موسیقی زندہ آباد||فضیل اشرف قیصرانی

یہ شاید الفاظ میں سمجھانا کافی مشکل ہو کہ بھلے موسیقی کے سات سر ہی رائج ہیں اور اِن سُروں کے تحت تھاٹ، راگ اور راگنیاں سُربکھیرتی ہیں مگر ہر علاقے کی موسیقی اِن سروں میں رہتے ہوۓ بھی اپنا رنگ الگ دے جاتی ہے۔مثلاً کافی کِسی سُر میں بھی گائ جاۓ، کافی کی لۓ اور لۓ کے تحت لیے گۓ پلٹے خالصتاً سرائیکی رنگ لیے ہوۓ ہوں گے جو سُن کاروں کو فوراً سے ہی محسوس ہو جائیں گے۔۔۔

اِسی طرح پشتو موسیقی کے لوگری رنگ میں ہارمیونیم اور طبلے کی اونچی سنگت ایک سی معلوم پڑے گی جبکہ یک تارے اور چمٹے پہ بجتے سُر اپنا پنجابی رنگ الگ سے سننے والوں کو محسوس ہو پائیں گے۔اِسکا سبب تو کوئ موسیقی کے اُستاد ہی بتا پائیں گے مگر موسیقی سے لُطف لینے والے ہم جیسوں کے لیے بحر حال ایک تحقیق طلب سوال یہ ضرور ہے کہ جب ہر گانے کی دھن الگ سے ترتیب پاتی ہے، کیا وجہ ہے کہ علاقائ رنگ دُھنوں پر غالب آ جاتا ہے؟

یہاں شاید احباب اِسکی وجہ آرکیسٹرا کو سمجھیں تو ایسا قطعاً نہیں ہے۔احمد نواز چھینہ نے سرائیکی گلوکاروں میں پہلی بار رُباب کا تعارف سرائیکی گائیکی میں کرایا ہے مگر پشتون ساز رباب پر دوران گائیکی ، گائیکی کا سرائیکی رنگ ہی غالب نظر آیا اور رباب نے بطور سنگت ہی علاقائ رنگ کا ساتھ دیا، اُسے دبا نہ پایا۔ایسے ہی یکتارا سندھ اور پنجاب میں ایک سا رائج ہے، مگر بجتے ہی رنگ الگ کر لیتا ہے۔ہارمونیم گو درآمدی اور جدید ساز ہے مگر پاکستان کے ہر علاقہ میں اُس پر اپنا رنگ غالب ہے۔اِس علاقائ رنگ کی تقسیم اور حد بندی اس قدر باریک ہے کہ “دامان” تک کی موسیقی کا رنگ پہاڑ اور بیٹ دونوں سے مُختلف ہے۔اِس کی ایک مثال رمضان بیوس کی دامانی گائیکی ہے، جو صرف دامان میں ہی رائج ہے۔

یہ غزل سنتے ہوۓ یوں ہی یہ بے سبب خیالات آپکی نظر۔موسیقی کا لُطف لیجئیے۔

نوٹ: مُصطفی خادم ، جِنہیں عزیز شاہد لفظوں کا مخدوم کہتے ہیں،کی یہ غزل احمد نواز چھینہ نے خُوب گائ ہے۔غزل سنئیے اور علاقائ رنگ سے دبتی رباب کی سنگت کا لُطف لیجئیے۔