عورت آزادی مارچ کنیں شروع تھیوݨ آلی ” میرا ڄسم” دی بحث دا ہک ننویں روپ وچ نتارا کرونا وائرس دا اڄوکا ڳڑدھال ڄاپدے۔ توڑے جو اے ݙوھیں انجو انج سبجیکٹ ہن، انہیں دا فوکس تے رزلٹ وی وکھرے ہن پر”بائیو پالیٹکس” انہیں وچ ہک ڳوڑھی سانجھ بݨیدی ہے۔
بائیو پالیٹکس دا مرکز تے محورا "جسم۔۔۔ شریر ۔۔۔ باڈی” سمجھیا ویندے۔ جتھاں عورت آزادی مارچ وچ تریمتیں دے جسم یا شریر دی سوشل تے کلچرل ریگولیشن کوں چیلنج کیتا ویندا پیا ہئی۔ اُتھاں کرونا وائرس دی صورت وچ ساݙے جسم یا شریر کوں ننویں میڈیکل ریگولیشن دے تابع تھیوݨا پوندا پئے جیندے وچ ” سوشل آئسولیشن” تے ” کوآرٹین” تھیوݨ جہیں کرت کار نشابر ہے۔
بائیو پالیٹکس دی تھیوری فرانسیسی سکالر۔ فلاسفر مشل فوکو دی پاسیوں گھڑی ڳئی جینکوں ٻہوں سارے لکھاریں اڳوں ودھایا۔ مشل فوکو دی نظر وچ اڄوکے ” میڈیکل کلینک تے میڈیسن” کنیں گھن کنیں "سیکشوئیلٹی” دے ڈسکورس تائیں سبھے ہک نویکلی ” بائیو پاور” تے ” بائیو پالیٹکس” کوں جنم ݙیندن جنہیں دا ٹارگٹ ساݙا جسم یا شریر ہوندے تے ایں سانگے پوری پاپولیشن دے لائف پروسس دا کنٹرول۔ ݙوجھے لفظیں وچ ایں ننویں ” بائیو پالیٹکس” وچ جتھاں ہک پاسیوں جیوݨ دے ودھارے دے مدعے کوں گھن کنیں ریاستی ادارے، کارپوریشن تے نالج انڈسٹری جسم یا شریر دی ریگولیشن دے ننویں قانون تے ڈھنگ ڈھالے بݨیدی ہے تے بݨیسی تاں ٻئی پاسیوں اُنہیں دے خلاف مزاحمت دا مرکز وی ایہو جسم یا شریر تے ایندا ڈسکورس ای ہوسی۔
خیر ایں ڳالھ کوں میں ٻہوں ای سادہ کر ݙتے پر ایندا لُب لباب ایہو ہے جو کنٹرول تے مزاحمت ݙوھیں دا ننواں فیلڈ ” بائیو پاور تے بائیو پالیٹکس” ای ہوسی۔ ݙیکھو ایں کرونا وائرس دے مدعےدا انت کینجھی تے کہیں تراویں دی ” بائیو پالیٹکس” وچ تھیندے؟
About The Author
اے وی پڑھو
اشولال: دل سے نکل کر دلوں میں بسنے کا ملکہ رکھنے والی شاعری کے خالق
قومی اسمبلی دا تاریخی سیشن ،،26ویں آئینی ترمیم منظور
پی ٹی آئی فارورڈ بلاک کے حاجی گلبر وزیراعلیٰ گلگت بلتستان منتخب