12مئی 2020: پاکستان اور دنیا بھر سے آج کی مختصر خبریں

۔۔۔۔۔۔۔۔۔۔۔۔۔۔۔۔۔۔۔۔۔

پیپلز پارٹی سندھ کی ٹھیکےدار نہ بنے،،تیاری کرلو ہم پنجاب کے بعد سندھ میں اپنا لوہا منوانے آرہے ہیں،،، وزیرخارجہ شاہ محمود قریشی  کہتے ہیں سندھ کے ساتھ زیادتی ہوئی نہ ہوگی کیونکہ سندھ ہمارا ہے، اٹھارویں ترمیم کو دفن کرنا حکومت کی ترحیح نہیں،،سندھ حکومت یوٹیلٹی بلز کیسے معاف کر سکتی  ہے کورونا کا حل لاک ڈاؤن نہیں بلکہ ویکسین ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔

مشکل کی گھڑی میں وزیراعظم لاپتہ، ملک کون چلا رہا ہے،شیری رحمان  نے وزیر اعظم کو مسنگ پرسن قرار دیدیا،کہتی ہیں ، ،وزیر اعظم کورونا سے نہیں ڈرتے آئینی فورم سے ڈرتے ہیں،،لگتا ہے 18 ویں ترمیم دے  کر کوئی  گناہ  کردیا ،، روز اخلاقیات کا جنازہ نکالا جا رہا ہے ،،، کورونا کیخلاف تمام حکومتی اقدامات مبہم ہیں، لاک ڈاؤن سے متعلق کچھ واضح نہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

عید تک موثر لاک ڈاؤن کیا جائے، مسلم لیگ ن کا مطالبہ ،،،مصدق ملک  کہتے ہیں لاک ڈاؤن خاتمے کا مطلب جو بچ جائے گا وہ معیشت چلائے  گا،،حکومتوں کا کام بھوک اور موت کی تکرار نہیں، بچاؤ کی پالیسی بنانا ہے،، قبرستان کی کوئی معیشت نہیں ہوتی،،کیا معمر افراد کی اموات ہمارے لئے قابل قبول ہیں؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پیپلز پارٹی تعصب پر مبنی پالیسی نہیں رکھتی لیکن وفاقی حکومت سے تعصب کی بو آتی ہے،   ترجمان سندھ حکومت  مرتضی ٰ وہاب کہتے ہیں ،وزیر اعظم سندھ اس  لیے نہیں آتے کیوں  کہ انہیں سندھ سے ووٹ نہیں  ملے،وفاق کی جماعت خود  صوبے کی سیاست کر رہی ہے، پیپلز پارٹی  وفاق کی  جماعت ہے اور رہے  گی،   پی ٹی آئی والے محکمہ صحت سندھ کے پیچھے پڑے ہیں، کبھی ان لوگوں نے بجٹ کتاب پڑھی ہوتی تو سوال نہیں اٹھاتے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک  بھر میں کورونا  سات  سو  سے زائد جانیں  لے گیا ،،چوبیس  گھنٹوں میں اُنتالیس اموات رپورٹ  ہوئیں ،،مریضوں کی تعداد  بتیس ہزار سے بڑھ گئی ،،،، ایک روز میں  ایک ہزار ایک سو چالیس  افراد میں وائرس  کی تشخیص،،  آٹھ ہزار پانچ  سو  سے زائدافراد نے  بیماری کو شکست دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاک ڈاون میں  جزوی نرمی  کے بعد کاروباری سرگرمیاں  بحال ،،، دکانداروں اورخریداروں  نے حفاظتی پابندیوں کی دھجیاں اُڑا  دیں ،،، شہریوں کی بڑی تعداد  نے خریداری کے  لیے  بازاروں کا رخ کر لیا ،، سماجی فاصلوں کا خیال رکھا گیا نہ ماسک نہ ہی دستانوں کا استعمال ،،، دکاندار  بھی  بغیر احتیاطی تدابیر کے  کام جاری رکھے ہوئے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کراچی میں کورونا کے مریضوں کی تعداد 9ہزار سے بڑھ گئی، کراچی میں آخری دو ہزار کیسز صرف چارروز میں رپورٹ ہوئے

۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعظم عمران خان کی زیرصدارت وفاقی کابینہ کا اجلاس جاری ،،،  کورونا وائرس اور ملکی معاشی صورتحال پر تبادلہ خیال  ،، کابینہ اقتصادی رابطہ کمیٹی کے فیصلوں کی توثیق بھی کرے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خبردار،،، کورونا  پاکستان  میں گزشتہ تین  روز کے دوران ایک سو جانیں  نگل گیا ،، ملک میں پہلی سو اموات اڑتالیس روز میں ہوئیں  ،،، سات سو اموات میں پچھتر دن لگے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

آرمی چیف جنرل قمر جاوید کاایرانی افواج کے سربراہ سے ٹیلی فون پر رابطہ،،، پاک ایران سرحد پر 6 اہلکاروں کی شہادت پر اظہار تشویش،، آرمی چیف نے زور دیا کہ سرحد پر چوکیوں کو مزید فعال بنانا ہوگا، اس مقصد کے حصول کے لئے مشترکہ تعاون کا فروغ ضروری ہے ، پاکستان نے سرحد پر باڑ لگانے کا عمل شروع کیا ہے

۔۔۔۔۔۔۔۔۔۔۔۔۔۔۔۔۔۔۔۔۔۔

دنیا   بھر میں کورونا کیسز کی  تعداد بیالیس لاکھ اُنہتر ہزار سے بڑھ گئی ،،دو لاکھ ستاسی  ہزار  سے زائد افراد چل بسے ،،پندرہ لاکھ چونتیس ہزار سے زائد افراد صحت  یاب

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکہ میں کورونا سے آج پھر ایک ہزار سے زائد اموات ،  ہلاکتیں اکیاسی ہزار سے بڑھ گئیں، تیرہ لاکھ پچیاسی  ہزار سے زائد افراد میں وائرس کی تشخیص

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کوروناوائرس سے24گھنٹوں میں ریکارڈ  99 ہیلتھ کئیر ورکرز متاثر، کورونا وائرس سے متاثرہ ڈاکٹر اور پیرامیڈیکل اسٹاف کی تعداد 882 تک پہنچ گئی، وزارت نیشنل ہیلتھ اینڈ ایمرجنسی سروس نے رپورٹ جاری کر دی، ابتک ڈاکٹرز سمیت طبی عملے کے 11 افراد کورونا سے جان کی بازی ہار گئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں چھہتر دنوں میں کورونا سے سات سو  سے زائد اموات،،،چین میں سات سو اموات اڑسٹھ دن میں ہوئیں ،، امریکہ میں سات سو اموات ہونے میں باسٹھ  اور اٹلی میں چالیس روز  لگے

۔۔۔۔۔۔۔۔۔۔۔۔۔۔۔۔۔۔۔۔۔

گورنر پنجاب چودھری سرور بیوروکریسی  پر برس پڑے، کہا،بیوروکریسی  پانی کے منصوبوں میں رکاوٹیں ڈال رہی ہے، بس  بہت  ہو چکا میر ے صبر کا پیمانہ اب  لبریز ہو گیا ،،انہوں  نے  میرے ڈیڑھ سال ضائع کیے ،،قیامت میں گریبان پکڑوں گا ،،آئندہ بدھ تک معاملات حل نہ ہوئے تو پریس کانفرنس میں حقائق  بتاوَں گا

