صوفی تاج گوپانگ دی یاد اچ تعزیتی کٹھ ۔۔۔اکبر ملکانی

اکبر ملکانی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ڈریٹ ھوٹل فاضل پور وچ صوفی تاج خاں گوپانگ دے تعزیتی ریفرنس وچ جیرھی گندی چنگی۔بھنی ترٹی میں تقریر کیتی او اللہ کرے "صدیں سچ الایا دے” خالق مرشد صوفی تاج خاں گوپانگ دی بارگاہ وچ شالا قبول تھی پووے۔میں شکر گزاراں پروفیسر سبطین تاج خاں گوپانگ۔سوجھل دھرتی واس۔سردار منظور احمد خاں دریشک۔سردار عبدالروف خاں لنڈ۔مقدمہ اے سرائیکستان دے وکیل جناب ظہور احمد دھریجہ صاحب دی مشاورت نال جیرھی میڈے کولھو مشروط تقریر کرائی گئی۔

اللہ کرے او انہیں دی بارگاہ وچ سوجھل دھرتی واس دے کاغذیں وچ میڈی اے تقریر انہیں دے اعتماد تیں پوری اترے ھووے شالا۔کریم کرم کرے۔میڈی ایں تقریر گفتگو وچ اگر کوئی کمی کوتاہی تھئی ھووے۔یا کوئی لغزش آئی ھووے۔تیں اوندا میں انتہائی معزرت خواہ آں۔ایں میڈی تقریر دے رد اے عمل وچ جیرھا کجھ قوم پرستیں دے نال پیپلز پارٹی دے رہنمانویں جیرھے رد اے عمل دا اظہار کیتے۔میں اپڑیں پیپلز پارٹی دے دوست رہنمانویں دا انتہائی شکر گزاراں۔انہیں میڈے نال ٹھیک کیتے۔میں ھم ہیں ڈا دا۔لیکن دوستیں کوں میں اے وی ڈسنڑ چاہنداں۔میڈے اندرو دے انسان نیں میڈی ایں تقریر کوں ایپلیشیٹ کیتے۔تہوں ہنڑ میں اپڑیں جیندیں تک ایہو سچ ایویں الویندا رہ ویساں۔

ایں میڈی تقریر دے بعد ملک دے مختلف جاہیں توں قوم پرستیں دے خلاف۔یامیڈے خلاف جیرھیاں تضہیک آمیز پوسٹاں لگین۔یا جیرھا زہر اگلیا گئے۔اوندو وچو۔ہک پوسٹ جیرھی میکوں ایں ویلھے یاد اے۔او اے ھ۔کراچی وچو شیخ اسلم نیں بھیجی اے۔اوں لکھیئے۔”تاج خاں دے تعزیتی ریفرنس وچ پیپلز پارٹی الیں قوم پرستیں کوں چنگاں دھوتے۔ ” ایویں ہک بی پوسٹ۔ بیا حوالہ سلیم انسب سئیں دا اے جو ” پیپلز پارٹی آلیں ، قوم پرستیں دی چنگی دھلائی کیتی اے۔

جیکوں قوم پرستیں خاموشی نال سنڑیے ” حضور عرض اے قوم پرستیں کوں سٹیج تے پہلے سڈیا گئے ، پیپلز پارٹی دے نوجوان مقررین کوں بعد سڈیا گئے۔جیکوں میں سمجھوتہ یا سازش وی آکھ سگداں۔ قوم پرستیں کوں پہلے اس کیں جواب ڈیونڑ دا موقعہ فراہم نئیں کیتا گیا۔ جو پیپلز پارٹی آلیں دی کہیں گالھ دا جواب ڈتا ونجے ہا ، ڈوجھی گالھ ایں طرح دی پوسٹ ایں طرح دا خیال رکھنڑ مناسب کائینی ، سیاسی مکالمہ سیاسی گالھ مہاڑ ہک چنگی روش اے، قوم پرستیں بارے اگر کئی گالھ کیتی گئی اے تاں ایکوں منفی نی سمجھنڑا چاہیدا،

اے گالھیں ھو سگدے کجھ اینجھے قوم پرستاں واسطے وی ھو سگدین۔ جہڑے کہیں ویلھے گودے سردار دا آسرا گھندن، کہیں ویلھے بوٹ دا آسرا گھندن تے کہیں ویلھے حکومتی لوکیں دے پچھو کھڑدن ،

پیپلز پارٹی آلیں اگر گالھ کیتی وی ھ۔ تاں میں سمجھداں مزاحمت دی گالھ کیتی اے ، اور مزاحمت بہوں ضروری اے ، سرائیکی قوم کوں مزاحمت دے پاسے ہر حال آونڑا پوسی ، ڈھیر سارے قوم پرست رہنما مزاحمت دے بجائے طاقت ور طبقات نال کھڑ ویندن اور تہوں سچ دا پندھ رک ویندے ، ہمیشہ حقائق کوں قبول کرنڑ وڈا پن ہوندے ، ایں گفتگو نال گالھ کرنڑ نال اگوہیں تھیندی اے ،

البتہ ہک شئے جہڑی میں درست نئیں سمجھدا۔ او اے ہے کہ تعزیتی ریفرنس وچ خطاب کرنڑ آلیاں دی اکثریت اظہار کریندے ہوئیں کہیں اے محسوس کرائے کہ تاج سئیں پی ٹی آئی دا ہا ، کہیں محسوس کرائے تاج سئیں ن لیگ دا ہا، کہیں محسوس کرائے تاج سئیں پیپلز پارٹی دا ہا، کہیں کیا محسوس کرائے ، کہیں کیا محسوس کرائے، جہڑا کوئی تاج سئیں کوں جہڑے روپ اچ ڈیکھنڑ چاہندا ہا اوں اپڑی مرضی تے پسند دے مطابق تاج خاں کوں انویں بنڑا کے پیش کیتے، عرض اے ھ کہیں دی شخصیت، کہیں دے نظریات تے گالھ کریندے ہوئیں حقائق بیان کرنے چاہیدے ہن، جہڑا کوئی جیویں جتھاں جیرھے نظریات نال کھڑا ہووے۔ اوکوں انوویں دا انویں پیش کرنڑا چاہیدے ، دیانتداری نال گالھ کرنڑیں چاہیدی اے ، صوفی تاج گوپانگ ہک نظریاتی انسان ہا ، اینجھے انسان بارے نپی تلی گالھ کرنڑیں چاہیدی اے ،

انتشار نئیں پھیلانوڑا چاہیدا ، گفتگو کرنڑیں چاہیدی اے، سدھی صاف گالھ کرنڑی چاہیدی اے ، ہنڑ یا تے وت تاج سئیں دو تاج سئیں دی قبر تیں جل کیں خود انہیں دے کولو پچھدے ہیں۔ جو او خود کیا ہن ، تے انہاں دا سنیہا کیا ہا، جے ایں ممکن کائینی تاں ول تاج سئیں دیاں لکھتاں وچ تاج سئیں دے سنیہے لبھدے ہیں ،ایں وی نہ تاں ول او ٹیبل ٹاک کروں۔ تاکہ گالھ اگوہیں تھیوے ، گالھ دی گالھ تھیوے۔کوئی انت نکلے ، کوئی پرکھ تھیوے ،انتہائی معزرت نال۔اگر اجازت ھووے۔سرائیکستان زندہ بال لکھ چھوڑاں۔۔۔۔۔سرائیکستان زندہ باد۔

ویب ڈیسک

See author's posts