پاکستان میں کورونا کیسز کی تعداد چار ہزار سے بڑھ گئی، مقامی طور پر منتقل ہونے والے کیسز میں بھی اضافہ، مقامی طور پر منتقل کیسز کی تعداد اکتالیس فیصد ہو گئی، پچپن افراد چل بسے، چار سو انتیس مریض صحت یاب
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آٹا چینی بحران رپورٹ میری منظوری سے جاری ہوئی، پچیس اپریل کو کمیشن کی رپورٹ آنے کے بعد مزید ایکشن ہو گا، وزیراعظم عمران خان کی زیر صدارت کابینہ اجلاس میں انکوائری رپورٹ پر گفتگو، وزیراعظم نے حالیہ اقدامات پر کابینہ ارکان کو اعتماد میں لیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چینی بحران کی تحقیقات کرنے والے کمیشن کے ارکان کو دھمکیاں دئیے جانے کا انکشاف، فردوس عاشق اعوان کہتی ہیں، دھمکیوں پر وزیراعظم نے برہمی کا اظہار کیا، انکوائری رپورٹ میں شوگر پالیسی پر سوال اٹھائے گئے، انصاف کی فراہمی میں کسی کو رکاوٹ نہیں بننے دیا جائے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کپتان اپنی فیلڈنگ بدلتا رہتا ہے، عمران خان پتے سینے سے لگا کر کھیلتے ہیں، رمضان کے بعد چینی چوروں کا حساب ہو گا، وزیر ریلوے شیخ رشید کہتے ہیں، وزیراعظم کے فیصلوں کا مجھے بھی معلوم نہیں تھا، تاجر کے سیاست میں آنے سے مافیا مضبوط ہو گیا، اسد عمر کا چینی سبسڈی دینے میں کوئی کردار نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آرمی چیف جنرل قمر جاوید باجوہ کہتے ہیں، دنیا کی ترقی یافتہ اقوام کو بھی کورونا سے نمٹنے میں مشکلات درپیش ہیں، مشکل کی اس گھڑی میں صبر اور جرات کا مظاہرہ کرنا ہو گا، حکومت طبی آلات کی ایمرجنسی سپلائی کو یقینی بنانے کے لیے کوشاں ہے، آرمی چیف کی ہدایت پر حفاظتی اور اہم طبی آلات کی ایمرجنسی سپلائیز کوئٹہ بھجوا دی گئیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کورونا کے باعث قیدیوں کی رہائی سے متعلق ہائی کورٹس کے احکامات کالعدم قرار، سپریم کورٹ کا رہا کیے گئے قیدیوں کو فوری گرفتار کرنے کا حکم، عدالت نے اٹارنی جنرل کی تجاویز منظور کرلیں، سنگین جرائم، نیب اور منشیات کے مقدموں میں ضمانتیں منسوخ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دنیا بھر میں کورونا سے چھہتر ہزار کے قریب افراد چل بسے، تیرہ لاکھ ساٹھ ہزار سے زائد افراد وائرس سے متاثر، دو لاکھ ترانوے ہزار سے زائد صحت یاب ہو گئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کورونا سے متاثر برطانوی وزیراعظم بورس جانسن انتہائی نگہداشت کے یونٹ میں زیرِعلاج، بورس جانسن کو گزشتہ رات اسپتال داخل کرایا گیا تھا، وزیر خارجہ ڈومینک راب نے قائم مقام وزیراعظم کی ذمہ داریاں سنبھال لیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
امریکا میں کورونا سے ایک دن میں بارہ سو افراد چل بسے، ہلاکتیں گیارہ ہزار کے قریب پہنچ گئیں، تین لاکھ سڑسٹھ ہزار سے زائد کیسز، ریاست نیویارک میں ایک لاکھ بتیس ہزار سے زائد مریض
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اسپین میں امریکا کے بعد کورونا کے سب سے زیادہ کیسز، تعداد ایک لاکھ چالیس ہزار سے بڑھ گئی، ساڑھے تیرہ ہزار سے زائد اموات
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اٹلی میں کورونا سے مزید چھ سو چھتیس افراد چل بسے، مرنے والوں کی تعداد ساڑھے سولہ ہزار سے بڑھ گئی ، ایک لاکھ بتیس ہزار سے زائد افراد مہلک وائرس سے متاثر
