15اپریل 2020:آج پاکستان اور دنیا بھر میں کیا ہوا؟

سندھ میں کورونا کی صورتحال اور صوبائی سطح پر اقدامات سے آگاہی، وزیراعظم عمران خان کا سندھ کے مختلف اضلاع کے دورے کا فیصلہ، گورنر سندھ ، پارٹی رہنماؤں، تاجروں اور علما سے ملاقاتیں شیڈول، صوبے میں کورونا کی صورتحال اور صوبائی اقدامات سے آگاہ کیا جائے گا، وزیراعلیٰ سندھ کہتے ہیں، وزیراعظم سندھ آئیں تو یہاں کے ایس او پیز پر عمل کریں اچھا پیغام جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہاتھ جوڑ کر کہتا ہوں اس وقت صرف لوگوں کا سوچیں، وفاقی حکومت کے وہ لوگ بول رہے ہیں جو فیصلہ سازی میں شریک نہیں، سمجھ نہیں آتا  تعمیراتی شعبے کو کھولنے کی کیا ضرورت ہے، ڈومیسٹک فلائٹس کھولنے کی مخالفت کی تھی، لاک ڈاؤن ہے تو درزی اور حجام کے پاس کون جائے گا، کسی سے ایک روپیہ بھی نہیں مانگ رہا، لوگوں سے اپیل ہے، گھروں میں رہیں، کورونا کیلئے جو فنڈز جاری ہو رہے ہیں اس کا آڈٹ کرانے کو تیار ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

معاون خصوصی فردوس عاشق اعوان وزیراعلیٰ سندھ پر برس پڑیں، کہا، موت کی کہانیاں سنا کر لوگوں کو مایوس نہ کریں، آپ کے صوبے میں اعداد و شمار سے زیادہ اموات ہیں، سندھ میں پھیلی بھوک اور افلاس کو دیکھیں، بھوکے کو روٹی دینا آپ کی ذمہ داری ہے، لاک ڈاؤن کریں یا کرفیو لگائیں یہ صوبوں کی صوابدید ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاک ڈاؤن سخت اور مزید سخت ہو گا، لوگوں کی جانوں سے کھیلنے کی اجازت نہیں دیں گے، مراد علی شاہ کہتے ہیں، خواتین کے سوا ڈبل سواری پر پابندی ہو گی، ایس او پیز کے بغیر کاروبار بھی نہیں کھلیں گے، فیکٹری یا دکان مالک، کو، کام کرنے والوں کی فہرست دینا ہو گی، فیکٹری یا عمارت میں ڈاکٹر موجود ہو گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعظم عمران خان سے ڈی جی آئی ایس آئی لیفٹیننٹ جنرل فیض حمید کی ملاقات، قومی سلامتی کے امور پر تبادلہ خیال

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لاک ڈاؤن میں نرمی کے اعلان کے بعد ملک میں بیشتر کاروبار کھل گئے، ورکشاپ، کارپینٹر، الیکٹریشن، پلمبر اور درزیوں کی دکانیں کھل گئیں، کھاد انڈسٹری اور سیمنٹ پلانٹ کو بھی کام جاری رکھنے کی اجازت، تعلیمی ادارے، پارکس، سینما گھر بند، عوامی اجتماعات، مزارات پر آمد و رفت پر پابندی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وفاقی حکومت نے تعمیراتی صنعت کیلئے آرڈیننس تیار کر لیا، کم لاگت کے ہاؤسنگ منصوبوں کیلئے ٹیکس کی چھوٹ نوے فیصد تک ہو گی، تعمیراتی میٹریل پر پچیس فیصد سیلز ٹیکس کم کیا جائے گا، ایکسائز ڈیوٹی کی شرح میں بھی پچیس فیصد تک کمی کی جائے گی، بلڈرز کو سیمنٹ اور سریے کے علاوہ دیگر سامان پر ودہولڈنگ ٹیکس کی چھوٹ ہو گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خیبر پختون خوا میں رکشے اور مزدوروں کو لے جانے والی پرائیویٹ گاڑیوں پر پابندی ختم، مشیر اطلاعات اجمل وزیر کہتے ہیں، بین الاضلاعی ٹرانسپورٹ پر پابندی برقرار رہے گی، پشاور میں کورونا کیسز کی تعداد بڑھ رہی ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا سے پاکستان میں اموات کی تعداد سو سے زیادہ  ہو گئی، چوبیس گھنٹوں میں گیارہ افراد زندگی کی بازی ہار گئے، متاثرہ افراد کی تعداد چھ ہزار کے قریب پہنچ گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اٹھارہ مارچ کو پاکستان میں کورونا  کا پہلا مریض جاں بحق ہوا، مہلک وائرس اٹھائیس روز میں ایک سو سات جانیں نگل گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا بھر میں کورونا سے بیس لاکھ سے زیادہ افراد متاثر، ایک لاکھ ستائیس ہزار سے زائد افراد چل بسے، چودہ روز میں دس لاکھ سے زائد کورونا کیسز رپورٹ ہوئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکہ میں ایک ہی روز میں کورونا سے ریکارڈ چوبیس سو سے زائد اموات، ہلاکتوں کی تعداد چھبیس ہزار سے بڑھ گئی، چھ لاکھ چودہ ہزار سے زائد افراد متاثر

