پاکستان سمیت دنیا بھر سے آج کی مختصر خبریں

ملک میں کورونا کا بڑا وار، پہلی مرتبہ ریکارڈ پانچ ہزار سے زائد کیسز رپورٹ، چوبیس گھنٹوں میں پانچ ہزار تین سو پچاسی افراد میں وائرس کی تصدیق، متاثرہ مریضوں کی تعداد ایک لاکھ تیرہ ہزار سات سو سے زیادہ ہو گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 ملک میں کورونا سے مزید تراسی افراد زندگی کی بازی ہار گئے، مرنے والوں  کی تعداد، دو ہزار دو سو پچپن ہو گئی، چھتیس ہزار سے زائد مریض صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں ہر گھنٹے بعد کورونا کے تہتر کیسز، شہر میں مریضوں کی تعداد پینتیس ہزار کے قریب پہنچ گئی، سندھ میں ساڑھے تینتالیس ہزار سے زائد کیسز، سات سو اکتیس افراد چل بسے، مرتضیٰ وہاب کہتے ہیں، وائرس محلوں میں پھیل چکا، خطرناک وبا سے بچنے کا واحد راستہ احتیاط ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قومی اقتصادی کونسل نے ایک ہزار تین سو چوبیس ارب روپے کا ترقیاتی پروگرام منظور کر لیا، وفاق کو ساڑھے چھ سو ارب اور صوبوں کو چھ سو چوہتر ارب روپے ملیں گے، وزیراعظم عمران خان کی زیرصدارت اجلاس میں وزرائے اعلیٰ کی شرکت، انسداد کورونا کیلئے ستر ارب روپے کے خصوصی منصوبے منظور

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پنجاب کے سالانہ ترقیاتی پروگرام میں اٹھائیس ارب روپے کمی کی تجویز، صحت سہولت کارڈ کیلئے بارہ ارب، نئی یونیورسٹیز کیلئے ڈیڑھ ارب روپے مختص کرنے کی تجویز، انسداد کورونا کیلئے پانچ ارب روپے مختص کیے جائیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اکتوبر تک بجلی اور گیس مہنگی نہیں ہو گی، سرکاری ملازمین کی تنخواہیں اور پنشن بڑھے گی، آئی ایف ایم بھی مان گئی، پاکستان اور آئی ایم ایف کے درمیان بجٹ مذاکرات کا ایک اور دور، دفاعی بجٹ تیرہ سے چودہ سو ارب روپے کے درمیان رکھنے کا امکان، آئی ایم ایف نے ٹیکس وصولی کا ہدف چار ہزار نو سو پچاس ارب روپے رکھنے پر رضا مندی ظاہر کر دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قومی اسمبلی میں اسٹیل مل کی نجکاری کی گونج، اپوزیشن ارکان کی ہنگامہ آرائی، پیپلز پارٹی کے آغا رفیع اللہ ایوان میں بینرز تقسیم کرتے رہے، پیپلز پارٹی کا اسد عمر سے مستعفی ہونے کا مطالبہ، وفاقی وزیر مراد سعید بولے، زرداری پاکستان کے تمام اداروں پر بھاری ثابت ہوا، ایم ایم اے ارکان کا مکمل نشستیں نہ لگانے پر واک آؤٹ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سستا پٹرول عوام کو مہنگا پڑ گیا، کراچی، لاہور، پشاور سمیت ملک کے کئی شہروں میں پٹرول کی کمی، شہر شہر پٹرول کے حصول کیلئے لمبی قطاریں، شہریوں کو مشکلات کا سامنا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

