"جݙاں شہر وچ مار دھاڑ تے بھیڑی تھیندی پئی ہئی، اوں ویلھے میں جیڑھے ݙراکلے منظر ݙٹھن، اوندا پورا حال لکھݨ میݙے وس کنوں ٻاہروں ہے۔
جو تھولا ٻہوں میں یاد کر سڳداں، او ݙسݨ دی کوشت کرینداں۔ جݙاں شاہر دے ڳلیں کوچیں وچ ساݙے بھا دے گولیں نال ڳڑدھال مچیا ہویا ہئی تے ساݙے نال بھڑن آلے دشمنیں دی تعداد ہولیں ہولیں گھٹدی ویندی ہئی تاں جوانیں نال تریمتیں تے ٻال کٹھے رلئے ہوئے ہئین۔
اُنہیں دی دھاڑپٹکار ݙکھ بھری ہئی۔ ٻال جیڑھے آپݨی ماویں نال چمبڑے چمٹے ہوئے ہئیں، اُنہیں دیاں چیکاں دل دے پار ویندیاں ہئین۔
ستر اَسی وریہیں دے چٹ سرے، چٹ ݙاھڑیل ٻڈھے جنہیں دے ماس وچ عمرانہہ دے کارݨ وکڑیاں پیاں ہویاں ہئین، جنہیں دے ہیݨے ہارے لمب کنبھدے پئے ہئین، او غم تے ݙُکھ نال بھرے ہوئے ہئین، او آپݨے ݙیس دی تباہ حالی تے روندے پئے ہئین،
او جنہیں گھریں ڄمے پلے ہئین، آپݨے مرݨ دے انتظار وچ اُنہاں دے سماہݨے لیٹے پئے ہئین۔ ڳلیاں، چوک بازار تے خاص کر مسیتاں انہیں ݙکھ بھریں لوکیں نال ݙٹیاں پیاں ہئین۔ آپݨے بچے کُھچے مال اُتیں لیٹ، کہیں آس اُمید مُتوں او متام وچ ہئین۔ جیتݨ ہارݨ آلے ݙوھیں سنگدل بݨ چُکے ہئیں۔
پیلھے آپݨی قسمت دے چمکارے تے ٻئے آپݨی لاچاری دے کارݨ۔ ساݙے بندیں دے ہتھیں آوݨ آلا ہک وی بندہ لُٹ پُٹ کنیں نہی بچیا۔ کتھائیں تاں جوانیں دے نال نال تریمتیں تے ٻالیں کوں وی گولیاں مار قتل کر ݙتیا ڳیا۔
ساݙے سپاہی سنگدلی وچ ہر حد پار کر ڳئے۔ اوں ویلے رحم ناں دی کوئی شے نہی ݙسدی۔”
جان رائڈر دی کتاب ” فور ایئرز سروس ان انڈیا” وچوں
About The Author
اے وی پڑھو
اشولال: دل سے نکل کر دلوں میں بسنے کا ملکہ رکھنے والی شاعری کے خالق
ملتان کا بازارِ حسن: ایک بھولا بسرا منظر نامہ||سجاد جہانیہ
اسلم انصاری :ہک ہمہ دان عالم تے شاعر||رانا محبوب اختر