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نیویارک میں کورونا کیسز کی تعداد دو لاکھ سے زائد ہو گئی، ہلاکتوں کی مجموعی تعداد دس ہزار سے بڑھ گئی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

سندھ میں کورونا کے ایک دن میں ریکارڈ کیسز رپورٹ، مرتضیٰ وہاب کہتے ہیں، گزشتہ چوبیس گھنٹوں میں ایک ہزار پانچ سو تیس ٹیسٹ کیے، ایک سو پچاس افراد کے ٹیسٹ مثبت آئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں مریضوں کی شرح دنیا سے کم نہیں ہے، وزیراعلیٰ سندھ کہتے ہیں، مستقبل قریب میں کورونا کے خاتمے کا حل نظر نہیں آ رہا، مجھے جو پتہ ہے وہ پوری طرح بتا نہیں سکتا، جو نہیں پتہ اس پر معافی مانگتا ہوں، اس بات پر پیشمانی ہے، کہ چیف جسٹس کو نکتہ نظر نہیں سمجھا سکے، امید ہے چھوٹی موٹی غلطی سے درگزر کیا جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا وائرس  سے بچاؤ کے ساتھ عوام کو بھوک سے بھی بچانا ہو گا، وفاقی وزیرعلی زیدی کہتے ہیں، ہر بحرانی کیفیت بہتری کے مواقع پیدا کرتی ہے، احساس  پروگرام کے تحت شفاف طریقے سے رقم کی تقسیم جاری ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خیبر پختون خوا حکومت کے نجی اسکولوں سے مذاکرات کامیاب، چھ ہزار سے زائد فیس پر بیس فیصد، چھ ہزار سے کم فیس پر دس فیصد پر رعایت ملے گی، اطلاق اپریل اور مئی کے مہینوں کیلئے ہو گا، پنجاب میں محکمہ اسکول ایجوکیشن نے شکایات سیل قائم کر دیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امریکا اور عالمی ادارہ صحت کے اختلافات میں شدت، صدر ڈونلڈ ٹرمپ نے ڈبلیو ایچ او کے فنڈز روک دئیے، چین نے کہا، امریکی فیصلہ دنیا کو مشکل میں ڈال سکتا ہے، جنرل سیکریٹری یو این انتونیو گوتریس کا متحد ہونے پر زور، بل گیٹس کی امریکی صدر کے فیصلے کی مخالفت

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا لاک ڈاؤن کے اثرات، دنیا بھر کی ائیرلائنز کو تین سو بیس ارب ڈالرز کا نقصان، امریکی حکومت کا اپنی ائیرلائنز کو سہارا دینے کا فیصلہ، چھ امریکی ائیرلائنز کو پچیس ارب ڈالرز کا امدادی پیکج دیا جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وزیراعلیٰ پنجاب کا کورونا ٹیسٹ کی استعداد روزانہ دس ہزار تک بڑھانے کا اعلان، کہا، لاک ڈاؤن میں نرمی کا ناجائزہ فائدہ نہ اٹھایا جائے، پنجاب میں باربر شاپس اور بیوٹی پارلرز کھولنے پر پابندی برقرار رہے گی، پنجاب کابینہ کمیٹی کی وزیراعلیٰ کو رمضان بازار نہ لگانے کی سفارش

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خیبر پختون خوا میں اٹھارہ مقامات سب جیل قرار، ، بوقت ضرورت اسکول، کالجز، ہوٹلز، شیلڑ ہومز اور محکمہ زراعت کی عمارات سب جیل تصور ہوں گی، گنجائش سے زیادہ قیدیوں والی جیلوں میں نئے قیدیوں کو نہیں لیا جائے گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پاکستان میں ایک ہزار چار سو چھیالیس افراد نے کورونا کو شکست دے دی، نیشنل کمانڈ اینڈ آپریشن سنٹرکے مطابق چوالیس مریضوں کی حالت تشویش ناک، تین ہزار سے زائد کیسز مقامی طور پر منتقل ہوئے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پنجاب میں کورونا کیسز کی تعداد تین ہزار کے قریب، سندھ میں ایک ہزار پانچ سو اٹھارہ، خیبر پختون خوا میں آٹھ سو پینسٹھ، بلوچستان میں دو سو چالیس کیسز، گلگت بلتستان میں دوسو چونتیس، اسلام آباد میں ایک سو چالیس اور آزاد کشمیر میں چھیالیس مریض

