اساں ہر رنگ شکل اچ ملسوں۔ہر راہ رلدیں اچ اڈے بازار اچ۔
کہیں چوک تیں کہیں جھوک پتھاری تیں حقہ پیندیں ھویں۔
گالہیں سانگے کریندیں ھوئیں۔جا تیں بے جا تیں ملسوں۔
ڈیریں تیں قلندری دے مچ اچ سر چھیڑیندیں ھوئیں۔افکار علوی نال مرشد کوں دھاں ڈیندیں ھوئیں۔
اساں ملسوں اشو دے بیلے وچ دریا دی منڑ تیں ماس کھاونڑ الیں کوں درکیندیں ھوئیں۔
سلطان باھو دے عرس تیں۔ہیر دی قبر تیں ملنگی کوں گندیں ویں۔
اساں ہر بس ٹرک تیں پٹھانڑاں تے عطا اللہ سنڑدیں ھویں۔
اساں وستی بزدار دے بیریں وچ میر شاہ دی وستی تیں ما بولی نال سارے کتھارسس رات گڑریندیں ویں۔
سوکڑی دے سریں نال ٹردیں ھوییں۔اساں دمان دی ہر تس بکھ اچ رج کج اچ ملسوں۔
اساں وسوں دے گھر تاںش نال بیٹھے ھوسوں۔سیف اللہ اصف دے ہلے او ڈاند نال بند بندوڑے رہیندے کھڑے ھوسوں۔
اساں زاھد دے رلے ہر ناٹک اچ اساں اظہر میڈا پتر بڈھیپا نال بیچ چھٹیندے ودے ھوسوں۔
ممتاز کلیانی نال وسیب دے کم کریندے انہاں دا کتاباں چھپیندے بیٹھے ھوسوں۔
اساں طارق دے ڈوھڑے میٹھے اشلوک گندے ڈاکٹر اسماعیل کنوں دوائی گھندے تے تاریخاں پڑھدے بیٹھے ھوسوں۔
اساں دیرے اچ شاھد نال جھم جھم کے یاراں نال پیار ورتیندے مخمور دی سرائیکی کغت اچ نویں لوظ ما بولی دے پڑھدے بیٹھے ھوسوں۔
اساں ملتان دے ہر دربار مزار تیں لٹھے کبوتریں کوں دانڑاں پانڑیں سٹیندے ودے ھوسوں۔
اساں شہر بزار دے ونوں ون شیئں گھندے کھندے ودے ھوسوں۔
تساں کتھاں ملسو۔
اساں خواجہ فرید دے دربار تیں پیپل تلے کافیاں گاندے بیٹھے ھوسوں
اساں کئیں سیاسی جلسیں وچ سرائیکی ٹکڑا منگدے وسے ھوسوں۔
اپڑیں بولی وچ کتھائیں خوش کتھائیں وینڑ کریندے کہیں دریا کندھی دے شیخ نال کہیں شہر دے چوڑھے نال حال حوال کریندیں ملسوں
تساں کتھاں ملسو؟
اساں سبھے دریاواں دے پانڑیں تیں روحی اچ دمان تیں بیلے وچ تھل دی ٹھڈی ریت تیں ستے ھوئے جاگدے ھوئے ملسوں۔
اساں ہر تس اچ ہر پانڑیں دی چھل اچ کھلدیں ھوئیں ملسوں۔
اساں کہیں ورہیں دے ٹبے تیں۔
کہیں وڈ وڈیرے دے گھریں دے کھنڈرات اچ ملسوں۔
قبریں دے پنڈ سٹیندے میلے تیں موت دے کھو تیں۔عاشق بزدار دے مشاعرے تیں۔کہیں شادی دی رات دے تھیٹھر تیں ھوسوں پئے۔
اساں دفتریں اچ جھاڑو ڈیندے ھوئے۔لین لگی کہیں قسمی قطار اچ نوکری دی درخواست اچ شناختی کارڈ اچ جمڑا مرکھ دے کارڈ بنڑویندیں۔
تساں کتھاں ملسو؟
اساں رفعت عباس کولوں ترائے دریا پار کر کے ٹالہی دی چھا تیں بیٹھے ھوسوں تھئے۔
اتھاں رفعت توں گزریاں انونڑ الاں حکایتاں سنڑدے بیٹھے ھوسوں۔
یہ بھی پڑھیے
”کوئی خواب میکوں اُدھارا نہ ݙیویں“ (وسیب یاترا :12)||سعید خاور
”بدن دی بھوئیں تے مُونجھ دا متام“ (وسیب یاترا :11)||سعید خاور
””سندھو سکرات وِچ اے“ (وسیب یاترا :10)||سعید خاور