۔۔۔۔۔۔۔۔۔۔۔۔۔۔۔۔۔۔۔۔۔۔

ایسے اجلاس کا کیا فائدہ کوئی ادھر سے سیاسی تقریر کرتا ہے دوسرا ادھر سے نشتر چلاتا ہے اللہ اللہ خیر،،، وفاقی وزیر فواد چودھری کی  قومی اسمبلی کے اجلاس پر  تنقید  ،،، وزیراعلیٰ  پنجاب عثمان بزدار کہتے  ہیں ،اپوزیشن رہنماؤں نےقومی اتحاد اور یکجہتی کو نقصان پہنچانے کی کوشش کی، پاکستانی قوم سیاست کے منفی کرداروں کو کبھی معاف نہیں کرے گی

۔۔۔۔۔۔۔۔۔۔۔۔۔۔۔۔۔۔۔۔

سنٹرل کنٹریکٹ  سے  عامر، وہاب ، فخر، حسن  کی چھٹی کا امکان ،،، پی سی بی قومی کھلاڑیوں کے سنٹرل کنٹریکٹ کا اعلان کچھ دیر  بعد کیا جائے  گا ،   نسیم  اور حارث کی شمولیت کا امکان ،،سرفراز کی تنزلی،شاہین  کو بابر، اظہر اور یاسر کے ساتھ اےکیٹگری مل سکتی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فصل دشمن  ٹڈی دل  کے  وار،، ملک  کے مختلف  علاقوں میں فصلیں  متاثر، لیہ میں  بھی  گندم ، خربوزہ  کی فصلوں کو نقصان پہنچا،، پاک فوج اور انتظامیہ کی جانب سے ٹڈی کے خلاف آپریشن ،گھوٹکی میں  ٹڈی دل نے  گنے اور سبزیوں  کو تباہ کردیا ، کسان فصل بچانے کہ لیے برتن بجا کر ٹڈی دل کو بھگانے لگے

۔۔۔۔۔۔۔۔۔۔۔۔۔۔۔۔۔۔۔۔

سندھ  میں پہلی سے آٹھویں  تک  طلبہ کو امتحان کے بغیر پرموٹ کرنے  کا فیصلہ ،سندھ ہائی کورٹ  نے  لاک ڈاون کے دوران فیس ادا نہ کرنے والے بچوں کو اسکول سے بےدخل کرنےسے روک دیا،

۔۔۔۔۔۔۔۔۔۔۔۔۔۔۔۔۔۔۔۔۔۔

مودی کی انتہا پسند پالیسیوں کے باعث بھارت میں مسلم فوبیا عروج پر،،، ، ریاست تامل میں  بیکری مالک نے مسلم مخالف اشتہاری مہم کے ذریعے اپنی اشیا فروخت کرنا شروع کردیں، بیکری مالک گرفتار

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیرِ اطلاعات پنجاب فیاض الحسن چوہان کہتے  ہیں ، کشمیر کے مسلمانوں کے حوالے سے مہاتما گاندھی جی اور نریندر مودی کے خیالات میں زمین آسمان کا فرق ہے، مہاتما گاندھی نے کہا کہ کشمیریوں کو پاکستان یا یونین کے ساتھ رہنے کے فیصلے کی آزادی ہونی چاہیئے۔ آج مودی کے بھارت میں مسلمانوں پر ظلم و استبداد کے پہاڑ توڑے جا رہے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

متحدہ عرب امارات کی شہزادی ،، ہند القسیمی ،، کی ایک بار پھر ،، بی جے پی ، کی مسلم دشمن پالیسیوں ، پر تنقید ۔۔  اپنے ٹویٹ میں ،، کہا کہ ، وہ بھارت میں ، اسلامو فوبیا کے متعلق ،صرف آئینہ دکھا رہی ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔

کانگوکے امن مشن میں شامل پاک فوج کی خاتون آفیسر کو امریکی فوج کاخراج تحسین ۔امریکی فوج کی سینٹرل کمانڈ نےمیجر سامعہ کا ٹویٹ ری ٹویٹ کردیا۔ میجر سامعہ کہتی ہیں میرا دو سال کا بچہ پوچھ رہا ہے کہ ماما کب واپس آئیں گی ، ان کی ڈیوٹی اپریل میں ختم ہورہی تھی لیکن کورونا کی وجہ سے پاکستان نہیں آسکیں