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اسپین میں کورونا کے باعث مزید تین سو چوبیس ہلاکتیں، مہلک وائرس سے مرنے والوں کی تعداد ساڑھے اٹھارہ ہزار سے بڑھ گئی، ایک لاکھ ستتر ہزار سے زائد کیسز

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اٹلی میں کورونا کے باعث مزید چھ سو دو ہلاکتیں، تعداد اکیس ہزار سے بڑھ گئی، فرانس میں کورونا  نے مزید سات سو باسٹھ جانیں لے لیں، اموات ساڑھے پندرہ ہزار سے زیادہ، برطانیہ میں بارہ ہزار سے زائد افراد چل بسے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

مساجد کھلی ہیں، اذانیں اور باجماعت نماز ہو رہی ہے، وزیراعلیٰ سندھ مراد علی شاہ کہتے ہیں، علمائے کرام سے افہام و تفہیم سے معاملات حل کریں گے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

وفاقی وزیر فواد چودھری کہتے ہیں، مفتی منیب الرحمان کو اتنا بڑا چاند نظر نہیں آتا،، تو چھوٹا سا کورونا وائرس کیسے نظر آئے گا، وزارت مذہبی امور کے احکامات کا یوں مذاق اڑایا گیا تو باقیوں سے کیا توقع؟ پچیس اپریل کو پہلا روزہ ہو گا، کورونا کے باعث چاند دیکھنے کا اجتماع نہیں ہو  گا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا ریلیف ٹائیگر فورس میں نو لاکھ اکتالیس ہزار سے زائد رضا کار رجسٹرڈ، عثمان ڈار کہتے ہیں، فورس کسی سیاسی جماعت کی نہیں بلکہ ملک کی رضاکار فورس ہو گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

انٹرنیٹ پر غلط معلومات کا پھیلاؤ کورونا سے زیادہ خطرناک ہے، اقوام متحدہ کے سیکریٹری جنرل کا کمیونیکیشن رسپونس کے قیام کا اعلان، کہتے ہیں، انٹرنیٹ پر مضر صحت مشورے اور جھوٹی باتیں بتائی جا رہی ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا وائرس چین نے نہیں پھیلایا، امریکی فوج کے چیئرمین جوائنٹ چیفس آف اسٹاف نے افواہوں کی تردید کردی، کہا، ٹھوس شواہد وائرس کے قدرتی ہونے کی جانب اشارہ کرتے ہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دوسری جنگ عظیم کا حصے رہنے والے برطانوی فوجی کورونا سے لڑنے کیلئے میدان میں، ننانوے سالہ فوجی نے برطانوی اسپتالوں کیلئے فنڈز جمع کرنے شروع کر دئیے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تین ماہ لاک ڈاؤن کی صورت میں برطانوی معیشت کے حجم میں ایک تہائی کمی ہو سکتی ہے، برطانوی محکمہ خزانہ نے خبردار کر دیا، بیس لاکھ افراد کے بے روزگار ہونے کا خدشہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جرمنی میں پھیلتا کورونا وائرس، جانور بھوک سے نڈھال، چڑیا گھر میں جانوروں کا پیٹ بھرنے کیلئے کچھ جانوروں کو مارنے کا فیصلہ

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

کورونا وائرس کے مرکز ووہان شہر میں زندگی لوٹ آئی، دو ماہ کے سخت لاک ڈاؤن کے بعد لوگ گھروں سے نکل آئے، کسی نے شاپنگ کیلئے بازاروں کا رخ کیا،، تو،، کوئی دفتر پہنچ گیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دنیا کے سب بڑے فلمی میلے پر کورونا کے سائے، کانز فلم فیسٹیول کا انعقاد مشکوک ہو گیا، منتظمین کے مطابق، جون یا جولائی میں بھی میلے کا انعقاد ممکن نہیں

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

فورڈ اور فراری کا اب گھروں میں بھی ٹاکرا، سپر اسٹارز کی ’فورڈ ورسز فراری‘ نے بلو رے سیلز سے پچاس کروڑ روپے سے زائد کما لیے

About The Author

ویب ڈیسک

See author's posts