پاکستان سمیت دنیا بھر سے آج کی خبریں،مختصر مختصر

بھارت نے اپنے جاسوس کلبھوشن یادیو تک قونصلر رسائی کی پیشکش قبول کر لی، بھارتی ہائی کمیشن کے ناظم الامور و اعلیٰ حکام دفتر خارجہ میں موجود، کلبھوشن کی بھارتی ناظم الامور سے ملاقات جلد متوقع، کلبھوشن سے نظر ثانی پٹیشن کے کاغذات پر دستخط لیے جانے کا امکان

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بھارت کلبھوشن کے فیصلے پر نظرثانی کی اپیل کر سکتا ہے، ترجمان دفتر  خارجہ عائشہ فاروقی کہتی ہیں، توقع ہے بھارت تاخیری حربے استعمال نہیں کرے گا، عالمی برادری مقبوضہ کشمیر میں بھارتی بربریت کا نوٹس لے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آٹا بحران اور گندم سبسڈی اسکینڈل میں اہم پیش رفت، پنجاب بھر کی ایک سو تینتالیس فلور ملز حکومتی سبسڈی کی کرپشن میں ملوث، اینٹی کرپشن پنجاب نے ریکوری شروع کر دی، خزانے کو چھبیس کروڑ روپے نقصان پہنچانے کا الزام

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چیئرمین نیب کا،، کے الیکٹرک،، کے خلاف تحقیقات کا حکم، نیب کراچی کو،، کے الیکٹرک سے معاہدہ کی کاپی، متعلقہ دستاویزات اور سرمایہ کاری کی تفصیلات حاصل کرنے کی ہدایت، کہا، اووربلنگ، غیر اعلانیہ لوڈشیڈنگ کی اجازت نہیں دیں گے، نیب کراچی کو تین ماہ میں انکوائری مکمل کرنے کی ہدایت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی والوں کی مشکل مزید مشکل ہو گئی، بجلی کا شارٹ فال پانچ سو میگا واٹ تک پہنچ گیا، لوڈشیڈنگ سے مستثنیٰ علاقوں میں بھی آٹھ گھنٹے کی بجلی بندش، لائن لاسز والے علاقوں میں لوڈ شیڈنگ کا دورانیہ بارہ گھنٹے سے بڑھ گیا، لوڈ شیڈنگ کے بعد کیبل فالٹ نے رہی سہی کسر پوری کر دی، گلستان جوہر، پی ای سی ایچ ایس اور سندھی مسلم سوسائٹی میں کیبل فالٹ کی وجہ سے بارہ گھنٹے سے بجلی کی فراہمی معطل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی  کے ارکان اسمبلی کے الیکٹرک پر برہم، عالمگیر خان نے سی ای او کے الیکٹرک مونس علوی کے گھر کی بجلی کاٹنے کا اعلان کر دیا، کہتے، ہیں سی ای او کے الیکٹرک کا گھر تلاش کر رہا ہوں، عالمگیر خان نے ایک ہفتہ پہلے کے الیکڑک،،، کے سی ای او کا گھر تلاش کرنے کا اعلان کیا تھا، اب تک ڈھونڈ نہیں پائے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی کے لوگوں کو بجلی فراہم کرانے سے قاصر ہوں، ممبر قومی اسمبلی عامر لیاقت کا اعتراف، کہا، کراچی کا ایک بے بس ایم این اے ہوں، وزیراعظم سے وقت مانگا ہے مل کر انہیں استعفیٰ پیش کروں گا، حلقے کے لوگوں کا تڑپنا سسکنا نہیں دیکھا جاتا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان اسٹیل تمام ملازمین کو نہیں نکال سکتی، چیف جسٹس گلزار احمد کے اسٹیل ملز ملازمین کی ترقیوں سے متعلق کیس میں ریمارکس، کہا، ملازمین کو اس طرح نکالا تو پانچ ہزار مقدمات بن جائیں گے، ایسا نہ ہو انتظامیہ کو برطرف کئے گئے ملازم ہی دوبارہ رکھنے پڑیں، اسٹیل ملز سے متعلق بنایا گیا منصوبہ صرف تباہی ہے، زیادہ ہوشیاری انتظامیہ کے گلے پڑ جائے گی، عدالت نے وفاقی حکومت سے رپورٹ طلب کرلی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اپوزیشن لیڈر شہباز شریف کا وزیراعظم عمران خان سے استعفیٰ کا مطالبہ، کہا، پی آئی اے کو اربوں کا نقصان پہنچانے پر وزیراعظم مستعفی ہوں، پائلٹ نہیں حکومت، وزیراعظم اور وزرا جعلی ہیں، جعلساز حکمران سزا کے مستحق ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک میں ایک اور بحران کا خدشہ، آئل ٹینکرز کنٹریکٹرز کا آج سے غیرمعینہ مدت کیلئے ہڑتال کا اعلان، آئل ٹینکرز کنٹریکٹرز ایسوسی ایشنز کے مطابق، ملک بھر میں تیل کی ترسیل مکمل طور پر بند کی جا رہی ہے، صوبائی سروس اور ٹول ٹیکسز کو فی الفور ختم کرنے کا مطالبہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بادی النظر میں پیٹرول بحران کا ذمہ دار اسپیشل اسسٹنٹ ہے، جو وزرات کو چلا رہا ہے، چیف جسٹس لاہور ہائی کورٹ کے ریمارکس، چھبیس جون کو  قیمتوں میں اضافہ اوگرا کے سفارش کے برعکس کر دیا گیا، اٹارنی جنرل    نے جواب میں کہا، وزارت کی زبانی سفارش پر قیمتوں میں اضافہ کر دیا گیا،    چیف جسٹس قاسم خان نے کہا، کیا ایسا کیا جانا اس ملک کے عوام سے مذاق کے مترادف نہیں، کمیٹی بنانے اور کمیشن کی رپورٹ پیش کرنے کیلئے حکومت کو چھ ہفتوں کی مہلت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