چئیرمین نیب ہر چیز کا نوٹس لیتے ہیں آٹا اور پٹرول بحران پر کیوں خاموش ہیں؟ پشاور ہائی کورٹ میں پٹرول اور آٹا بحران کیس کی سماعت، جسٹس قیصر رشید نے ریمارکس دئیے، لوگوں کو پیڑول نہیں مل رہا کسی کو پرواہ ہی نہیں، وفاقی وزیر پٹرولیم، سیکرٹری پیٹرولیم اور ڈی جی نیب کل طلب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا جون میں اور تیز ہونے لگا، کیسز کے اعتبار سے صرف 9روز میں اکتالیس ہزار کا ہندسہ عبور کر لیا، رواں ماہ کے صرف 9روز میں سات سو سے زائد مریض جان سے گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عالمی ادارہ صحت کی تجاویز پرعملدرآمد ضروری نہیں، دو ہفتے لاک ڈاؤن، دو ہفتے نرمی کی تجویز زیر غور نہیں، عالمی ادارہ صحت نے صرف وبا کو دیکھنا ہوتا ہے، معاون خصوصی ڈاکٹر ظفرمرزا کہتے ہیں، کورونا کے معاملے پر سوچی سمجھی حکمت عملی اپنائی، ہم نے لاک ڈاؤن میں نرمی کے ساتھ ایس او پیز پر توجہ دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قومی اسمبلی میں اپوزیشن کی حکومت پر شدید تنقید، رہنما ن لیگ خرم دستگیر نے کہا، کس کس قیامت کا ذکر کریں؟ پٹرول کی قطاروں کا ذکر کریں؟ یا ٹڈی دل سے فصلوں کی تباہی کا، نااہلی ملکی ادارے تباہ کر رہی ہے، نفیسہ شاہ نے کہا، وزیراعظم کے تین سے چار چہرے ہیں، بتائیں کون سا اصل ہے؟ اسمارٹ لاک ڈاؤن میں آٹا، چینی مہنگا اور پٹرول غائب کر دیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک کے تمام اداروں کا بیڑا کس نے غرق کیا، ہم تو ابھی حکومت میں آئے ہیں، وفاقی وزیر مراد سعید کا اظہار خیال، کہا، پی آئی اے کا خسارہ گزشتہ حکومتوں کے دور میں ہوا، اسٹیل مل کی دردناک کہانی ہے، ن لیگ نے پی آئی اے سمیت پاکستان اسٹیل کی نجکاری کا فیصلہ کیا، اداروں کا بیڑا غرق کرنے والوں کو حساب دینا ہو گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اقتصادی سروے کل جاری ہو گا، کورونا وبا کے باعث رواں مالی سال بجٹ اہداف حاصل نہ ہو سکے، فارم ہاؤسز، بڑے گھروں، گاڑیوں اور سرامکس سمیت ساٹھ لگژری درآمدی اشیا پر اضافی ٹیکس لگانے کی تجویز، پٹرولیم لیوی کو مزید بڑھانے کی تجویز

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی طیارہ حادثے کی انکوائری رپورٹ بائیس جون کو پیش کریں گے، وزیر ہوا بازی غلام سرور خان کہتے ہیں، گزشتہ حادثوں کی رپورٹس بھی سامنے لائیں گے، ان حادثات کا کوئی تو ذمہ دار ہو گا، کسی کے گلے تک ہاتھ لے جانا ہو گا، انٹرنیشنل پائلٹس ایسوسی ایشن سے ایک سینئر پائلٹ اور سینئر ٹیکنیشن مانگا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سینیٹ اجلاس میں کراچی طیارہ حادثہ پر بحث، سینیٹر رضا ربانی نے کہا، طیارہ حادثہ تحقیقات میں مفادات کا ٹکراؤ نظر آ رہا ہے، دنیا میں طیارے حادثے ہوتے ہیں لیکن ان کا سدباب بھی ہوتا ہے، حادثے کی شفاف تحقیقات ہونی چاہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں پی آئی اے کے تباہ ہونے والے طیارے کا انجن مکان کی بالائی منزل سے اُتار لیا گیا، کنکریٹ کے جال کو ٹکڑوں کی شکل میں کاٹ کر انجن نکالا گیا، ایئرپورٹ منتقل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں گرنے والی عمارت کا ملبہ اُٹھانے کا کام جاری، ملبے سے اب تک بائیس افراد کی لاشیں نکال لی گئیں، ایک ہی خاندان کے چھ افراد کے جنازے اٹھنے پر علاقے میں کہرام، ہر آنکھ اشکبار، مقامی قبرستان میں تدفین کر دی گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ٹڈی دل ملک کے اکاون اضلاع کی فصلوں پر حملہ آور، ڈیرہ غازی خان، میانوالی میں فصلوں کو نقصان، بلوچستان تینتیس، خیبر پختون خوا دس اور سندھ  کے چھ اضلاع متاثر، ڈیرہ اسماعیل خان، ٹانک، وزیرستان اور لکی مروت میں بھی فصلوں پر حملے، این ڈی ایم اے کے مطابق، اب تک پورے ملک میں پانچ  لاکھ چھیاسٹھ ہزار ہیکٹر رقبہ پر سپرے کیا جا چکا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 بیس کلو آٹے کا تھیلا مزید بیس روپے مہنگا، فلور ملز ایسویسی ایشن نے اعلان کر دیا، بیس کلو آٹے کی قیمت نو سو پچھہتر روپے ہو گئی، مارکیٹ میں ایک ہزار روپے میں دستیاب، دس روز میں بیس کلو آٹے کا تھیلا ایک سو نوے روپے مہنگا ہوا، لاہور میں  نان بائی ایسوسی ایشن کا روٹی کی قیمت بڑھانے کا اعلان

