سرائیکی ناول ’’وساخ‘‘: تعارف کے طور پر چند باتیں ||رؤف لُنڈ

او پتھریں کنیں مورتیاں کڈھیندی ہئی ۔ ونڑ تاں ہر کوئی چھنڈیندے ۔۔۔۔۔۔۔۔۔۔۔۔ جوار ، باجری تے مکئی دے سِٹے اتے کنک دی خوئید لُپریج ویندی اے، پر اے پتھر کیویں کپیندے ہوسن ؟ کیویں چھنڈیدے ہوسن ؟۔۔۔۔۔۔ تے انہاں وچوں شکلاں کیویں ابھردیاں ہوسن ؟ کیویں اسردیاں ہوسن؟ کیویں نکلندیاں ھوسن ؟ ۔۔۔۔۔۔۔۔۔۔۔ تہوں تے سقراط اہدے جو شکل پتھر وچ نہیں ہوندی۔ سنگتراش دے چیتے وچ ہوندی اے۔۔۔۔۔۔۔۔۔۔۔۔۔”

ترجمہ ! چھن چھن چھن۔ چھنن، چھن چھنن چھن۔۔۔۔ رقص کیا ھے؟ رقص ایک قصہ ھے۔ ایک کہانی ھے۔ ایسا قصہ ، ایسی کہانی کہ جس میں قصہ گو یا کہانی بیان کرنے والا بات نہیں کرتا۔ صرف ایک پاؤں اٹھاتا ھے/اٹھائیگا۔ پھر دوسرا پاؤں ۔ پھر گھنگرو۔ پھر ہاتھوں کے اشارے۔ ہر اشارے کے پیچھے ایک اور ہلکا سا اشارہ۔ ایک اشارے کے پیچھے اور اشارہ۔۔۔۔۔۔۔ گھنگرو پنجوں کی تاب پہ چھنکتے تھے۔ پھر ایڑی ٹیکنے سے چھنکنے کی ایک اور صدا آتی۔ اور پھر (گھنگرو کے ) ٹخنے سے ٹکرانے اور بدن کے گھوم جانے پر ایک تیسرا مگر انوکھا چھنکار سنائی دیتا تھا۔ چھن چھن چھنن۔

وہ پتھروں سے مورتیاں ڈھالتی تھی۔۔۔۔۔۔۔۔۔۔۔ درختوں کی تراش خراش تو ہر کوئی کر لیتا ھے۔ جوار ، باجرے، اور مکئی کے بُھٹے اور گندم گھاس کی نرم نرم گوشوں والی پہلی اٹھان اوپری سطح سے تراش (کاٹ ) لی جا سکتی ھے۔ مگر یہ پتھر کیسے کاٹے جاتے ہونگے؟ ان کی کانٹ چھانٹ کیسے ہوتی ہوگی؟ اور پھر ان پتھروں سے شکلیں کیسے ابھر آتی ہونگی ؟ کیسے نکل آتی ہونگی ؟ ۔۔۔۔۔۔۔۔۔۔۔ تبھی تو سقراط نے کہا تھا کہ شکلیں پتھروں میں نہیں ہوتیں یہ تو سنگتراش کے ذہن اور آدرش میں ہوتی ہیں ۔۔۔۔۔۔۔۔۔۔۔۔۔۔۔۔۔

جی جناب ! یہ بغیر تسلسل کے پہلے دو صفحوں کے دو پیراگرف ہیں۔ ایک صحافی ، اینکر پرسن ، ایک لکھاری، کہانی کار، دانشور، ادیب ، قوم پرست اور انقلاب پسند ہمارے دوست ، مہربان اور یاروں کے یار کراچی کے مکیں سئیں نذیر لغاری کے سرائیکی زبان کے ناول ” وساخ ” کے۔ جسے لاہور کے فکشن ہاؤس نے چھاپا ھے۔ اور جسے لکھنے والے نذیر لغاری نے بذریعہ پوسٹ میرے نام پر بھیج کر علم و ادب ، سیاسی و علاقائی، ملکی و بین الاقوامی حالات کی نغمگیت و چاشنی کا خزانہ میرے ہاتھ تھما دیا۔۔۔۔۔۔۔۔۔۔۔۔۔ سرِ دست شکریہ کی ادائیگی اور تعارف کے طور پر چند باتیں ۔۔۔۔۔۔۔ باقی سب باتیں بعد میں ۔۔۔۔۔۔