کووڈ19 کی پابندیوں کی وجہ سے 6 ماہ کی بندش کے بعد یونان بھر میں کیفے، ریستوران اور بارز دوبارہ کھل گئے ہیں۔
ملک کا دوسرا لاک ڈاؤن، جو 7 نومبر 2020 کو شروع ہوا تھا، اس بہار میں آہستہ آہستہ اس میں نرمی کی جارہی ہے کیونکہ نئے مریضوں کی تعداد حال ہی میں مستحکم ہوگئی ہے اور ویکسینیشن کا عمل جاری ہے۔
کھانے پینے کا شعبہ 15 مئی سے شروع ہونے والے سیاحت کے سیزن سے قبل ہی پابندیوں سے آزاد ہو گیا ہے۔
یونان کے کیفے، ریستوران اور بارز صرف باہر بیٹھ کر کھانے والے افراد کو سروس دے پائیں گے اور 6 افراد فی ٹیبل اور میزوں کے درمیان محفوظ فاصلہ برقرار رکھنا ہوگا۔
ویٹر چہرے پر حفاظتی ماسک پہننے اور ہر ہفتے 2 کورونا وائرس ٹیسٹ کروانے کے پابند ہیں۔
پچھلے 6 ماہ کے دوران یونان کے کیفے، ریستوران اور بارز صرف ہوم ڈیلوری اور ٹیک اوے کی خدمات پیش کرتے تھے لیکن بہت سے بند بھی تھے۔
پیر کے روز بڑی تعداد میں یونانی شہری کئی مہینوں بعد دوستوں سے ملنے کے لئے کیفے اور ریستوران پہنچے ہیں۔
پچھلے ایک سال کے اعدادوشمار کے مطابق کھانے پینے کے کاروباری شعبے میں 3 ارب امریکی ڈالرز سے زیادہ کا نقصان ہوا ہے
یہ بھی پڑھیے
ٹائی ٹینک ایک سو گیارہ برس بعد مزید پانچ زندگیاں لے گیا
پاکستان سمیت دنیا بھر میں آج بچوں سے مشقت کیخلاف عالمی دن منایا جارہا ہے
سعودی عرب کی کل آبادی 3 کروڑ 21 لاکھ سے تجاوز کرگئی