شہباز شریف کی عبوری ضمانت میں تئیس جولائی تک توسیع، اپوزیشن لیڈر  آمدن سے زائد اثاثہ جات اور منی لانڈرنگ کیس میں لاہور ہائی کورٹ پیش، کہا، جب نیب کے پاس گیا تو کہا گیا مزید کوئی تحقیقات نہیں کرنی، اب نیب کہہ رہا ہے تحقیقات کرنی ہیں، ضرورت ہے تو دوبارہ جانے کیلئے تیار ہوں، کورونا کے باوجود لیگی کارکنوں کی بڑی تعداد عدالت کے باہر موجود رہی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک میں کورونا کے دو ہزار ایک سو سے زائد نئے کیسز رپورٹ، تعداد دو لاکھ اٹھاون ہزار کے قریب، ایک روز میں مزید چالیس افراد زندگی کی بازی  ہار گئے، مرنے والوں کی مجموعی تعداد پانچ ہزار چار سو سے زائد

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایک روز میں کورونا سے زیادہ اموات کے لحاظ سے پاکستان سے اٹھارہ ملک آگے، نئے کیسز میں پاکستان کا تیروواں نمبر، ایکٹو کیسز میں پاکستان سے نو ممالک آگے، مجموعی کیسز کے لحاظ سے پاکستان کا بارہواں نمبر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

شعبہ تعمیرات کی ترقی وقت کی اہم ضرورت قرار، وزیراعظم کی سربراہی میں تعمیرات سے متعلق اہم اجلاس، شعبہ تعمیرات کے سرمایہ کاروں کی تجاویز پر بات ہوئی، وزیر اطلاعات شبلی فراز کہتے ہیں، مؤثر پالیسیوں سے  بہترین سرمایہ کاری ہو رہی ہے، حکومت کی پالیسیوں میں غریب طبقے پر توجہ دی جا رہی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایکنک کی دو سو نواسی ارب روپے مالیت کے چار منصوبوں کی منظوری، سکھر حیدرآباد موٹر وے کی ایک سو پینسٹھ ارب روپے سے تعمیر کی منظوری دی گئی، ایم ایٹ شاہراہ کا ھوشاب، آواران، خضدار سیکشن، سوات ایکسپریس وے کے چکدرہ تا فتح پور سیکشن اور خیبر ایجنسی کو خیبر پاس اکنامک کاریڈور سے منسلک کرنے کے منصوبے کی بھی منظوری