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پی ٹی آئی ایم این اے خواجہ شیراز اپنی ہی حکومت پر پھٹ پڑے، کہا، آٹا، چینی کے بعد اب پٹرول بھی نہیں مل رہا، کہا جاتا ہے کہ ملک میں آٹے کا بحران نہیں، لیکن عام آدمی کو آٹا ملتا ہی نہیں، ٹڈی دل پر قابو پانے کیلئے کوئی اقدام نہیں اٹھایا گیا، بنیادی اشیائے ضرورت کی فراہمی کیلئے حکومت اقدامات کرے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ایل او سی پر بھارتی فوج کی سیز فائر معاہدے کی خلاف ورزی، سینئر بھارتی سفارت کار کی دفتر خارجہ طلبی، پاکستان کا شدید احتجاج، دو ہزار بیس میں بھارت نے ایک ہزار دو سو چھیانوے بار ایل او سی کی خلاف ورزی کی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قابض بھارتی فورسز نے مقبوضہ کشمیر میں مزید پانچ کشمیریوں کو شہید کر دیا، ضلع شوپیاں میں نام نہاد سرچ آپریشن کی آڑ میں کشمیریوں کو شہید کیا گیا، شوپیاں کے تمام داخلی اور خارجی راستے بند، انٹرنیٹ سروس معطل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

گرینڈ ہیلتھ الائنس کا کل سے سندھ بھر کے سرکاری اسپتالوں میں ہڑتال کا اعلان، کہا، اسپتالوں میں صرف ایمرجنسی آپریشنل رہے گی، ہیلتھ رسک الاؤنس اور حفاظتی کٹس کی فراہمی کا مطالبہ، کورونا سے متاثرہ ڈاکٹرز کیلئے الگ کورونا آئسولیشن مرکز بنانے کا بھی مطالبہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان کورونا سے متاثر خطرناک ممالک میں شامل، ایکٹو کیسز کے لحاظ  سے پاکستان کا چھٹا نمبر، نئے کیسز میں پاکستان سے صرف چار ممالک کے اعداد و شمار زیادہ، کورونا کے مجموعی کیسز میں پاکستان 15ویں نمبر پر موجود

