اسٹیٹ بینک کی جانب سے برآمدی شعبوں اور مینوفیکچرنگ صنعتوں کو سہولت دینے کے اقدامات کا اعلان
برآمدی سامان کی شپنگ کی دستاویزات کسی حد کے بغیر اپنے بیرونی خریداروں کو براہ راست بھجوانے کی اجازت دی ہے۔۔
برآمد کنندگان کے ساتھ ساتھ مینوفیکچرنگ شعبوں کو مزید سہولت دینے کی کوششوں کے سلسلے میں اسٹیٹ بینک نے برآمد کنندگان کو اپنے برآمدی سامان کی شپنگ کی دستاویزات کسی حد کے بغیر اپنے بیرونی خریداروں کو براہ راست بھجوانے کی اجازت دی ہے،
جو اس بات سے مشروط ہو گی کہ برآمدکنندگان کے برآمدی واجبات ایک فیصد سے کم ہوں اور وہ ایکسپورٹر گذشتہ تین برسوں میں کم از کم 5 ملین امریکی ڈالر کی برآمدات کر چکا ہو۔
اس سے پہلے برآمدکنندگان 1 لاکھ امریکی ڈالر تک یا دیگر کرنسیوں میں اس کے مساوی برآمدی سامان کے لیے اپنے بیرونی خریداروں کو اس کی دستاویزات براہ راست بھجوا سکتے تھے۔
اسٹیٹ بینک نے بینکوں کو دی گئی وہ موجودہ حد، جس کے تحت بینک مینوفیکچرنگ اور صنعتی اداروں اور تجارتی درآمد کنندگان کی طرف سے خام مال،
فاضل پرزوں اور مشینری کی درآمد پر فی انوائس دس ہزار ڈالر، یا دوسری کرنسیوں میں اس کی مساوی رقم، کی پیشگی ادائیگی کرسکتے ہیں، بڑھاتے ہوئے 25 ہزار ڈالر کر دی ہے۔
یہ اقدامات ان سہولتوں کا تسلسل ہیں جو برآمدی نوعیت کی صنعتوں اور مینوفیکچرنگ کو کاروبار کرنے میں آسانی اور برآمدی نمو کے فروغ کے لیے دی جاتی رہی ہیں،
اور جو ملک کے اقتصادی حالات بہتر بنانے میں اپنا مزید کردار ادا کریں گی۔
About The Author
اے وی پڑھو
قومی اسمبلی دا تاریخی سیشن ،،26ویں آئینی ترمیم منظور
نیشنل پریس کلب کے انتخابات، جرنلسٹ پینل نے میدان مارلیا، اظہر جتوئی صدر منتخب
ملتان یونین آف جرنلسٹس کے سالانہ انتخابات میں "پروفیشنل جرنلسٹس گروپ” نے میدان مار لیا،