۔۔۔۔۔۔۔۔۔۔۔۔۔۔۔۔۔۔۔۔۔۔۔

افغانستان کے دارالحکومت کابل میں اسپتال کے قریب  دھماکہ ، 5 افراد ہلاک، متعدد زخمی ہو گئے، اسپتال کے اندر سے فائرنگ اور دھماکوں کی آوازیں سنی گئیں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پلاٹ قبضہ کیس میں چیف جسٹس سپریم کورٹ  کا آئی جی اسلام آباد کو پولیس کارکردگی میں بہتری لانے کا حکم، کہا، تفتیشی افسران کی تفتیش میں رہنمائی کے لیے سالانہ کتابچہ چھاپا جائے،آخر کب ہمارا تفتیش کا طریقہ کار ٹھیک ہوگا؟ جسٹس قاضی امین نے کہا، اسلام آباد میں قبضہ مافیا کا راج ہے،کوئی قبضہ مافیا کے سامنے کھڑا نہیں ہو سکتا

۔۔۔۔۔۔۔۔۔۔۔۔۔۔۔۔۔۔۔

آصف زرداری بیمارہیں اور گھر پرہیں،ترجمان سندھ حکومت مرتضیٰ وہاب کہتے   ہیں سابق صدر سے متعلق افواہیں  بے بنیاد  ہیں

۔۔۔۔۔۔۔۔۔۔۔۔۔۔۔۔۔۔۔۔۔

امریکہ چین کے ساتھ تجارتی معاہدے سے پیچھے ہٹ  گئے ، ٹرمپ نے کہا  وہ چین کے ساتھ تجاری معاہدے پر مذاکرات جاری رکھنے کے خواہاں نہیں ، تجارتی معاہدے امریکہ کے لیے بے سود ہیں

۔۔۔۔۔۔۔۔۔۔۔۔۔۔۔۔۔۔۔۔۔

سوال امریکہ ، جوا ب چین ،،، صدر ٹرمپ ایک بار پھر صحافیوں سے الجھ پڑے،،، صحافی کے کورونا سے بڑھتی اموات  کے سوال  کے جواب  میں کہا ،،آپ جاکر چین سے یہ سوال پوچھیں، امریکی صدر پریس کانفرنس چھوڑ کر چلے گئے ،،

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

یورپ  کورونا سے بُر ی  طرح  متاثر،،، برطانیہ میں  بتیس ہزار سے زائد ہلاکتیں ،  کیسز سوا دو لاکھ کے قریب ، اٹلی میں تیس ہزار سے زائدافراد چل بسے ،،فرانس  میں  بھی  چھبیس ہزار سے زائد اموات،،اسپین میں کورونا کیسز کی تعداد یورپ میں سب سے زیادہ

۔۔۔۔۔۔۔۔۔۔۔۔۔۔۔۔۔۔۔۔۔

جنوبی پنجاب اور اندرون سندھ میں گرمی زیادہ ،، جیک آباد  اور رحیم یار خان میں  درجہ حرارت اُنتالیس  سینٹی گریڈ ہوگیا ، ، کراچی میں درجہ حرارت تینتیس  ، لاہوربتیس، اسلام آباداور پشاوراکتیس، کوئٹہ  ستائیس،، گلگت اٹھائیس  اسکردو چودہ ، مظفر آباد میں تیس،، جموں میں چونتیس   ، سری  نگر میں بائیس اور لیہ میں  نو ڈگری   ریکارڈ کیا گیا

۔۔۔۔۔۔۔۔۔۔۔۔۔۔۔۔۔۔۔۔۔

بارہ مئی دوہزار سات  کراچی کی سیاسی و جمہوری تاریخ میں سیاہ ترین دن،کراچی کی سڑکوں پر خون  بہایا گیا ،  دن دہاڑے  گولیاں برسائیں  گئیں ،، معزول چیف جسٹس افتخار چوہدری  کی آمد کے موقع پر پرتشدد واقعات میں پچاس افراد جاں بحق ہوئے

