لندن ،
برطانیہ میں لیبر پارٹی کے امیدواروں نے کشمیری علیحدگی پسند تنظیم جموں کشمیر لبریشن فرنٹ سے تعلق رکھنے والی برطانیہ میں مقیم شخصیات سے ملاقاتیں کی ہیں۔
ذرائع نے انکشاف کیا ہے کہ ممکنہ لیبر ارکان پارلیمنٹ نے جموں و کشمیر کی متنازعہ علیحدگی پسند تنظیم سے رابطہ کیا ہے۔
مقبوضہ کشمیر میں اس تنظیم پر مارچ میں بھارت میں انسداد دہشت گردی کے قوانین کے تحت پابندی عائد کردی گئی تھی۔ ساؤتھ ایشین وائر کے مطابق یہ تنظیم ایک آزاد ریاست کی تشکیل کی حامی ہے۔
1985 میں ،
برمنگھم میں ہندوستانی اسسٹنٹ ہائی کمشنر رویندر مہاترے کے بہیمانہ اغوا اور قتل کے الزام میں اس تنظیم کے دو ارکان کو عمر قید کی سزا سنائی تھی۔ساؤتھ ایشین وائر کے مطابق برطانوی حزب اختلاف کے رہنما اور لبیر پارٹی کے سربراہ جیریمی کوربین نے ایلچی کے قاتلوں کو رہا کرنے کا مطالبہ کیاتھا۔
شیڈو سکریٹری خارجہ ایملی تورنبیری نے اپنے کامنز آفس میں جے کے ایل ایف کے رہنماؤں کی میزبانی بھی کی ہے۔
ڈاکٹر نیرج پٹیل ، جو لیبر کی بی اے ایم ای ایگزیکٹو کمیٹی کے ممبر اور لمبٹھ کے ایک سابق میئر ہیں ، نے پارٹی کے جنرل سکریٹری جینی فورمبی کو جے کے ایل ایف سے بڑھتے ہوئے روابط پر اپنی گہری تشویش کا اظہار کیا تھا۔
یاسین ملک کی سربراہی میں جے کے ایل ایف نے بھارت کے زیر انتظام کشمیر میں 1988 میں علیحدگی کے لیے مسلح جہدوجہد کی تحریک شروع کی تھی۔
About The Author
اے وی پڑھو
پاک بھارت آبی تنازعات پر بات چیت کے لیے پاکستانی وفد بھارت روانہ
لتا منگیشکر بلبل ہند
بھارت میں مسلمانوں کی نسل کشی کا ایمرجنسی الرٹ جاری