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پنجاب میں کورونا کیسز کی تعداد میں تیزی، دو ہزار سے زائد افراد متاثر، سندھ میں نو سو چھیاسی اور خیبر پختون خوا میں پانچ سو کیسز، گلگت بلتستان میں دو سو گیارہ اور بلوچستان میں دو سو دو کیسز، اسلام آباد میں تراسی، آزاد کشمیر میں اٹھارہ کیسز رپورٹ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سندھ حکومت کا آرڈیننس سے تاجر برادری کو ریلیف دینے پر غور، مختلف سیکٹرز میں تین ماہ کی ٹیکس چھوٹ دینے کا امکان، صوبائی محصولات کی وصولی میں بھی رعایت دی جائے گی، مرتضیٰ وہاب کو ڈرافٹ کی تیاری کی ہدایت
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کوئٹہ میں پولیس کے لاٹھی چارج کے بعد ڈاکٹروں نے کام چھوڑ دیا، ینگ ڈاکٹرز کا کہنا ہے کورونا کے خلاف حفاظتی سامان کی فراہمی تک تھانوں میں رہیں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بلوچستان میں ڈاکٹرز کے ساتھ برتاؤ پر وزیراعظم کا اظہار ناپسندیدگی، فردوس عاشق اعوان کہتی ہیں، طبی عملے کیلئے حفاظتی کٹس صوبائی حکومتوں کی بجائے براہ راست اسپتالوں کو دیں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سپریم کورٹ کا حکومت کو ایک ماہ میں بارڈرز پر قرنطینہ سینٹرز بنانے اور مکمل فعال کرنے کا حکم، قرنطینہ سنٹرز میں خوراک اور دیگر سہولیات کی مکمل فراہمی یقینی بنانے کی ہدایت، کوئٹہ میں ڈاکٹروں کو حفاظتی کِٹس بھی فراہم کرنے کا حکم
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پائلٹس کی تنظیم پالپا اور پی آئی اے انتظامیہ میں مذاکرات کامیاب، معاہدے کے مطابق، پائلٹس تمام شیڈول اور خصوصی پروازوں کو اڑانے کے پابند ہوں گے، انتظامیہ تمام حفاظتی سامان فراہم کرے گی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈاکٹروں کی وزیر اعلیٰ سندھ کو لاک ڈاؤن بڑھانے کی تجویز، کہا، مریضوں کی تعداد میں اچانک اضافے سے صوبے کا نظام صحت بیٹھ جائے گا، مراد علی شاہ کہتے ہیں، آئسولیشن سنٹرز، سی سی یو اور آئی سی یو کی تعداد بڑھا رہے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فرانس میں کورونا کیسز کی تعداد اٹھانوے ہزار سے بڑھ گئی، نو ہزار کے قریب مریض چل بسے، جرمنی میں ایک لاکھ سے زائد افراد متاثر
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
برطانیہ میں کورونا سے مزید چار سو انتالیس افراد چل بسے، ہلاکتوں کی تعداد پانچ ہزار تین سو سے بڑھ گئی، اکاون ہزار سے زائد افراد میں وائرس کی تصدیق
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کیا برطانوی وزیر اعظم کی لاپرواہی نے انہیں آئی سی یو پہنچایا؟ ایک ماہ پہلے تک بورس جانسن ڈاکٹروں کی ہدایات کے برخلاف دوسروں سے ہاتھ ملانے کے حق میں تھے، کئی افراد سے ہاتھ ملایا اور کہا، اگر آپ ہاتھ دھو لیتے ہیں تو ہاتھ ملانے میں کوئی ہرج نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چین میں ستتر ہزار سے زائد مریضوں نے کورونا کو پچھاڑ دیا، صرف بارہ سو مریض رہ گئے، اسپین میں تینتالیس اور جرمنی میں چھتیس ہزار سے زائد مریض صحت یاب، ایران میں ستائیس ہزار افراد نے کورونا کو شکست دے دی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حکومت اپنے لیے مسائل کھڑے کر رہی ہے، آٹے اور چینی کا مسئلہ بنا ہوا ہے، بڑے بڑے لوگ ملک کو نقصان پہنچا رہے ہیں، چیف جسٹس گلزار احمد کے اسپتالوں کی بندش سے متعلق کیس میں ریمارکس، اٹارنی جنرل نے کہا، حکومت کو کریڈٹ دینا چاہیے کہ انکوائری رپورٹ پبلک