۔۔۔۔۔۔۔۔۔۔۔۔۔۔۔۔۔۔

جنوبی کوریا میں اسکول کھولنے کی تیاری ، انتظامیہ نے کلاس رومز ، میں اسپرے کرانا شروع کر دئیے ، 20 مئی سے یکم جون کے دوران مرحلہ وار اسکول کھولے جائیں گے

۔۔۔۔۔۔۔۔۔۔۔۔۔۔۔۔۔۔۔۔

روس میں معیشت کی بحالی کیلئے لاک ڈاؤن میں نرمی، کچھ شعبوں کو پھر سے کام کرنے کی اجازت دے دی گئی۔ گورنرز مخصوص انڈسٹریز کو کام کرنے کی اجازت دیں گے

۔۔۔۔۔۔۔۔۔۔۔۔۔۔۔۔۔۔۔۔۔۔

آسٹریلوی وزیرخزانہ  کی پارلیمنٹ   میں شدید کھانسی ،، اجلاس میں موجود ارکان  پارلیمنٹ خوفزدہ ،،، سیشن  کے بعد وزیرخزانہ کا  کورونا ٹیسٹ  کیا گیا،، رپورٹ آنے تک وزیرخزانہ نے خود کو آئیسولیٹ  کر  لیا

۔۔۔۔۔۔۔۔۔۔۔۔۔۔۔۔۔۔

لاک ڈاون میں نرمی کے بعد خواتین سب سے پہلے بیوٹی پارلر پہنچ گئیں،،، فرانس کے دارالحکومت پیرس میں لاک ڈاون میں نرمی کے بعد کاسمیٹکس کی دکانوں پر خواتین کا رش

۔۔۔۔۔۔۔۔۔۔۔۔۔۔۔۔۔۔

کورونا لاک ڈاؤن کی وجہ سے اسٹورز میں بند چیزیں گل سڑ گئیں ۔۔ ملائشیا میں دو ماہ کے لاک ڈاؤن کے بعد اسٹور کھلنے پر لیدر کی تمام اشیا پر کائی جمی نظر آئی ۔ کائی کی وجہ سے چمڑے کے قیمتی جوتے اور بیگز خراب ہو گئے

۔۔۔۔۔۔۔۔۔۔۔۔۔۔۔۔۔۔۔۔

ویتنام کے بعد انڈونیشیا  میں غربا اور بے روزگاروں کو خوراک کی فراہمی کے لیے ’رائس اے ٹی ایم‘ کا کامیاب استعمال، مشین سے ضرورت مند ایک وقت میں ڈیڑھ کلو چاول حاصل کر سکیں گے

۔۔۔۔۔۔۔۔۔۔۔۔۔۔۔۔۔۔۔

ٹوئٹر پر کورونا سے متعلق متنازع یا غیر مصدقہ اطلاعات والے پیغامات کی نشاندہی کی جائے گی، جن ٹوئٹس کو حذف نہ کیا  جاسکے  ان کے ساتھ نئے لیبل اور تنبیہی پیغامات کا استعمال کیا جائے گا

۔۔۔۔۔۔۔۔۔۔۔۔۔۔۔۔۔۔۔

نرسز کے عالمی دن کے موقع پر کورونا کے خلاف جنگ لڑتی نرسز کو ہم نیوز کا سلام ۔۔۔آج کا دن معاشرے میں نرسز کی ناقابل فراموش  خدمات کے اعتراف کے طور پر منایا جاتا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔

برطانوی شہزادہ ولیم اور شہزادی کیٹ  کا کورونا کے خلاف لڑنے والے نرسنگ اسٹاف  کو خراج تحسین ،  ورلڈ نرسز ڈے پر  بچوں نے بھی تالیاں بجا کر داد دی

