریف لائیں اور اس موضوع پر گائڈ کریں۔ وہ شدید مصروفیت کے باوجود پہنچ گیے ۔اس مقصد کے لیے مجھے سید ارشاد شاہ صاحب اور علی مروت سے بھی اجازت لینی پڑی کیونکہ اس وقت یہ دو لوگ مرشد کے پاس بیٹھے تھے۔ حفیظ گیلانی صاحب پانچ بہت اہم کتابوں کے مصنف ہیں جن کے کئ ایڈیشن شائع ہو چکے ہیں۔ کتابیں یہ ہیں۔

ڈیرہ اسماعیل خان تاریخ کے آ ئینے میں …

بلوچ قوم کا تاریخی پس منظر ….

نت کرلاوے کونج….

ان رادھ …

سجھ دا سیک….

پھول خوش بو چاندنی ۔۔۔

بہر حال چھ بجے ڈاکٹر صاحب اور گیلانی صاحب میرے گھر پہنچ گیے اور میں انہیں اپنے بیسمنٹ لے گیا جہاں لوڈ شیڈنگ اور گرمی کی وجہ سے نظر بند رہتا ہوں۔ دونوں حضرات نےڈیرہ کی تاریخ۔کلچر۔زبان۔سولایزیشن اور رسم رواج پر ڈھائ گھنٹے بہت علمی گفتگو کی اور میں ہمہ تن گوش سنتا رہا اور نوٹ کرتا رہا ۔ اسی اثنا ڈاکٹر سعد عبداللہ صاحب کا میسیج آیا کہ وہ خالصہ سکول کے اندر تاریخی سُرنگ سے متعلق معلومات حاصل کرنے کے متمنی تھے۔میں نے ان سے اس مصروفیت کی وجہ سے معذرت کی اور وعدہ کیا اس پر جلد ایک پوسٹ کر دونگا۔

میں اپنے تمام دوستوں کا بہت ممنون ہوں کہ ان کی شفقت کی وجہ سے ڈیرہ کی تاریخ اور کلچر کے نئے گوشے سامنے آ رہے ہیں۔ جن کو ریکارڈ پر لایا جاے گا۔