کی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جہانگیر ترین کہتے ہیں، چینی پر سبسڈی کی رپورٹ لکھنے والے ایف آئی اے اور ایسے اداروں کے لوگ ہیں جنہیں مارکیٹ کے حالات کا علم نہیں، پاکستان میں کاروبار کرنا جرم نہیں ہونا چاہیے، ای سی سی کے کسی ممبر پر کبھی اثر انداز ہونے کی کوشش نہیں کی، اعتراف کیا کہ، عمران خان سے پہلے جیسے قریبی تعلقات نہیں رہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رہنما ق لیگ مونس الہیٰ کا چینی آٹا اسکینڈل کی رپورٹ پر اطمینان کا اظہار، ہم نیوز کے مارننگ شو میں گفتگو کرتے ہوئے کہا، رپورٹ میں کوئی الزام نہیں لگایا گیا، سٹے باز وں کےخلاف کارروائی کا کہا گیا ہے، دیکھنا ہوگا سبسڈی ٹھیک تھی یا نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کورونا کیخلاف جنگ ایک امتحان ہے، سیاست کو ایک طرف رکھ دیا، اپوزیشن لیڈر شہباز شریف کہتے ہیں، کورونا نے معاشرے کو ہلا کر رکھ دیا، زراعت کیلئے فوری حکمت عملی بنانا ہو گی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سید فخرامام نے وزیر برائے تحفظ خوراک کا حلف اٹھا لیا، صدر مملکت ڈاکٹر عارف علوی نے حلف لیا، بابر اعوان کی بطور مشیر برائے پارلیمانی امور تقرری کا نوٹیفکیشن جاری
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کورونا کیخلاف جنگ کیلئے بنائی گئی ٹائیگر فورس میں آٹھ لاکھ کے قریب افراد کی رجسٹریشن، معاون خصوصی عثمان ڈار کی کابینہ اجلاس میں بریفنگ، وزیراعظم عمران خان نے کہا، نوجوان مشکل وقت میں قومی جذبے کا بھرپور مظاہرہ کر رہے ہیں، نوجوانوں کو صوبائی اور ضلعی سطح پر جلد متحرک کیا جائے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
این نائنٹی فائیو ماسک بنانے والی امریکی کمپنی تھری ایم اور ڈونلڈ ٹرمپ کے درمیان تنازع ختم، تھری ایم ہر ماہ امریکیوں کے لیے ساڑھے پانچ کروڑ ماسک تیار کرے گی، صدر ٹرمپ نے کمپنی کو ماسک برآمد کرنے کی بھی اجازت دے دی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایران میں کورونا سے اڑتیس سو سے زائد افراد ہلاک، باسٹھ ہزار سے زائد متاثر، سعودی عرب میں کورونا سے اڑتیس ہلاکتیں، مریضوں کی تعداد ستائیس سو سے زیادہ ہو گئی، جاپان میں بھی کیسز بڑھنے لگے، حکومت نے ملک بھر میں ہنگامی حالت نافذ کر دی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مقبوضہ کشمیر میں کورونا وائرس کے بڑھتے کیسز، اقوام متحدہ کے سیکرٹری جنرل انتونیو گوتریس کا بھارت سے کشمیری رہنماؤں کی رہائی کا مطالبہ، سابق وزیراعلیٰ محبوبہ مفتی گھر منتقل، گھر سب جیل قرار
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان نے کابل گردوارہ پر دہشت گرد حملے کو پاکستان سے جوڑنے کی بھارتی میڈیا رپورٹس مسترد کر دیں، ترجمان دفتر خارجہ نے کہا، حملے میں ملوث افراد کو انصاف کے کٹہرے میں لانا چاہیے، بھارتی میڈیا کی رپورٹ بھارتی حکومت کی پاکستان مخالف مہم کا حصہ ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان اسٹاک مارکیٹ میں مثبت رجحان کے ساتھ کاروبار کا اختتام، ہنڈرڈ انڈیکس میں چھ سو باون پوائنٹس کا اضافہ، انٹربینک میں ڈالر اکانوے پیسے مہنگا، ایک سو سڑسٹھ روپے نواسی پیسے کا ہو گیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سکھر کے قرنطینہ میں ڈیوٹی دینے والی نرسز کا ضلعی انتظامیہ پر بغیر کورونا ٹیسٹ کیے گھر بھیجنے کا الزام، وزیر اعلیٰ سندھ سے نوٹس لینے کا مطالبہ کر دیا، کہا پچیس روز قرنطینہ سینٹر میں ڈیوٹی کی، اضافی وظیفہ بھی نہیں دیا گیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شہری لاک ڈاؤن کی خلاف ورزی سے باز نہ آئے، کراچی اور لاہور کی سڑکوں پر شدید ٹریفک جام، لاہور میں پچیس روز کے دوران ایک لاکھ سے زائد شہریوں کو ناکوں پر روکا گیا، چودہ سو مقدمات درج، سندھ میں چوبیس گھنٹوں کے دوران تین سو سے زائد افراد گرفتار
