چلتی وین میں پندرہ سالہ طالبہ سے مبینہ زیادتی پر توجہ دلاؤ نوٹس

گجرات میں چلتی وین میں ڈرائیور اور کنڈیکٹر کی پندرہ سالہ طالبہ سے زیادتی کےخلاف پنجاب اسمبلی میں توجہ دلاﺅ نوٹس جمع کرا دیا گیا ،،

نوٹس میں مطالبہ کیا گیا کہ معاملےکی اب تک کی تفتیش سے متعلق ایوان کو آگاہ کیا جائے

پنجاب اسمبلی میں توجہ دلاﺅ نوٹس مسلم لیگ نون کی رکن سمیرا کومل کی جانب سے جمع کرایا گیا۔ نوٹس میں کہا گیا ہے کہ

پندرہ سالہ طالبہ کھاریاں کے گاوں علی چک کی رہائشی ہے اور چکوال کے علاقہ تلہ گنگ میں ایک مدرسہ میں عالمہ فاضلہ کا کورس کررہی تھی۔

دو روز قبل جب وہ وین میں سوار ہوئی تو وین ڈرائیور اور بعدازاں کنڈیکٹر نے اسے زیادتی کا نشانہ بنا ڈالا۔ ملزمان طالبہ کو بےہوشی کی حالت میں سڑک کنارے پھینک کر فرار ہو گئے۔

نوٹس میں استفسار کیا گیا ہے کہ کیا پولیس نے اس واقعہ کا مقدمہ درج کرلیا ہے؟ کیا پولیس کی جانب سے ملزمان کو گرفتار کرلیا گیا ہے۔

لیگی رکن نے مطالبہ کیا کہ معاملے سے متعلق اب تک کی تفتیش سے متعلق ایوان کو آگاہ کیا جائے۔

نمائندہ

See author's posts