چھوٹے کاروباروں کے معاملات اجاگر کرنے کیے لیے مفاہمت کی یادداشت پر دستخط
ایس ڈی پی آئی اور پی سی ایس ٹی ایس آئی شعبے کے امور اجاگر کرنے کے لیے مشترکہ کاوشیں کریں گے
پالیسی ادارہ برائے پائدار ترقی (ایس ڈی پی آئی) اور پشاور چیمبر آف سمال ٹریڈرز اینڈ سمال انڈسٹری (پی سی ایس ٹی ایس آئی) نے مفاہمت کی ایک یادداشت (ایم او یو) پر دستخط کیے ہیں
جس کے تحت متعلقہ شعبوں میں پالیسی ریسرچ اور متعلقہ حلقوں تک رسائی میں بہتری لائی جائے گی۔
ایم او یو کی رو سے وفاقی، صوبائی اور مقامی حکومتوں کی سطح پر چھوٹے کاروباروں کے مسائل اور معاملات پر نجی۔سرکاری مکالمے کو فروغ دینے کے لیے
مختلف اقدامات کیے جائیں گے۔ یہ کاوشیں آمدہ وفاقی بجٹ کے حوالے وفاقی حکومت کی طرف سے مانگی جانے والی سفارشات کے لیے انتہائی اہم ثابت ہو سکتی ہیں۔
ایس ڈی پی آئی کے ایگزیکٹو ڈائریکٹر ڈاکٹر عابد قیوم سلہری نے ایم او یو کے ضمن میں کہا کہ معیشت کے لیے ریڑھ کی ہڈی کا درجہ رکھنے والے شعبے کے ساتھ گفتگو کا عمل پاکستان میں پائیدار ترقی کے لیے انتہائی اہمیت رکھتا ہے۔
پی سی ایس ٹی ایس آئی کے صدر عدنان جلیل نے اظہار خیال کرتے ہوئے کہا کہ نجی شعبے خصوصاً چھوٹے کاروباروں کو پالیسیوں اور دیگر اہم امور کے بارے میں
آگاہی کی ضرورت ہے۔ انہوں نے کہاکہ یہ اشتراک عمل اس ضمن میں انتہائی اہمیت رکھتا ہے۔
مفاہمت کی یادداشت پر دستخطوں کے موقع پر دوسروں کے علاوہ پی سی ایس ٹی ایس آئی کی اگزیکٹو کمیٹی کے اراکین سہیل ملک اور
عاطفف شہزاد جبکہ ایس ڈی پی آئی کے احد نذیر بھی موجود تھے۔
یہ بھی پڑھیے
نیشنل پریس کلب کے انتخابات، جرنلسٹ پینل نے میدان مارلیا، اظہر جتوئی صدر منتخب
ملتان یونین آف جرنلسٹس کے سالانہ انتخابات میں "پروفیشنل جرنلسٹس گروپ” نے میدان مار لیا،
متوازن وفاق اور وسائل پر اختیار کےلئے سرائیکی سرگرم کارکنوں اور طلبہ تنظیموں کی’ سرائیکی صوبہ ریلی کا انعقاد