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 ملک کے سات سو چھہتراسپتالوں میں پانچ  ہزار پانچ سو چھیالیس مریض  داخل، این سی او سی کے مطابق، سات لاکھ چون ہزار سے زائد   ٹیسٹ کیے جا چکے ہیں، جون کے اختتام تک مزید  ایک ہزار اکسیجن بیڈ بھی مہیا کر دیئے جائیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا سے ملک میں ہر گھنٹے میں چار لوگ مر رہے ہیں، یونیورسٹی آف ہیلتھ سائنسز کے وی سی ڈاکٹر جاوید اکرم کہتے ہیں، سو میں سے پانچ فیصد لوگوں کو اسپتال پر جانا پڑے گا، ڈاکٹر طاہر شمسی نے کہا، وینٹی لٹر پر اسی سے نوے فیصد مریضوں کی واپسی ممکن نہیں، پلازما عطیات کے حوالے سے لوگوں کا ردعمل اچھا نہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بیرون ملک پھنسے پاکستانیوں کی تاحال عدم واپسی مجرمانہ لاپروائی ہے، اپوزیشن لیڈر شہباز شریف کہتے ہیں، پاکستانیوں ٹکٹ کے زائد کرائے وصول کرنے کی اطلاعات قابل افسوس ہیں، وزیراطلاعات فیاض الحسن چوہان نے کہا، شہباز شریف کی بے تکی بیان بازی ڈرائنگ روم سیاست کا عملی نمونہ بن چکی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مولانا فضل الرحمان کہتے ہیں، ناکام کارکردگی کی بنیاد پر حکومت اپنے آپ کو نااہل ثابت کر چکی، قواعد کو معطل کرکے بجٹ اجلاس بلانے کا فیصلہ تسلیم نہیں کریں گے، حکومت دیوالیہ ہو چکی، بجٹ بنانے میں مشکلات کا سامنا ہے، حکومت نا اہلی کا اعتراف کرے اور استعفیٰ دے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعلیٰ پنجاب سردار عثمان بزدار کہتے ہیں، کورونا وبا کے باعث غیر معمولی حالات سے گزر رہے ہیں، کمزور طبقے پر پہلے بوجھ ڈالا نہ آئندہ ڈالیں گے، بجٹ میں کمزور طبقے کا پورا خیال رکھا جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سینیٹر رحمان ملک کا سنتھیا رچی کا نام ای سی ایل میں ڈالنے کا مطالبہ، وزارت داخلہ کو لکھے خط میں کہا، سنتھیا رچی کیخلاف ایف آئی اے اور دیگرعدالتوں میں کیسز زیر التوا ہیں، عدالتوں میں موجودگی یقینی بنانے کیلئے سنتھیارچی کا نام ای سی ایل میں شامل کیا جائے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پارک لین ریفرنسز میں آصف علی زرداری پرفرد جرم کی کارروائی سات جولائی تک مؤخر، عدالت نے سابق صدر اور ان کی ہمشیرہ فریال تالپور کی حاضری سے استثنیٰ کی درخواست منظور کر لی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سرکاری گھروں پر قبضے خالی کرانے کیلئے وزارت ہاؤسنگ کو آخری مہلت، سپریم کورٹ نے وزارت ہاؤسنگ کی رپورٹ کو غیر تسلی بخش قرار دے دیا، وزارت ہاؤسنگ نے تمام قابضین سے سرکاری رہائش گاہوں کو خالی نہیں کرایا، چیف جسٹس گلزار احمد نے ریمارکس میں  کہا، کئی سرکاری افسران نے گھر الاٹ کرا کے کرایہ پر دے رکھے ہیں، لوگ ہمیں وزارت ہاؤسنگ سے متعلق شکایات بھجواتے رہتے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

میاں چنوں میں نادرا آفس کی چھت گر گئی، ایک خاتون جاں بحق، پچیس افراد زخمی، زخمیوں میں نادرا آفس کا عملہ اور شہری شامل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملتان میں ٹڈی دل کے بعد آموں کے باغات پر چمگادڑوں کا حملہ، کئی   ایکڑز پر کھڑے باغات کو تباہ کر دیا، باغبان اپنی مدد آپ کے تحت چمگادڑوں کو بھگانے میں مصروف

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہیوسٹن میں امریکی سیاہ فام جارج فلائیڈ کی آخری رسومات ادا، فلائیڈ کی آخری رسومات میں سماجی رہنماوں سمیت سیاہ فام افراد کی کثیر تعداد میں شرکت ، پولیس تشدد کا شکار افراد کی فیملیز بھی شریک ہوئیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکہ میں سیاہ فام شہری کی ہلاکت پر دنیا بھر میں چودھویں روز بھی احتجاج، نیویارک، لاس اینجلس، پورٹ لینڈ، سوئٹزر لینڈ، سینیگال اور فرانس میں مظاہرے، مظاہرین نے احتجا ج کے دوران گھٹنے بھی ٹیکے، امریکی آسکر ایوارڈ یافتہ ہیرو بریڈ پٹ بھی میدان میں آ گئے، جارج فلائیڈ کے نام کی ہوڈی پہن کر نسل پرستی کے خلاف آوا زاٹھائی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 دنیا بھر میں تہتر لاکھ انچاس ہزار سے زائد افراد میں کورونا کی تشخیص، چار لاکھ چودہ ہزار سے زائد اموات، چھتیس لاکھ ستائیس ہزار سے زائد افراد صحت یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکہ میں کورونا کیسز بیس لاکھ چھیالیس ہزار سے بڑھ گئے، ہلاکتیں ایک لاکھ چودہ ہزار سے زائد، صرف نیویارک میں چار لاکھ سے زائد کیسز، تیس ہزار سے زائد اموات

