اُردو کی نہایت متاثر کن کتب میں سے ایک||یاسر جواد

یہ ایک ایسی کتاب تھی جس نے کئی اُردو لکھنے والوں کو تقریباً پاگل کر دیا۔ کچھ شاعر اور ادیب حضرات تو اپنی ’تخلیق‘ سے زیادہ توجہ املا پر دینے لگے۔ وہ آپ کو بحث کرتے ہوئے ملتے کہ اژدہا اور اژدہام کو ازدہا اور ازدہام لکھنے چاہیے یا نہیں۔ حرج کو ہرج لکھیں گے یا نہیں، اور شاید ہامی کو حامی۔ غمگین اور غمگیں میں بھی فرق رکھنا ہو گا۔ مِٹی ہے یا مَٹی، ذِبح ہے یا ذَبح، درستی درست یا درستگی، رہنا سے رہائش ٹھیک ہے تو کھانا سے کھلائش بھی ٹھیک ہوتا، وغیرہ۔

اِن باتوں کے ساتھ ہی کئی دوسری چیزوں پر بھی وعظ دیتے۔ وہ کہہ کو بھی ایک نرالے انداز سے لکھنے پر زور دیتے کہ کے نیچے ایک شوشہ۔ اُنھیں گفت گُو، نگہ بان، چنانچہ کو چناں چہ، کیونکہ کو کیوں کہ، کم زور لکھنے کا خبط بھی ہو گیا۔ وہ غَم اور دَست جیسے سیدھا الفاظ پر بھی اعراب دینے لگے جس کی وجہ صرف یہ تھی کہ ان پیج نے اعراب ڈالنا ممکن بنا دیا تھا۔

یاد رکھنا چاہیے کہ زبان اصولوں کے تحت نہیں بنتی، بلکہ اصول زبان کے بعد اُسے جسٹیفائی کرنے کے لیے بنتے ہیں۔ یہ اصول الحدیث جیسا معاملہ ہے۔

اور عام لکھنے والوں کے اعمال یہ ہیں کہ دوستو کو دوستوں لکھتے ہیں۔