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعلیٰ پنجاب اور وزیراعلیٰ بلوچستان کی پشین آمد، عثمان بزدار کا تربت میں اسپتال اور تفتان میں کمیونٹی سنٹر بنانے کا اعلان، منصوبوں کیلئے جام کمال خان کو ایک ارب روپے کا چیک بھی دیا، کہا، ہم ایک ہیں اور ایک رہیں گے، نفرتیں پھیلانے والے ناکام ہوں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیر توانائی سندھ امتیاز شیخ کا وفاقی وزیر عمر ایوب کو خط، جامشورو پاور کمپنی کا دوسرا یونٹ کول پاور پر ڈیزائن کرنے کا مطالبہ، کہا، ساڑھے چھ سو میگا واٹ کا یونٹ فرنس آئل کی بجائے تھر کے کوئلے سے چلایا جائے، کول پاور پلانٹ چلانے سے سالانہ ایک سو پچیس ملین ڈالر کی بچت ہو گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بٹ کوائن ہیکرز نے بڑی شخصیات اور کمپنیوں  کے ٹویٹر ہینڈل ہائی جیک کر لیے، امریکی صدارتی امیدوار جو بائیڈن، بل گیٹس، باراک اوباما، مائیک بلوم برگ اور جیف بیزوس کے اکاونٹس ہیک، ایپل، اوبر بھی ہیکرز کا نشانہ  بنے، ہیکرز نے ٹوئٹر سے ایک لاکھ دس ہزار ڈالر ہتھیا لیے، ٹوئٹر انتظامیہ کے مطابق ہیک ہونے والے کئی اکاؤنٹس واپس بحال

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں کورونا کے ایک کروڑ چھتیس لاکھ سے زائد کیسز، اب تک پانچ لاکھ چھیاسی ہزار سے زائد افراد زندگی کی بازی ہار گئے، اسی لاکھ سے  زائد مریض صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا میں کورونا کیسز کا گراف نیچے نہ آیا، ایک روز میں رپورٹ کیسز کا دوسرا بڑا وار، دو لاکھ چونتیس ہزار افراد میں وائرس کی تصدیق ہوئی، اس سے قبل دس جولائی کو دو لاکھ سینتیس ہزار سے زائد کیس سامنے آئے تھے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وفاقی وزیر فیصل واوڈا کی نااہلی کی درخواستیں دوبارہ سماعت کیلئے مقرر، الیکشن کمیشن بیس جولائی کو چار درخواستوں کی سماعت کرے گا، وزیر قانون پنجاب راجہ بشارت کی نااہلی کی درخواست پر اکیس جولائی کو سماعت ہو گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسلام آباد ہائی کورٹ نے سیکرٹری داخلہ، آئی جی اسلام آباد اور ایس پی انوسٹی گیشن کو بیس بیس لاکھ روپے جرمانہ کر دیا، عدالت کا تمام افسروں کے خلاف محکمانہ کارروائی کا بھی حکم

