جام پور
(آفتاب نواز مستوئی )
ڈپٹی کمشنر راجن پور ذوالفقار علی نے کہا ہے کہ 12 ربیع الاول کا مرکزی جلوس ساڑھے نو بجے چوک الہ آباد سے شروع ہوگا جو مختلف راستوں سے ہوتا ہوا
گورنمنٹ بوائز ہائی سکول نمبر 1 میں اختتام پذیر ہوگا۔ جشن عید میلاد النبی حضرت محمد رسول اللہ خاتم النبیین صلی اللہ علیہ وعلی الہ و اصحابہ وسلم کو بڑے شایان شان طریقے سے منایا جائے گا ۔
سرکاری عمارتوں اور شہر کو جھنڈیوں،و برقی قمقوں اور بینرزکے ذریعے سجایا جائے گا۔
یہ باتیں انہوں نے ضلعی امن کمیٹی کے اجلاس کے دوران خطاب کرتے ہوئے کہیں۔ اس موقع پر ڈپٹی سپرنٹندنٹ آف پولیس محمد خالد،
اسسٹنٹ کمشنر راجن پور آصف اقبال اور ضلعی امن کمیٹی کے ممبران موجود تھے۔ ڈپٹی کمشنر نے کہا کہ
سیکیورٹی کے فول پروف انتظامات کو حتمی شکل دے دی گئی ہے ۔انہوں نے میونسپل کمیٹی کے افسران کو ہدایت کی کہ
شہر بھر کی صفائی کو بہتر سے بہتر کیا جائے۔ضلعی امن کمیٹی کے ممبران نے اپنے اپنے خیالات کا اظہار کرتے ہوئے کہا کہ
اسلام نے ہمیشہ امن کا درس دیا ہے ۔دشمن ہمارے ملک میں انتشار پھیلانے کی کوشش کر رہا ہے ۔ان کے ناپاک عزائم کو کبھی کامیاب نہیں ہونے دیں گے۔
ہمیں ملک دشمن عناصر پر کڑی نظر رکھنی ہے۔تمام علماءکرام نے ضلعی انتظامیہ کو اپنے بھر پور تعاون کا یقین دلایا۔
آخر میں فرانس میں گستاخانہ خاکوں کی شدید مذمت کی گئی
اور پشاور دھماکے میں شہید ہونے والے طالب علموں کی روح کے ایصال ثواب کے لئے دعا کی گئی ۔
یہ بھی پڑھیے
متوازن وفاق اور وسائل پر اختیار کےلئے سرائیکی سرگرم کارکنوں اور طلبہ تنظیموں کی’ سرائیکی صوبہ ریلی کا انعقاد
ڈیرہ اسماعیل خان میں پولیس نفری لیجانےوالی گاڑی کے قریب دھماکہ،5افراد شہید،21زخمی
ڈیرہ غازی خان کی خبریں