۔۔۔۔۔۔۔۔۔۔۔۔۔۔۔۔۔

احتیاط کریں ،، کورونا  سے بچیں ،،،آمنے سامنے  گفتگو کرنے سے پرہیز کریں ،،،اپنے کپڑوں کو باقاعدگی  سے دھویں ،،، گھر کی کھڑکیوں کو کھلا رکھیں ،،، ہجوم والی جگہوں  اور پبلک ٹرانسپورٹ میں فیس ماسک کا استعمال یقینی  بنائیں ،، وقفے وقفے سے ہاتھوں کو سینیٹائز کریں یا بیس سکینڈ تک دھوئیں

۔۔۔۔۔۔۔۔۔۔۔۔۔۔۔۔۔۔۔۔۔۔۔

برطانوی پائلٹ بھی سائبر کرائم کے  شکار بن گئے،،امریکی ائیر کمپنی کی جعلی ویب سائٹ  نے پائلٹ کو  گیارہ ہزار درہم  کا چونا لگا دیا

۔۔۔۔۔۔۔۔۔۔۔۔۔۔۔۔۔۔

ایپل نے فائیو جی گلاسز پر کام شروع کر دیا،،،۔ گلاسز لگانے والا فائیو جی کی مدد سے مناظر میں اپنی مرضی کے رنگ بھر سکے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔

کھانوں کے بعد کورونا اب بالوں تک پہنچ گیا ۔۔ افریقہ میں کورونا کا ہیراسٹائل سب کی توجہ کا مرکز بن گیا ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔

ورچوئل فارمولا ون اسپینش گراں پری برطانیہ کے جیورج رسل  کے نام ،، فارمولا ون کی تمام ریسز ملتوی   ہونے کے باعث ریسرز آن لائن ریسز میں شرکت کر رہے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسپینش لیگ 12 جون سے دوبارہ شروع ہونے کا امکان،،، بارسلونا اور ریال میڈرڈ کے کھلاڑی میدان میں اتر آئے،،، میسی،سوریز سمیت  دیگر کھلاڑیوں  نے انفرادی طور پر ٹریننگ شروع کر دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا سے فٹ بال  کلبوں کو بھاری مالی نقصان ، انگلش پریمئیر لیگ کے میچز تماشائیوں کے بغیر ہوئے ، تو کلبوں کو ، 65 ارب روپے ، براڈ کاسٹرز کو دینا پڑیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاک ڈاون میں خالی سٹرکوں پر فراٹے بھرتی گاڑیاں ،  کینیڈا کے نوجوان کی   تین سو آٹھ  کلومیٹر فی گھنٹہ  کی رفتار سے ڈرائیونگ،، پولیس نے اُنیس سالہ نوجوان  کو چالان کی پرچی  تھما دی

۔۔۔۔۔۔۔۔۔۔۔۔۔۔۔۔۔۔۔۔۔

ابو ظہبی کی شیخ زید مسجد نے آن لائن کلچرل ٹورز کا آغاز کر دیا، دور دراز بیٹھےافراد اپنے گھروں سے  بیٹھے مسجد کی سیر کر سکیں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جہاں سیاحوں کا رش ہوتا  تھا ،،،اب وہاں ویرانیوں کے ڈیرے ۔۔۔اسلام آباد کے تفریحی مقامات پر ہو کا عالم ۔۔۔حسین نظارے ۔۔بہار اور پھولوں کی مہکار۔۔دلفریب نظاروں کو دیکھنے والا کوئی نہیں ۔۔واکنگ ٹریلز پر بھی سناٹے کا راج

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وبائی بیماری ہو یا نہ ہو صبح کی دھوپ لینا مت بھولیں،سونیا حسین  کاانسٹاگرام پر مداحوں کو پیغام

۔۔۔۔۔۔۔۔۔۔۔۔۔۔۔۔۔۔۔

پرانا  چینی کنگ فو  نئے امریکی گھروں پر چھاگیا،، چینی فلم اِپ  مین فور نے بھی ڈیجیٹل چارٹ میں اینٹری دے دی

About The Author

ویب ڈیسک

See author's posts