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وفاقی وزیر سے اختلافات پر سیکریٹری بین الصوبائی رابطہ امور محمد علی شہزادہ کوعہدے سے ہاتھ دھونا پڑ گئے، فہمیدہ مرزا اور سیکرٹری کے درمیان اسپورٹس فیڈریشن کو فنڈز کی فراہمی کے معاملے پر چپقلش چل رہی تھی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دھرنے معیشت پر بھاری پڑے، گزشتہ سات سال کے دوران اسلام آباد میں دھرنوں سے معیشت کو ایک ارب سولہ کروڑ روپے کا نقصان ہوا، وزارت داخلہ نے رپورٹ قومی اسمبلی میں پیش کر دی، اسلام آباد میں دو ہزار تیرہ کے دھرنے سے معیشت کو تین کروڑ بتیس لاکھ کا نقصان ہوا، تحریک انصاف کے دو ہزار چودہ کے دھرنے سے معیشت کو ساڑھے پچھہتر کروڑ کا نقصان  برداشت کرنا پڑا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاہور میں بادل برس پڑے، موسم خوشگوار، لیسکو کے اسی سے زائد فیڈرز ٹرپ کر گئے، کئی علاقے بجلی سے محروم، بلوچستان میں کوہلو، زیارت، کوہ سلیمان میں بھی بارش، گرمی کا زور ٹوٹ گیا، اسلام آباد، خیبر پختون خوا میں بھی آج بادل برسیں گے، کل سے کراچی میں مون سون کا دوسرا اسپیل متوقع، تیز ہواؤں کے ساتھ ہلکی بارش کا امکان

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چین میں سیلاب سے ایک سو چالیس افراد ہلاک، متعدد لاپتہ، ہزاروں مکانات  تباہ ہو گئے، ندی نالوں میں پانی کی سطح میں خطرناک حد تک اضافہ، بنگلہ دیش میں بھی سیلاب نے تباہی مچا دی، اب تک دس اضلاع متاثر، مزید تین اضلاع میں سیلاب کا خدشہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکہ کے وزیرخارجہ مائیک پومپیو کی چین اور عالمی ادارہ صحت پر تنقید، کہا، چین عالمی قوانین کی پاسداری نہیں کر رہا، ڈبلیو ایچ او کا جھکاؤ چین کی طرف ہے، صدر ٹرمپ نے ڈبلیو ایچ او سے نکلنے کا فیصلہ کیا، امریکہ دنیا بھر میں کورونا وائرس روکنے کیلئے کردار ادا کرے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 امریکہ نے چینی کمپنی ہواوے پر سفری پابندیاں لگا دیں، اسٹیٹ ڈیپارٹمنٹ کا ہواوے پر انسانی حقوق کی خلاف ورزیوں میں ملوث ملکوں کی مدد کا الزام

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کے باعث ائیر لائن کمپنیاں شدید متاثر، امریکی ائیرلائن سے پچیس  ہزار سے زائد ملازمین کو نکالے جانے کا خدشہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکی صدر ڈونلڈ ٹرمپ نے انتخابی مہم کے مینجر کو برطرف کر دیا، بریڈ پارسکیل کی جگہ بل اسٹیفن کو عہدہ مل گیا، سابق منیجر کو ناقص ریلی کا ذمہ دار ٹھہرایا گیا تھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایران کی بوشہر بندر گاہ پر سات جہازوں میں آگ بھڑک اٹھی، واقعے میں جانی نقصان نہیں ہوا، چھبیس جون سے اب تک ایران میں آتشزدگی کے سات واقعات رونما ہو چکے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فاسٹ لین میں آہستہ اسپیڈ سے گاڑی چلانا مہنگا پڑے گا، ڈرائیورز کو چار سو درہم کا جرمانہ ادا کرنا ہو گا، ابو ظہبی پولیس کی وارننگ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پرواز تاخیر کا شکار کیوں ہوئی، امریکہ میں تین خواتین نے ائیرلائن کے اسٹاف پر لاتوں اور مکوں کی بارش کر دی، پولیس نے تینوں خواتین کو گرفتار کر لیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاک ڈاؤن میں نرمی کے بعد کینیڈا کی رونقیں بحال، ٹورنٹو کا مشہور سی این ٹاور سیاحوں کیلئے کھول دیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اولڈ ٹریفورڈ میں ویسٹ انڈیز اور انگلینڈ دوسرے ٹیسٹ میں آمنے سامنے، ویسٹ انڈیز نے ٹاس جیت کر انگلینڈ کو بلے بازی کی دعوت دی، دو میچز کی سیریز میں ویسٹ انڈیز کو ایک صفر کی برتری حاصل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