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا سے اقوام متحدہ کا اجلاس بھی متاثر، پچھتر سالہ تاریخ میں پہلی بار عالمی رہنما اجلاس میں مدعو نہیں ہوں گے، ایک سو ترانوے ملکوں کے سربراہ اجلاس میں کیسے اظہار خیال کریں گے، آئندہ دو ہفتوں میں فیصلہ کیا جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امن کے دشمن بھارت کی کورونا کیخلاف جنگ میں بری طرح شکست، عالمی سطح پر مودی سرکار کو سبکی کا سامنا ہے، بھارت کورونا کے باعث اموات کے ساتھ دنیا کا بدترین خطہ بن گیا، فنانشل ٹائمزکی وبا سے نمٹنے کیلئے بھارتی پالیسیوں پر تنقید

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جنرل چارلس براؤن امریکی فضائیہ کے پہلے سیاہ فام سربراہ مقرر، صدر ٹرمپ اور امریکی وزیرخارجہ مائیک پومپیو نے چارلس براون کی تقرری کو تاریخی قراردیا، سوشل میڈیا پر اپنے بیان میں چارلس براون نے کہا، کیرئیر کے دوران متعدد بار تعصب اور نفرت کا سامنا کیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خیبر پختون خوا حکومت کی سرکاری دفاتر میں عملہ کم کرنے کی ہدایت، پچاس سال سے زائد عمر کے ملازمین دفاتر نہیں آئیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

قومی ٹیم کے اسپن باؤلنگ کوچ مشتاق احمد نوجوان اسپنرز کی صلاحیتیں نکھارنے کیلئے تیار، کہتے ہیں، کورونا سے نمٹنے کے لیے کھلاڑیوں کو ذہنی طور پر مضبوط ہونا ہو گا، مصباح الحق، وقار یونس اور یونس خان کے ساتھ مل کر ٹیم کی بہتری کے لیے کام کروں گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا کے کئی ممالک میں معمولات زندگی بحال، روس میں باربر شاپس پر بال کٹوانے کیلئے شہریوں کا رش، ملائیشیا میں بھی سیلون کھل گئے، پچیس جون سے آئفل ٹاور سیاحوں کیلئے کھول دیا جائے گا، پندرہ جون سے برطانیہ میں چڑیا گھر، سفاری پاک اور ڈرائیو ان سینما کھل جائیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

میئر  لندن صادق خان نے غلاموں کے کاروبار سے منسلک مجسمے ہٹانے، سڑکوں کے نام تبدیل کرنے کیلئے کمیشن کا اعلان کر دیا، کہا، اٹھارویں صدی کے مجسمے کو بھی لندن میوزیم کے سامنے سے ہٹا دیا گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا سے بچاو کیلئے سماجی فاصلہ ضروری نہیں، برطانیہ نے جہاز میں ذاتی حفاظت کیلئے خصوصی شیلڈ تیار کر لی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا وائرس آبی آلودگی میں اضافہ کا سبب بننے لگا، فرانسیسی گروپ نے سمندر میں بڑی  تعداد میں  ماسک اور گلوز پھینکے جانے کی نشاندہی کر دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا کیخلاف ڈیوٹی دینے والے ڈاکٹرز کا کیوبا واپسی پر شاندار استقبال، کیوبن ڈاکٹرز دو ماہ اٹلی میں ذمہ داریاں انجام دینے کے بعد وطن واپس پہنچے، دارالحکومت ہوانا کی گلیوں میں عوام نے خوش آمدید کہا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آسڑیلیا کے سمندر میں ہزاروں تیرتے کچھووں کے حسین مناظر، آسٹریلین  ماہرین نے جزیرے کی ڈرون فوٹیج جاری کر دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا سے سینما گھروں کو مزید بند رکھنا مشکل ہو گیا، دنیا کی سب سے بڑی سینما کمپنی اے ایم سی نے جولائی سے اپنے تمام سینماوں کوکھولنے کا فیصلہ کر لیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہالی وڈ کی نئی ہارر فلم کے ٹریلر نے دیکھنے والوں کو چونکا دیا، فلم، انیس جون کو ویڈیو آن ڈیمانڈ پر ریلیز ہو گی

About The Author

ویب ڈیسک

See author's posts