۔۔۔۔۔۔۔۔۔۔
احتیاط کریں گے تو کورونا سے بچیں گے، اپنے اور اپنے پیاروں کی خاطر گھر پر رہیں، مجبوری کی حالت میں باہر نکلنا پڑے تو ماسک پہنیں، ہاتھ صابن یا سینیٹائزر سے بار بار صاف کریں، چہرے اور ماسک کو بالکل نہ چھوئیں، دوسروں سے کم از کم چھ فٹ کا فاصلہ برقرار رکھیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آسٹریلیا کے سابق کپتان مائیکل کلارک کا بھارتی کرکٹ بورڈ اور اپنے ساتھیوں پر بڑا الزام، کہا، کینگروز آئی پی ایل کی وجہ سے ویرات کوہلی کو میدان میں کچھ کہنے سے ڈرتے ہیں، کھلاڑیوں کو ڈر ہوتا ہے کہ ان سے آئی پی ایل کے مہنگے کنٹریکٹ چھن جائیں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سانحہ گیاری سیکٹر کے شہدا کو قوم کا سلام، سانحےکو آٹھ سال گزر گئے، گیاری سیکٹر میں برفانی تودہ گرنے سے ایک سو انتیس فوجیوں سمیت ایک سو چالیس افراد شہید ہوئے تھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پنجاب کے کئی شہروں میں بارش سے نشیبی علاقے زیر آب، لاہور، ملتان سمیت کئی شہروں میں بارش، پنڈی بھٹیاں میں ژالہ باری سے گندم کی فصل متاثر
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رواں سال کا دوسرا سپر مون آج رات دیکھا جا سکے گا ۔ دو ہزار بیس کا یہ سب سے روشن سپر مون ہوگا ، سپرمون کو پِنک مون کا نام دیا گیا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ورک فرام ہوم کے فارمولے پر عمل سے گھریلو خواتین کا کام بڑھ گیا، صدر عارف علوی کہتے ہیں، لاک ڈاؤن کے باعث گھروں میں رہنے والے مردوں کیلئے گھریلو کام کرنے کا اچھا موقع ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ثقلین مشتاق کا بڑا پن، بچوں کے ساتھ بچہ بن گئے، بیٹی نے ماڈل گرل بنایا تو بھی برا نہیں منایا، سرخ بالوں اور میک اپ کیساتھ لوگوں کے سامنے آئے، کورونا سے بچاؤ کا پیغام دیا، کہا، گھر پر بچوں کے ساتھ وقت گزاریں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گھر پر رہیں، سماجی دوری کے اصول پر عمل کریں، اسٹرنگز بینڈ کے بلال مقصود کا اسکیچنگ کے ذریعے پیغام
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستانی اداکارہ مایا علی نے سوشل میڈیا سے بریک لے لیا، انسٹاگرام پوسٹ میں کہا، قرنطینہ کا وقت ہر کوئی اپنے انداز سے گزار رہا ہے، میں روحانی سکون کی تلاش میں سوشل میڈیا بھی وقتی طور پر چھوڑ رہی ہوں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دو ہزار انیس کی مس انگلینڈ ڈاکٹر بھاشا کورونا سے لڑنے میدان میں آگئیں، سر سے مس برطانیہ کا تاج اتار کر میڈیکل گاؤن پہن لیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کنگ فو ایکشن کے بے تاج بادشاہ، جیکی چن چھیاسٹھ برس کے ہو گئے، شروع میں ایکسٹرا بن کر بروس لی سے مار کھائی، پھر خود ہیرو بن کر دشمنوں کو دھول چٹائی
About The Author
اے وی پڑھو
موہری سرائیکی تحریک دی کہاݨی…||ڈاکٹر احسن واگھا
سرائیکی وسیب کے شہر لیہ میں نایاب آوازوں کا ذخیرہ
فیمینسٹ!!!۔۔۔۔۔|| ذلفی