انگلش فاسٹ بالر جوفرا آرچر کی چوری پکڑی گئی، آرچر سب سے چھپ کر دوست سے ملنے گھر گئے، کورونا پروٹوکول کی خلاف ورزری، ٹریکنگ ڈیوائس نے سب کچھ بتا دیا، ویسٹ انڈیز کیخلاف دوسرے ٹیسٹ سے باہر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستانی اسپنر کاشف بھٹی کا انگلینڈ میں کورونا ٹیسٹ مثبت آ گیا، کاشف بھٹی کو ٹیم سے الگ کر کے آئسولیٹ کر دیا گیا، قومی کرکٹر کا پاکستان میں دو مرتبہ کورونا ٹیسٹ منفی آیا تھا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پریمیئر لیگ کے میچ میں محمد صلاح کی ٹیم آرسنل کے ہاتھوں ڈھیر، لیور پول کو ایک کے مقابلے میں دو گول سے شکست

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اطالوی لیگ میں یووینٹس،، سیسوالو کو ہرانے میں ناکام، دونوں ٹیموں میں  میچ تین تین گول سے برابر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

یوتھ اولمپکس گیمز دو ہزار بائیس کورونا کے باعث ملتوی، سینیگال  اور آئی او سی کا اعلان، یوتھ اولپمیکس گیمز پہلی مرتبہ براعظم افریقہ میں ہونا تھیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فاسٹ اینڈ فیورس کا دیوانہ، چھ سال کا امریکی بچہ بائیک رائڈر بن گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بکرا ہو یا بیل، صرف ایک کلک پر، پنجاب بھر میں بکرا منڈی آن لائن موبائل  ایپ متعارف، شہری کورونا سے محفوظ رہ کر قربانی کے جانور آن لائن آرڈر کر سکتے ہیں، جانور فروخت کرنے کی سہولت بھی موجود

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چلی میں پارلیمنیٹرین کا کورونا امدادی بل پاس کرانے کا انوکھا جشن، خاتون رکن نے گلابی گاؤن پہن کر چیئر لیڈرز کی طرح  خوشی کا اظہار کیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ڈنمارک کے وزیراعظم کی آخر کار شادی ہو ہی گئی، میٹ فریڈرکسن کی  ایک سال میں تین مرتبہ شادی ملتوی ہوئی، تقریب میں صرف قریبی لوگوں نے شرکت کی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

گھر کے باہر پڑا ڈاک کا لفافہ چلنے لگا، دیکھنے والے حیران، کارنامہ چیونٹیوں کا نکلا، ویڈیو سوشل میڈیا پر وائرل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اب روبوٹ سپر اسٹور کی شیلف میں سامان لگائیں گے، جاپان کے سپر اسٹور میں کینگرو روبوٹ ورکر ذمہ داریاں سنبھالنے کیلئے تیار

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ترکی میں ناکام فوجی بغاوت کے چار سال مکمل ہونے پر ڈرون شو، استنبول کے آسمان پر ڈرونز نے عوامی جیت کا جشن منایا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا وبا کے بعد اٹلی میں پہلے مینز فیشن ویک، ماڈلز نے ریمپ پر واک کی، شرکا کا سماجی فاصلے اور کورونا سے بچاؤ کی احتیاطی تدابیر کا خیال

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اداکارہ سارہ خان نے گلوکار فلک شبیر کے نام کی مہندی لگا لی، مہندی کی  تقریب سارہ خان نے پیلا اور فلک شبیر نے لال جوڑا پہنا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ٹام ہینکس کی ’گرے ہاؤنڈ‘ چھا گئی، ایپل ٹی وی پلس پر سارے ریکارڈ توڑ دئیے، کورونا کی وجہ سے صرف آن لائن ریلیز ہونے کے باوجود کروڑوں کا بزنس

About The Author

ویب ڈیسک

See author's posts